Ijila 11:3 - O Mikanda Ikola

³ Joso kiá o jixitu jala ni ikoto ia di uane mu kaẋi, anga kikoto kimoxi ki uanunuka mu iiadi, anga jenda ue ni ku di andununa mu kanu, jojo-phe jene o ʼxitu ja kúdia.

Ijila 11:3 ပူးပေါင်းရင်းမြစ်များ

Jisabhu 2:10

Mukonda o unjimu ua-nda kubokona mu muẋima ué, o kuijiia anga kuuabhesa o muenhu ué.

Jisabhu 9:6

O uoua ehenu-u mu mone muenhu, di tedienu mu njila ia kilunji!

Ijila 11:2

Tangelenu anʼa Izalaiele, kuamba: Ku iama ioso iene kʼulu dia mundu, ienda ni inama iuana, jixitu ji mu tokala kudia-ku, jiji:

Ijila 11:26

O iama ioso-phe i jikuka kikoto maji ki kia uanunuka mu iiadi, ioso muene misékanda; ni iama ioso i kamba ku di andununa mu kanu, ioio ue misekanda; uoso u di bhiáuna-ku ngó ua di kasanesa muene.

Ijila 11:4

O jedi kabasa ji di andununa ngó mu kanu kuabhu, mba-phe jitanduka ngó o kikoto, kuabhu, jojo ki mu ji die; kala o kamelu, o ku di andununa iú na-ku, maji ki ka batuka kikoto; ió-phe musékanda.

Ijila 11:5

Ni sele, kuma mukua ku di andununa ue, maji ka batuka kikoto, ki xitu-phe ia kúdia.

Ijila 11:6

Ni dibhulu mukua ku di andununa ue, mu kanu, maji ka uanunuka kikoto, ió-phe ue musékanda.

Ijila 11:7

Ngulu ue ia uanunuka kikoto, o mbatu iê ia uanuna o kikoto mu mbandu jiiadi, maji ki i tena ku di andununa mu kanu; ʼió ue xitu ia musékanda.

Jipoxolo 17:11

Enʼiâ a beta ujitu, ka soko ni akua Tesalonika, kuma a tambulula o maka ni kutetuluka kuoso. Izuua ioso anga a kala mù tekula mu Madivulu ma Nzambi se o ima iii kia mu i tanga Phaulu, kiene ki ia tokala.

II Kolindo 6:17

Ngana muène uixi, dingi: Uila kiki, Tundenu mu mundu uâ, mu di kalele, eme ngi Ngana. Kana kubabata kima kia ufusa, eme nda ngi mi tambulule.

Matendelelu 14:6

Iama ioso ia batuka kikoto, anga kiuanunuka mu ikoto iiadi, anga i ta-ku o ku di andununa mu kanu, muʼaxaxi ka iama ioso, jene-phe o jixitu ja mi fuama o kúdia.

Matendelelu 14:8

O ngulu ue ki iafuama ku idia, kuma O ku batuka kikoto iú-naku, maji ki iene ku di andununa mu kanu; ió-phe iókidike, xitu iê kana ku idia, kimbi kiê kana ku ki kuata.

I Timote 4:15

Kolokota ni kubhanga ima ienhiʼii, suua ngó iene mu iene, athu oso a ku mone ki uia kiambote ku pholo.