Ijila 1:9 - O Mikanda Ikola

⁹ Maji o midia-phe ni inama, u i sukula hanji ni menha. Nganga anga u i ohela ioso ku kalatódio, kuma sata ia kuoha, ujitu ua ku bhakula ni túbhia, ua dizumba diambote kua Jihova.

Ijila 1:9 ပူးပေါင်းရင်းမြစ်များ

Dimatekenu 8:21

Ngana anga uívua dizumba diambote; Ngana anga uamba ku muxima uê, uixi: Ki ngi tona dingi, ixi ku i ta mázui mukonda dia muthu, kuma ilunji ioso ia ixinganeku ia muthu, iaiibha tunde mu undenge uê; ki ngi tena dingi ue o kubuikisa mienhu ioso, kala ki nga bhangʼiki.

I Malunda 6:34

mona a Elekana, mona a Jelouamu mona a Ediiele, mona a Toua,

II Malunda 4:6

Ua bhange ue kuinhi dia masanga; iú ua te a tanu ku dilu, a tanu kiasu, phala ku di sukuila mueneʼomo; ioso i tokala ku sata ia kubhakula ni túbhia kua Jihova, a i sukuila mueneʼomo; maji o musanza ua kalunga-phe, phala jinganga kuia ni ku di sukuila-mu.

Jisálamu 51:6

Eie-phe ua bhingi kidi ki kala katé ni ku muẋima; moxi, mua kambe kumoneka ku athu, eie muene mu ua ngi longela o kaiula.

Jisálamu 66:15

Ngi bhakula kokué, jisata ja kuoha ja ibhaku ianete, kumoxi ni dizumba diambote dia ilumbe ia jimbudi; ngi bhana muene ni jingombe ni jihombo. (Selah.)

Makatukilu 12:9

Ki mu die-ku kama koso-koso ka uisu, mba mu i lamba mu menha, kikale mu i oha ku túbhia; ni mútue uê, ni inama, ni miẋima ioso moxi.

Makatukilu 29:18

Kilumbe kioso kia muvimba anga u ki ohela ku kalatódio; kífua sata ia Jihova ia kuoha; dizumba diambote, ujitu ua ku bhakula ni túbhia kua Jihova.

Makatukilu 29:25

O ki u i tambula bhu maku mâ, u i ohela ku kalatódio, ka jisata ja kuoha kifua dizumba diambote kua Jihova, ujitu ua kubhakula ni túbhia kua Jihova.

Jelemiia 4:14

Sukula o muẋima ué ku usuéia, eie u Jeluzaleme, nda u tene kubhuluka; katé bhebhi u jijila momʼué o ixinganeku ié ia ibha?

Izekiiele 20:28

Mukonda, kioso ki nga zubha o ku a bokuesa mu ixi i nga a lekelele o lukuaku luami, phala ku a bhana-iu, ene-phe bhenhobho a kengelela ku tumilundu tuoso tua di leka, ni ku miẋi ioso ia-di-zandela, ia a satela o jisata jâ ja mahamba kuenhoko, ia a lenguluisa o ku ngi lokalala o njinda iami ni kubhana o maujitu mâ kuenhoko, ni mazumba mâ ma mbote a ma tula ue kuenhoko, ni makunua mâ kuenhoko ue kua ma lunduluila.

Izekiiele 20:41

Nga kà sangulukila momuʼenu ni dizumba dia mbote, kioso eme ki nga kà mi katula mu kaxi ka ifuẋi ni ku mi bhongolola ku jixi joso kua mi muangena; hé nga kà kala ngi muthu Ukôla momuʼenu bhu mesu ma akua ixi.

Izekiiele 40:38

O xilu diê ni muelu uê, ua kexilile bhu mbanduʼa jiphiladi ja mielu ia kexile mu ku sukuila o sata ia kuoha.

Ijila 1:13

O midia-phe ni inama u i sukula hanji ni menha. O Nganga anga u i bhakula iene ioso ia muvimba, u i ohela ku kalatódio; kífua sata ia kuoha, ujitu ua kubhakula ni túbhia, ua dizumba diambote kua Jihova.

Ijila 1:17

Nganga anga u i bula mu kaẋi, dibhabha kuku dibhabha kuku; maji ka zubhe ku i bhanga mbandu jiiadi. Anga u i ohela ku kalatódio, ku jihuinhi ja te ku túbhia; kífua sata ia kuoha, ujitu ua ku bhakula ni túbhia, ua dizumba diambote kua Jihova.

Ijila 2:16

Mu kienhiki, o Nganga-phe u katula-ku o dibhûbhu dia ujitu ua dilembalelu anga u di oha; uila ku jimbundu jókange ji józuke u katula-ku, ku maji u katula-ku, o isenso ia uasu ua dizumba iene ioso, u i oha; uene ujitu ua kubhakula ni túbhia kua Jihova.

Ijila 2:2

anga u u bheka ku jinganga anʼa Alá; umoxi mudiâ anga u katula-ku dibhûbhu dia fuba ia fina, ni ku maji u katula-ku, ni uasu uê uene uoso ua dizumba. Ienhiʼii nganga anga u i ohela ku kalatódio, ujitu ua dilembalelu, ujitu ua kubhakula ni túbhia, ua dizumba diambote kua Jihova.

Ijila 2:9

Nganga anga u nomona ku mubhaku ua musa o dibhûbhu dia ujitu ua dilembalelu anga u u ohela ku kalatódio, ujitu ua kubhakula ni túbhia, ua dizumba diambote kua Jihova.

Ijila 3:11

O Nganga anga u i ohela ku kalatódio; kuene o kúdia kua ujitu ua kubhakula ni túbhia kua Jihova.

Ijila 3:5

Anʼa Alá a i ohela ku kalatódio, sata ia kuoha a i tula ku jihuinhi jala ku túbhia; kifua ujitu ua kubhakula ni túbhia, ua dizumba diambote kua Jihova.

Ijila 4:31

O banha ioso u i katula-ku kala kiene kukatula banha ku sata ia paze; nganga anga u i ohela ku kalatódio kuma dizumba diambote kua Jihova; nganga anga u mu bhangela kiamenga, anga a mu loloka o kituxi kiê.

Ijila 6:14

O Ngonge ienhiʼii ia mubhaku ua musa: anʼa Alá ene a u bhana kua Jihova ku pholo bhua lulama ni kalatódio.

Ijila 8:21

O mídia anga u i sukula ni menha, ni inama iê; Mozé anga u oha kilumbe kiene kioso ku kalatódio; kuma sata ia kuoha ia dizumba diambote; ujitu ua Jihova ua ku mu bhakuila ni túbhia, kala kia tumu Jihova kua Mozé.

Ijila 8:28

Mozé anga u i tambula dingi bhu makuʼâ, anga u i ohela ku kalatódio, ku thandu dia sata ia kuoha; kifua ujitu ua ku di lumba, ua dizumba diambote; ujitu ua kubhakuila Jihova, ni túbhia.

Ijila 9:14

Mídia anga u i sukula kumoxi ni inama, hé u i ohela ue ku thandu dia sata ia kuoha ku kalatódio.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Dialuilu 15:3

hé mua mesena Jihova mu mu satela ni túbhia, mba sata ia kuoha, mba sata ia mutululuku, mba mu bhanga hasa, mba mu bhanga ujitu ua kudifikixila, mba mu jifesa ja mi tumu, kubhanga dizumba diambote kua Jihova ni kibhaku kia dikota mba kiofele;

Dialuilu 28:11

Ni mu kumateka jimbeji jenu, mu bhakula ue kua Jihova sata ia kuoha, tungombe tuiadi tua ndumbe, kilumbe kia mbudi, sambuadi dia tumbudi tua ndumbe, tua muvu umoxi, ki tu moneka dixaka;

Dialuilu 28:7

Sata iê ia kúnua, mbandu ia kauana ia hine mu mbudi imoxi; ua kà lundulula dikáu didi dia kúnua kua nguzu kua Jihova, bhu kididi kikôla mu lumbu lua balaka.

Dialuilu 28:8

Mbudi ia mukuá mu i sata mu kumbi dia ngoloxi, kala sata iê ia mákudia, ni sata ia kúnua, kiene kimoxi ni mu kimene, ujitu a u bhakula ni túbhia, ua dizumba diambote kua Jihova.

II Kolindo 2:15

Kuma etu tua di bhange tu dizumba dia mbote dia uasu-ua-dizumba Kristu dia mu bhakuila Nzambi, dí diala kudimuangena muʼaxaxe ka iá a bhuluka ni ió a texika.

Efezo 5:2

Mienhu ienu i kale jinge mu henda kala henda ia Kristu ia tu kuatela, iu ua tenéne ku di bhakula bhu kididi kietu kuma kilumbu, sata ia uabhela Nzambi iala ni dizumba di nuha kiambote.

Matendelelu 12:27

anga mu bhakula jisata jenu ja kuoha, ni xitu ni manhinga mu i ta ku kalatódio ka Jihova Nzambi ienu; o manhinga oso a jisata jenu, mu a ẋamuina ku thanduʼa kalatódio ka Jihova Nzambi ienu; maji o xituʼoio mu idiê.

Filipe 4:18

Kiki-phe ima ioso i mua ngi tumikisa, nga i tambula, eme ngala na-iu kala ia ngi vudila. Ngezala ni imbamba ia ngi bhekela Epafrodito i mua mu tumu na-iu, kifua mukuâ ni dizumba di nuha kiambote, sata i tambulula Nzambi, i mu uabhela kiambote.