Ijila 10:1 - O Mikanda Ikola

¹ Nadabe ni Abihu, anʼa Alá, anga a ta-bhu túbhia, o ku túbhia a ta-ku o uasu ua dizumba, anga a bheka túbhia tuengi bhu pholo ia Jihova, ki tuene tua tumu muene.

Ijila 10:1 ပူးပေါင်းရင်းမြစ်များ

I Jisobha 18:38

Bhenhobho kua Ngana kulauka lúbhia, anga tu jikatesa sata ia kuoha, ni jihuinhi, ni matadi, ni mavu, anga tu lesa hanji ue ni menha a kexile mu mulombo.

Jisálamu 141:2

Musambu uami u bande ko kué, kala uasu ua dizumba; o makuʼami, kia sununuka, a kale kala sata ia ngoloxi.

Makatukilu 24:1

Anga u ambela Mozé, uixi: Banda kunu kua Jihova, ni eie ni Alá, ni Nabade ni Abihu, ni makuinhi sambuadi a adiakimi a Izalaiele; muà suke mu kanga ni kubheza;

Makatukilu 24:9

Kia zubha kubhanga kiki, Mozé ni Alá a banda ni Nadabe ni Abihu, ni makuinhi sambuadi a adiakime a Izalaiele;

Makatukilu 27:3

U iudika ue ni jímbia jê ja kuambatela o utókua, ni jipá jê ni jimbasinha, ni jingalufu, ni iomuenu ia kuambatela o makala a túbhia; iselengenhe iê ioso iii, i kala ia ngôndo.

Makatukilu 28:1

Ua kèxana phange ié Alá ni anʼê a mala, mu kaẋi ka anʼa Izalaiele, nʼa ku zukame, u a unde ku ngi kalakela ku unganga; ni Alá, ni Nadabe, ni Abihu, ni Eliezale, ni Itamale, ni anʼa Alá.

Makatukilu 31:11

ni maji a kuundila, ni isenso ia ibatubatu iauabha o dizumba, phala mu kididi kikôla; iene ioso kiá i nga ku lekelela, ene a i iudika.

Makatukilu 37:29

Anga u iudika ue ni maji akôla a kuundila, ni uasu ua ibatubatu ia uabha mazumba, iólunge kiambote ni ufunu ua mesene ia jinguendu, uene mu iudika o ima ia mazumba.

Makatukilu 38:3

Ua iudika ue ni imbamba ioso ia tokala ku kalatódio, ni iomuenu ia kuomuena o uthôkua, ni jipá jê, ni jimbasinha, ni jingalufu ja kukuatela xitu, ni malumbala a kuambatela o túbhia; imbamba ioso iii ua i iudika ni ngôndo.

Makatukilu 40:27

Anga u bhangela-ku o dixi dia ibatubatu ia uabha mazumba; kala kia mu tumu Jihova.

Makatukilu 6:23

Alá anga u bhenga muhatu, Eliseba monʼa Aminadabe, phange ia Nasone; muene anga u mu vualela Nadabe; ni Abihu, Eliiazale ni Itamale.

Makatukilu 8:27

Tu ehe tuie njila ia izuua itatu mu kikangalakata, phala tu satele Jihova Nzambi ietu kala kia tumu muene.

Jelemiia 19:5

Mbata a tungu matala ma Bale, mbé o kuoha anʼâ mu túbhia, uene mubhaku ua kuohela Bale; kima eme nuka nga a lekelelè-kiu, mba ku ki tanga, mba ngi ki banza ngó mu kilunji kiami.

Jelemiia 32:35

Iá a tunga matala ma Bahale, ala mu honga ia monʼa Hinome, phala kubhangesa anʼâ a mala ni anʼâ a ahatu kubhita mu túbhia tua Muloko; o kima eme nuka nga ambelelè-kiu ku ki bhanga, mba ki ngi bhita ngó ku muẋima uami, kuila a bhange ufusa uenhó; phala ene a bhangese Juda kuta kituxi.

Jelemiia 44:15

Mala oso ejidile kuila ahetuʼâ a mu kuoha uasu ua dizumba ku jinzambi jengi, ni ahatu emanene bheneʼobho, kifuẋi muene kia dikota kumoxi ni mundu uoso ua tungile mu Ijitu, bhu Patulu, a vutuila Jelemiia, exi:

Jelemiia 44:8

O ki mua-nda ku ngi thathamesa ni ikalakalu ia maku menu, kioso ki muʼoha uasu ua dizumba ku jinzambi jengi mʼoxi ia Ijitu, mu mua bokona, enu, phala kunhunganena-mu, mbebhu kʼenuʼenu mua-nda ku di jimisa o mbutu anga mu di bhanga mu akua mázui ni lusebu mu kaxi ka miji ioso mu ngongo?

Jelemiia 7:31

Ia a tungu matala ma Tofete, mala mu dikolo dia monʼa Hinome, phala muene mu ohela anʼâ a mala ni a ahatu mu túbhia; o kima nuka ngʼa tuma-kiu, mba ki ngi tunda ngó ku muẋima.

Ijila 16:1

Kuila ana kiiadi a mala a Alá afu kiá, Jihova uzuelesa Mozé kuma ene a bhele túbhia tuengi bhu pholo ia Jihova, anga afuila bhobho.

Ijila 16:12

A kuate ue o kiómuenu kiezala ni makala ma uama, matundu ku kalatódiko, kua Jihova, o bhu maku uvuota mabhubhu ma iadi ma uasu ua dizumba dinuha kiambote, uótuzale, a bokone-na-u mu ʼxilu dia mvéu.

Ijila 22:9

A kale mu kualuka jinga o ijiia iami, phala ka balumune-ku kituxi kuthandu diâ, anga a bhitukila-ku o muenhu uâ, kia-nda kuila o ijiia a i lutu kiá; Eme Jihova, ngene ku mi kôlesa.

Ijila 9:24

Kuma bhu pholo ia Jihova bhua tundu túbhia tu tua jidisa o sata ioso ia kuoha ni banha iala ku kalatódio; o kifuẋi kioso kia ki mono, a dikola ni ngalasa, hé a di bhala jipholo bhoxi, mu kudiunda.

Dialuilu 16:46

anga Mozé uambela Alá, uixi: Zangula o kiómuenu kié, u-te-bhu o túbhia tua kalatódio, u takuile-bhu o uasu ua dizumba, uie ni kunzunzuna kuala o kionge, ua kà a bhangele o kiamenga; mbata o njinda iavulu ia tundu bhu pholo ia Jihova; o dibhebhu-phe diandeka kiá.

Dialuilu 26:61

Nadabe ni Abihu anga a fua ki ejiie ni túbhia tuengi bhu pholo ia Jihova.

Dialuilu 4:18

Muiji ua mabhata ma anʼa Kohate, kana ku a batula mu kibuka kia Jilevita;

Matendelelu 12:32

Endenu ni ku di tongesa kiambote mu kualuka ima ioso i nga mi tendelela eme; ku imaʼiii ki mu te-ku, ki mu katule-ku.

Matendelelu 17:3

anga uia mu kubhikila jinzambi jengi, ni ku ji fukamena, dikumbi, mba mbeje, mba ifuẋi ioso iala ku diulu; kima eme ki nga ki tumina;

Matendelelu 4:2

O ku makʼama u nga mi tendelela, ki mu tudike-ku kima, ki mu tunune-ku kima, inda mu kumbidila ni kulûnda o ijiia ia Jihova Nzambi ienu, i ngala ku mi lekelela.

Jihebeleu 9:4

Muene mua kexi o kalatodio ka ulu, ka fumasa ia dizumba, ni álaka ia kikutu, iene ioso iofolale ulu, o moxi dia álaka mua kexile ni imbia mua bhake o maná, ni mbangala ia Alá ia buingitile mafe, ni matadi ma iadi ma basakasa, kuosoneke o ijila.