Ijila 10:3 - O Mikanda Ikola

³ Mozé anga uambela Alá, uixi: Kiki kiene kia tange Jihovaʼiki, kuila: kuzela kuami nga-nda ku ku londekeza ku ió oso a ngi zukama anga bhu pholo ia mundu uoso ngi kala ni kijingo. Maji Alá-phe ua di xibhʼê.

Ijila 10:3 ပူးပေါင်းရင်းမြစ်များ

Dimatekenu 18:25

Lu ku suke, Ngana, ki ki bhite kuila u bhanga kima kala kiki, uila ni iá alungu ni iá abhukumuka u a jibhila kumoxi, kifua ni iá alungu ni iá abhukumuka, a soka? Ki ki ẋikina Ngana; Kifua Mufundixi u fundisa ioso mu ngongo, u lémbua kubatula mu kidi, hé u bhanga o kima kia kukamba kulûnga?

Jobe 2:10

Maji muene u mu vutuila, uixi: Kala ki zuela dilaji dioso-dioso, kiene ki ua mu zuela eie; mbé tu tambula ngó jimbote kua Nzambi o ia ibha kana? Mu ima ioso ienhiʼii Jobe ka tela-mu kituxi ni mizumbu iê.

Jisálamu 119:120

Xitu ja ngi teketa mukonda dia uoma ué, kuma o kufundisa kué, Ngana, ku kôla.

Jisálamu 148:14

Lumbinga lua povo iê ua lu bhana dingi nguzu, kia bhangesa akua kikutu kiê ku mu ximana; ene anʼê a Izalaiele, ene o mundu uê a mu zukama. Ximanenu Jihova!

Jisálamu 39:10

Ngi katule-diu, Ngana, o dibhebhu di ua ngi tula; nga toloka ni jihuxi ja ngi bhana o lukuaku lué.

Jisálamu 39:9

Ngedi nʼemuene húdi, ki ngi zuela kima; kanu diami nga di jika mukonda eie ua ki bhange.

Jisálamu 46:10

Mu batama, phala mu kʼijiie kuma eme ngi Nzambi; eme-muène ngi jînga muʼaxaxi ka matumbu; eme-muène ngi zangalala ue mu ngongo ioso.

Jisálamu 89:7

Nzambi ukôla, mu kionge kiê kia ji-anjo! Munéne! U kuata uôma! Ene oso a mu kondoloka mu mbèle iê, a mu xila kiavulu!

Jisálamu 93:5

Eie umbangi ué uoso u ua bhana ua kidi kiene; mʼonzo ié, u Jihova, muene mua fuama o kuzela kuoso sé dizubhilu.

Makatukilu 14:17

Eme-ze ngi kolesa o miẋima ia akua Ijitu, phala ene uâ a kutuke-mu mu ku a kaiela; bhenhobho ngi tambula fuma ku thandu dia Falaó, ni ku kilômbo kiê kioso, ni makalu ê a ita, ni kavalelu jê.

Makatukilu 14:4

Eme-phe ngi kolesa o muxima ua Falaó, o muene ua-nda ku a kaiela, eme bhenhobho nda ngi fumane ku thandu dia Falaó, ni ku thandu dia kilombo kiê kioso, akua Ijitu phala à kʼejiie kuma eme Jihova, O ana a Izalaiele anga a bhanga kienhókio.

Makatukilu 19:22

Ni jinganga ue, ene mu zukama kua Jihova, a di zelese, phala Jihova kʼa kuame ni kalunga ka ku a balukila.

Makatukilu 19:24

Jihova anga u mu ambela, uixi: Ndé, tuluka; phala u bande dingi ni Alá; Jinganga-phe ni mundu uoso ka bhumine kusomboka o mbambe, mu kubanda kua Jihova, phala Muene ka a kuame ni kalunga.

Makatukilu 30:30

Ni Alá ni anʼê, u a ta maji a ku a unda ni ku a kôlesa, phala a ngi kalakele ku unganga.

Izaía 39:8

Bhenhobho-phe, Izekiia uambela Izaia, uixi: Kizuelu kia Jihova ki ua zuela, kia uabha muene. Kuma ua kexe mu banza, uixi: Mbata mu izuua iami mua kà kala kutululuka, ni kidi.

Izaía 49:3

Iú ua ngʼambela: Eie u selevende iami; u Izalaiele, momué muene mu nga-nda kutambuila o fuma.

Izaía 52:11

Tundenu-ku, tudenu-ku, sondolokenu-bhu, kana kubabata kima kia ufusa; tundenu muʼaxaxi kâ, di-zelesienu enu oso muambata ingolongondo ia Jihova.

Izekiiele 20:41

Nga kà sangulukila momuʼenu ni dizumba dia mbote, kioso eme ki nga kà mi katula mu kaxi ka ifuẋi ni ku mi bhongolola ku jixi joso kua mi muangena; hé nga kà kala ngi muthu Ukôla momuʼenu bhu mesu ma akua ixi.

Izekiiele 28:22

u zuele, kuma: O Jihova, Nzambi, uambe kiki: Emʼiú mu kuzoka nʼeie, éʼSidone, a-nda ku ngi zangeleka muʼaxaxe ké; inga a kà kʼijiia kuila eme ngi Jihova, kioso momuʼé ki nga kà fundisa-mu ni mabhatuilu ma kidi, hé ngi kala ni kukola momuʼé.

Izekiiele 38:16

Anga eie ua kà banda mu kúlua ni mundu uami ua Izalaiele, mukuâ ni dituta phala kuvungina o ixi iami iene, mbé o akua jixi a tene ku ngʼijiia eme, kioso eme ki nga-nda ku di kolêsa, bhu mesu mâ, eie u Ngongo, tata!

Izekiiele 40:46

Maji o xilu dia talela ku njila ia Kusuku, dia jinganga jala ni kilangidilu kia Kalatódio; iá-phe ene anʼa Zadoko, mu kilunga kia anʼa Levi, a mu bhixila kua Jihova, phala ku mu bhikila.

Izekiiele 42:13

Anga u ngʼambela, uixi: O maxilu a kexile ku mutunmdila-kumbi ni maxilu a kexila ku uombe, ala ku pholo ia kididi kia di kalela, ió maxilu a kôla, mua bhingi kuila o jinganga, ja mu bhixila kua Jihova, muene mua dila o ima ikôla kinéne; o ima ikôla kinéne, muenhomo mua i tula, ni maujitu a makúdia, ni sata ia kituxi ni sata ia kuêla; mbata kididi kiókio kikôla.

Ijila 21:15

Ka sekalesa o mbutu iê muʼaxaxi ka jindandu jê; mbata Eme ngi Jihova nga mu jingisa.

Ijila 21:17

Tangela Alá, kuamba: Ki bhua kàle muthu ku mbutu iê, uala ni unema, anga uiza mu kubhana mubhaku ua kúdia kua Nzambi iê.

Ijila 21:21

Ki bhu kale muthu ku mbutu ia Alá, o nganga, uala ni unema kala iú, anga uiza mu kubhana mubhaku ua kubhakula ni túbhia ua tokala Jihova; kuma ka tenena, sai kia mu kambe; ió ka tena kubhiẋila mu kubhakula o musa ua Nzambi iê.

Ijila 21:6

Jinganga-phe a kale ku ujitu ni Nzambi iâ, o dijina dia Jihova Nzambi iá ka di sebulule, mbata ene axikamena kubhana jisata kua Jihova, ja kubhakula ni túbhia, ene ala kubhakuila Nzambi iâ o musa; ki bhinga-phe a zela muene.

Ijila 21:8

Kala kiki, eie u mu kôlesa muene; kuma muene ua xikamena kutela Nzambi iê o mbolo ku meza. Muthu u kala kiki, a mi kale muthu ukôla, kuma Eme Ngi Jihova, ngene ku mi bhana o kuzela, nga zela.

Ijila 22:9

A kale mu kualuka jinga o ijiia iami, phala ka balumune-ku kituxi kuthandu diâ, anga a bhitukila-ku o muenhu uâ, kia-nda kuila o ijiia a i lutu kiá; Eme Jihova, ngene ku mi kôlesa.

Ijila 8:35

Mu kala-phe bhu muelu ua balaka ia kutakanena usuku ni muanha, mu sambuadi dia izuua, mu kukumbidila kia mi tendelela Jihova, phala ki mu fue; kuma eme kiene kia ngi tendelesa.

Dialuilu 16:5

anga u zuelela Kola ni kionge kiê kioso, uixi: O mungu, mu kimenemene, o Jihova muene ua-nda kuijidisa uoso o uê ua mu tokala, ni ió uoso uazele, uoso Muene ua-nda ku mu bhiẋidisa kokuʼê.

Dialuilu 20:12

Maji o Jihova uambela Mozé ni Alá, uixi; Tala, mukonda mua kambe ku ngi xikana eme, phala ku ngi kôlesa bhu mesu ma anʼa Izalaiele, mukonda dia kienhiki ki mua-nda kubokuesa dingi o kilombo kiki mu ixi i nga a bhana.

Matesu 10:37

Uoso u zola tatʼâ mba mamʼâ, eme ni ngi mu kale ndenge, ió ka ngi tokala eme. Uoso u zola monʼ ê ua diiala mba ua muhatu, eme ni ngi mu kale ndenge, ka ngi tokala eme.

Nzuá 12:28

Tata, fumanesa o dijina dié! Kithanganʼ okio ku tunda dízui mu diulu, dixi: Nga di fumanesa kiá, hanji ngi di fumanesa jinga.

Nzuá 14:13

Ioso i mu bhinga kua Tata mu dijina diami, eme ngi i bhanga, mbé Tata nʼ a tambule o fuma kua Mona.

Matendelelu 32:51

Mukonda ua ngi te kituxi muʼaxaxi ka anʼa Izalaiele, bhu menha ma nzaia (Mediba) bhu Kadexi mu kikangalakata kia Nzini; kuma ua fudile ku ngi jingisa muʼaxaxi ka anʼa Izalaiele.

II Tesalonika 1:10

Kiki kiene kia kà bhita bhu Kizuua kiokio, bhuoso bhua kèjiia muène mu kutambula o fuma ku athuʼê angene, ni ujitu ku athu oso ió a mu xikana. Kuma enu mua xikana umbangi u tua bhana mudienu, muanda kua kà kala ue mu ʼaxaxe kâ mu kizuua kieniokio.

I Phetele 4:17

Kuma o tembu ieza kiá ia kufundisa, kua-nda kumatekena kua ió oso a tokala mu dibhata dia Nzambi. O kufundisa-phe se kua matekena ko kuetu, kua kà kala kiebhi mu kuzumbukila kua ió oso a xibhaka o Jingolokela Jambote ja Nzambi?

I Samuuele 2:30

Mukonda dia kiki Jihova, Nzambi ia Izalaiele uambe, uixi: Nga ki ambele muene ngixi o dibhata dié ni dibhata dia tatʼenu, dià xalela-ku kiá mu kuimajana jinga ni kubhanga ujitu bhu pholo iami; maji kiki-phe, eme Jihova, ki ngʼambeleʼokio nga ki texi dikanga; kuma oso a ngi xila eme, ene uâ eme ngʼa xila, oso-phe a ngi tènde, a kà jingunuka katé kia sebuluka muene.

I Samuuele 3:18

Samuuele anga u mu tangela maka moso, ka xi-ku dingi kima. Eli anga u zuela, uixi: Muene Jihova, a bhange kiá kioso kia mono kiauabha ku mesu mê.

I Samuuele 6:20

Akua Bete-seme anga a zuela, exi: Nanhi u tena kuimana bhu pholo ia Jihova Nzambi i kôla kiki? O muene kutunda bho-bhuetuʼabha, uia kua nanhi?