Ijila 1:5 - O Mikanda Ikola

⁵ Ngombe anga u i jibha bhu pholo ia Jihova; o jinganga, anʼa Alá, ene a bhakula manhinga, a eẋika mu jimbandu joso ja kalatódio kala bhu muelu ua balaka ia kutakanena.

Ijila 1:5 ပူးပေါင်းရင်းမြစ်များ

II Malunda 35:11

Anga a jibhila kiá o Phasu; o jinganga a kuala o kusangela o manhinga oso a kexile mu kutambula bhu maku ma jilevita, a kexile mu kuenda ni kutàla o ibhaku.

Makatukilu 29:11

O ngombe anga u i jibhila bhobho, bhu pholo ia Jihova, bhu muelu ua balaka ia kutakanena.

Makatukilu 29:16

kilumbe anga mu ki jibhila bhenhobho, o manhinga mê u ma sangela mu jimbandu ja kalatódio ku thandu diê.

Makatukilu 40:6

Kalatódio ka jisata ja kuoha u ka tula mu kithâdi bhu muelu ua balaka ia kutakanena.

Izaía 52:15

Mu kiki, muene uà kʼeẋika ifuẋi ia ndumba ku dibônzo, o jisobha a kà jika makanu mâ mukonda diê-muène; kuma kima ka a tangelele na-kiu a kà ki mona, kima ka kʼivile luua, kia kà a jimbulukila muene.

Izekiiele 36:25

Kienhókio nga kà mi pusuila menha a zele ku thandu dienu, anga mu-bhua o dixidilu dioso; nga kà mi zelesa muene ku maufusa menu moso, ni ku mahamba menu moso.

Izekiiele 43:18

Hé u ngʼambela, uixi: Èʼmonʼa diiala, o Jihova Nzambi uambe kiki: O jiji jene o jingonge ja Kalatódio, bhu kumbi dioso dia-nda ku ka bhanga, phala kubhakuila ku thandu diê o sata ja kuoha, ni kusangela-ku o manhinga.

Ijila 1:11

Anga u i jibhila bhu mbandu ia kalatódio ia kexila kusuku, bhu pholo ia Jihova; o jinganga-phe, anʼa Alá, anga eẋika o manhinga mê mu jimbandu joso ja kalatódio.

Ijila 1:15

Nganga anga u bheka o njila bhu kalatódio, hé u i nhonga o xìngu ni kiala kiê katé o mútue ki u sokoka ku xingu maji ka u batula-ku, anga u i ohela ku kalatódio, kioso kia zubha kuzunzila o manhinga mê mu jimbandu ja kalatódio.

Ijila 16:15

Kienhokio kiene kiua kia jibha o kisutu kia kiamenga kia sata ia kubhela o povo ioso, o manhinga mê a ma bhele mu ʻxilu dia mvéu, kala kioso kia bhange ni manhinga ma ngaloteʼoio, kiene ue kia bhanga ni manhinga iá, anga u ma sangela ku kibhuna kia kiadi ni ku pholo kunu ia kibhuna kia kiadi, kiki.

Ijila 17:11

Mbata muenhu ua xitu uala mu manhinga; kiene ki nga mi bhela-u ku thanduʼa kalatódio mu ku mi jimuina ikuma, mienhu ienu phala ibhanduluke; mukonda o manhinga ene ngoho a tena kubhanga kiamenga ki zelesa o mienhu ia athu.

Ijila 3:13

muene a tule o lukuaku luê mu mútue ua kibhaku, a ki jibhile bhu muelu ua balaka ia kutakanena; o anʼa Alá anga eẋika o manhinga mê mu jimbandu joso ja kalatódio.

Ijila 3:2

Muthu ua bhana ujitu u tula lukuaku luê mu mútue ua kibhaku, hé a ki jibhila bhu muelu ua balaka ia kutakanena; jinganga anʼa Alá anga eẋika o manhinga mu jimbandu joso ja kalatódio.

Ijila 3:8

a tule lukuaku luê mu mútue ua kibhaku, a ki jibhile bhu muelu ua balaka ia kutakanena; o jinganga anʼa Alá anga eẋike o manhinga mê mu jimbandu joso ja kalatódio.

Ijila 4:29

Anga u tula lukuaku luê mu mútue ua sata iê ia kusatela kituxi, sata anga a i jibhila bhu kididi bhuoso bhene kujibhila o sata ia kuoha.

Ijila 4:33

Anga u tula lukuaku luê mu mútue ua sata iê ia kusatela kituxi, anga u jibha kuma sata ia kituxi, bhu kididi bhuoso bhene kujibhila o sata ia kuoha.

Ijila 4:7

Nganga u ta ue o manhinga ku jimbinga ja kalatódio ka uasu ua uabha o dizumba, bhu pholo ia Jihova, kala mu balaka ia kutakanena; manhinga ma mukuá moso u a eẋikila bhoxi dia kalatódio ka jisata ja kuoha, kala mu kithâdi bhu mbandu, a muelu ua balaka ia kutakanena.

Mikeia 6:6

Kima kiahi ki ngiia na-kiu bhu pholo ia Jihova ni nga kà fukame na-kiu bhu pholo ia Nzambi ua suka ku ukota? Ngiza bhu pholo iê ni maujitu ma kuoha? Ngi mu bhekela tungombe tua muvu umoxi?

Dialuilu 18:17

Maji o phande-kumbi ia ngombe-phe, mba phande-kumbi ia mbudi, mba phande-kumbi ia hombo, kana ku i kula; mbata ikôla; manhinga mâ u ma sangela ku kalatódio, o maji mâ u moha kuma sata ia kuoha, i tubhula dizumba diambote kua Jihova.

Jihebeleu 10:11

O nganga ioso ia Jijudé izuua ioso u imana ni kusedivila, ni kubhana jinga o jisata jene jimoxi. Maji o jene nuka ji tena kukatula ituxi.

Jihebeleu 12:24

Mueza kua Jezú, ua bhange o kikutu kiobhe, iú ua sangela o manhinga ma jimbulula o ima ia beta kuuabha, ki ma soko ni manhinga ma Abele.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.

I Samuuele 1:25

Anga a jibha ngalote ia ngombe, hé mona a mu bheka kienhiki kua Eli.