Ijila 10:2 - O Mikanda Ikola

² Bhenhobho anga ku fuafua túbhia bhu pholo ia Jihova, ene hé a jokota, a fuila bhobho bhu pholo ia Jihova.

Ijila 10:2 ပူးပေါင်းရင်းမြစ်များ

II Samuuele 6:7

Njinda ia Jihova anga i uamena Uza; Nzambi anga u mu betela bhenhobho mukonda dia kutondala kuê; u fuila bhobho bhu mbandu ia álaka ia Nzambi.

I Jisobha 13:28

Kienhokio uia, anga u sanga kimbi kia takukila mu njila, kumoxi ni bulu ni hoji, jemana bhu mbanduʼa kimbi; hoji mukutu ka u dile, mba kujibha o bulu.

I Jisobha 18:38

Bhenhobho kua Ngana kulauka lúbhia, anga tu jikatesa sata ia kuoha, ni jihuinhi, ni matadi, ni mavu, anga tu lesa hanji ue ni menha a kexile mu mulombo.

II Jisobha 1:10

Maji Elija ua vutula, uambela kabhitangu ka makuinhi a tanu, uixi: Se eme-phe ngi muthu ua Nzambi, ku diulu ku lauke túbhia tu ku jikinise nʼeie ni makuinhiʼé a tanu. Bheneʼobho-phe túbhia tua tundu mu diulu, tu tua a jikinisa ni muene ni makuinhʼé a tanu.

II Jisobha 1:12

Elija-phe u mu vutuila, uexi: Se eme-phe ngi Muthu ua Nzambi, ku diulu ku tuluke túbhia tu ku jikinise eie ni makuinhʼé a tanu a disoladi. Bheneʼobho o túbhia tua Nzambi tua tuluka mu diulu, tu tua mu jikinisa ni muene ni makuinhʼé a tanu a disoladi.

I Malunda 13:10

Njinda ia Jihova anga i uama, ubilukila Uza, anga u mu jibha, mukonda dia kusunununa o lukuaku luê ku álaka; muene hé ufuila bhenhobho, bhu pholo ia Nzambi.

I Malunda 15:13

Kuma o luadianga ku dimatekenu, kiosuʼiki-phe, enu ki mua kexe-bhu phala ku ki bhanga, Jihova Nzambi ietu, ua tu kuama, mukonda ki tua i takana kala kia tokala mu kitendelelu kiê.

I Malunda 24:2

O Nadabe-phe ni Abihú afu sé kuxisa ana, kala tatʼâ iú hanji ku muenhu; o Eliiazale-phe ni Itamale, anga akala mu kubhanga o kikalakalu kia unganga.

Jobe 1:16

Kioso iú kia mu zuela hanji, kueza mukuá, uixi: Túbhia tua Nzambi, tua tuluka mu diulu, tu tuoha jimbudi ni abhika oso katé kia buila, eme-muène ngó nga subhuka-ku phala ku ku tudila o njimbu.

Jisálamu 50:3

Nzambi ietu iú uiza, ka xikina kudixibha; ku pholo iê túbhia tuia ni kuaúla, mu jimbandu jê uenda ni kibhûngu kiavulu.

Makatukilu 24:1

Anga u ambela Mozé, uixi: Banda kunu kua Jihova, ni eie ni Alá, ni Nabade ni Abihu, ni makuinhi sambuadi a adiakimi a Izalaiele; muà suke mu kanga ni kubheza;

Izaía 30:33

Kuma Tofete a i iudika kiá, tunde mazá; xi, a i iudikila sobha; a i zongolola, a i kudisa; o sáma iê túbhia mu túbhia, o jihunhi jivula jala-mu; o muha ua Jihova ua kà uama kala muxónge ua xofidi.

Ijila 10:5

Ene anga a bhikila, hé a a zanguila mu mavunga mâ, anga aia-nâ ku kanga dia kibangu, kala kia tumu Mozé.

Ijila 16:1

Kuila ana kiiadi a mala a Alá afu kiá, Jihova uzuelesa Mozé kuma ene a bhele túbhia tuengi bhu pholo ia Jihova, anga afuila bhobho.

Ijila 9:24

Kuma bhu pholo ia Jihova bhua tundu túbhia tu tua jidisa o sata ioso ia kuoha ni banha iala ku kalatódio; o kifuẋi kioso kia ki mono, a dikola ni ngalasa, hé a di bhala jipholo bhoxi, mu kudiunda.

Dialuilu 14:37

enhó muene a fumanesa ixi anga a fuila ku dibhebhu dia tundu kua Jihova.

Dialuilu 16:35

Kuabhu-phe, anga ku tunda túbhia kua Jihova, anga tu jikinisa o hama jiiadi ni makuinhi atanu a muthu a kexi mu kuoha o uasu ua dizumba.

Dialuilu 16:49

O afu ku dibhebhu dienhodio a tenene kuinhi ni kiuana dia midi ni hama sambuadi, o afu ku mulonga ua Kola engi.

Dialuilu 26:61

Nadabe ni Abihu anga a fua ki ejiie ni túbhia tuengi bhu pholo ia Jihova.

Jipoxolo 5:10

Muène kithanganʼ okio, u di bhala bhu inama iê, hé u batuka o muenhu. O minzangala ki a bokona, a mu sanga uafu, anga a mu zangula, aia-nê a mu fûnda bhu mbandu ia munumiʼê.

Jipoxolo 5:5

Ananiia ki evu makʼ ama, ua di bhale bhoxi, anga u batuka o muenhu. O iá oso a kʼ ivu, uôma uavulu ua a kuata.

I Kolindo 10:11

Ima ioso ienʼ iii ia bhitile ku jitata jetu mʼ ukulu, ni i kale kijimbuete ku akua, maji ima ienʼ iii-phe a i soneka phala ku tu dimuna etu. Mukonda tuala mu kithangana kia kuila o dizubhilu dia jithembu dia zukama kiá.

I Samuuele 6:19

Muene Jihova anga u beta akua Bete-seme, mukonda a zongola moxi dia álaka ia Jihova; ku mundu anga u betaku makuinhi sambuadi a muthu, ene oso makota mʼathu; mundu anga a kala mu dila mukonda Jihova ua a beta ni kibetu kiavulu.