Ijila 1:4 - O Mikanda Ikola

⁴ A tule lukuaku luê mu mútue ua sata ia kuoha; anga a i ẋikina bhu kididi kia muene phala ku mu bhangela kiamenga.

Ijila 1:4 ပူးပေါင်းရင်းမြစ်များ

Makatukilu 28:38

O Alá anga u i zuata bhu dibhomo diê, Alá anga u ambata o kutondala kua anʼa Izalaiele mu ima ioso ikola ni mu maujitu mâ moso ma kôla ma lumbila Nzambi; i kale jinge bhu dibhomo diê, phala ene a a tambulule kua Jihova.

Makatukilu 29:10

O ngombe ia kiubha u i bheka bhu kanga dia balaka ia kutakanena; ni Alá-phe ni anʼê, a tula maku mâ ku thanduʼa mútue ua ngombe.

Makatukilu 29:15

Kienhókio ku ilumbe ia jimbudi u kuata-bhu ue kimoxi; Alá ni anʼê anga a tula maku mâ ku mútue ua kilumbe;

Makatukilu 29:19

Kilumbe kia mbudi kia mukuá anga u ki kuata ue; Alá ni anʼê anga a tula maku mâ ku mútue ua kilumbe.

Makatukilu 29:33

A kà dia ima ienhiʼii, ia sata ia kilumbe phala ku a lumbila ni ku a kôlesa; o muthu uengi-phe ka tena kudia-ku, mukonda ikola.

Izaía 56:7

Eme ue nga kà ambata ku mulundu uami ukôla, anga nga kà a bhangela fesa mʼonzo iami ia kusambela; o mibhaku iâ ia kuoha ni jisata jâ, nga kà ji xikina muene bhu kalatódio kami; kuma onzo iami a kà i ixana onzo ia kusambela phala akua jixi joso.

Izekiiele 45:15

O ku kilunga kia hama jiiadi ja mbudi, mu katula jinga-ku kambudi kamoxi ku jojo ja nete kiambote mu makela a Izalaiele, mbé o ujitu ua mákudia, ni sata ia kubhakula ni túbhia kua Jihova, ni sata ia kutululuka; phala o mundu ende ni ku u bhangela o kiamenga, kiene kia tange Jihova Nzambi.

Daniiele 9:24

Mundu ué ni diembu dié diangene a a xindila makuinhi sambuadi a jisemana, mbé o kujima kitondalu, ni kuzubha-ku o ituxi, ni kuta o kiamenga kia kulamba o kikuma, anga a mi bhekela kiua o kulunga kuxialelà-ku, o isuma ni upolofeta anga a i jika kiá ni idimbu, anga a unda kiá o Dilemba dia anangene, uene ni kuzela kua tundu athu oso.

Ijila 16:21

Anga Alá u tula maku mê maiadi ku thanduʼa mútue ua kisutu kia muenhu, kuene kua fisalela o ikuma ioso ia anʼa Izalaiele, ni itondalu iâ ioso, ni ituxi iâ ioso; anga u i lunjika ku thanduʼa mútue ua kisutuʼiki, anga u ki tumikisa mu kikangalakata, o muthu uoso uia-na-kiu, adianga ku mu kasa kiá.

Ijila 16:24

Anga uiẋika o mukutu uê ni menha mu kididi kiangenʼiki, anga uzuata kiua o izuatu iê; bhenhobho-phe u tunda nʼa iudika kiua o sata iê-muène ia kubhakula ni túbhia, kua Jihova, ni sata ia kubhakula ni túbhia ia kifuẋi, nʼa bhange kiamenga kia ku di kinduila muene ni ku kinduila o mundu.

Ijila 22:21

O muthu-phe kia bhindamena kubhakula sata ia paze kua Jihova, se uedi ngi tungula kibhaku ku jingombe mba ku jimbudi, ki kale kia hasa ia tele, ki kale kia ku di fikixila, ki ki kale ni dibaka, phala a ki ẋikine, ka ki sange ni unema uoso-uoso.

Ijila 22:27

Ngombe mba mbudi, mba hombo, se iòvuale ngó lelu, ikale hanji mu matânga a mamʼâ katé mu sambuadi dia izuua; o ki i bhua, kuabhu, tunde kiá mu kizuua kia kanake katé kiá ku pholo, kibhaku kiókio ki tena kiá kusedivila kiambote mu ku ki bhakula ku sata ia kubhakula ni túbhia kua Jihova.

Ijila 3:13

muene a tule o lukuaku luê mu mútue ua kibhaku, a ki jibhile bhu muelu ua balaka ia kutakanena; o anʼa Alá anga eẋika o manhinga mê mu jimbandu joso ja kalatódio.

Ijila 3:2

Muthu ua bhana ujitu u tula lukuaku luê mu mútue ua kibhaku, hé a ki jibhila bhu muelu ua balaka ia kutakanena; jinganga anʼa Alá anga eẋika o manhinga mu jimbandu joso ja kalatódio.

Ijila 3:8

a tule lukuaku luê mu mútue ua kibhaku, a ki jibhile bhu muelu ua balaka ia kutakanena; o jinganga anʼa Alá anga eẋike o manhinga mê mu jimbandu joso ja kalatódio.

Ijila 4:15

O adiakimi oso a kilômbo a tule maku mâ bhu mútue ua ngombe, bhu pholo ia Jihova; ngombe anga a i jibhila bhu pholo ia Jihova.

Ijila 4:20

Kiene kia bhangʼiki, kioso kia bhanga ni ngombe ia sata ia kusatela kituxi, ni iii ue kiene; kala kiki nganga u a bhangela kiamenga, nʼa a loloka.

Ijila 4:24

Anga u tula lukuaku luê mu mútue ua kisutu kia hombo, hé a ki jibha, a ki jibhila bhu kididi bhuoso bhene kijibhila o sata ia kuoha bhu pholo ia Jihova; kuma iii sata ia kusatela kituxi.

Ijila 4:26

Banha iê ioso u i ohela ku kalatódio, kala o banha ia sata ia paze ki ene ku i oha; nganga anga u mu bhangela kiamenga mukonda dia kituxi kiê, anga a mu loloka.

Ijila 4:29

Anga u tula lukuaku luê mu mútue ua sata iê ia kusatela kituxi, sata anga a i jibhila bhu kididi bhuoso bhene kujibhila o sata ia kuoha.

Ijila 4:31

O banha ioso u i katula-ku kala kiene kukatula banha ku sata ia paze; nganga anga u i ohela ku kalatódio kuma dizumba diambote kua Jihova; nganga anga u mu bhangela kiamenga, anga a mu loloka o kituxi kiê.

Ijila 4:33

Anga u tula lukuaku luê mu mútue ua sata iê ia kusatela kituxi, anga u jibha kuma sata ia kituxi, bhu kididi bhuoso bhene kujibhila o sata ia kuoha.

Ijila 4:35

O banha ioso u i katula-ku, kala ki ene kukatula banha ia mbudi ia sata ia paze; nganga anga u i ohela ku kalatódio, ku thandu dia maujitu ma Jihova ma kubhakula ni túbhia; nganga anga u mu bhangela kiamenga mukonda dia kituxi kiê kia te, anga a mu loloka-kiu.

Ijila 4:4

Ngombe a i bheke bhu múelu ua balaka ia kutakanena; anga muene a tule lukuaku luê mu mútue ua ngombe, nʼa i jibhile bhu pholo ia Jihova.

Ijila 5:6

a bheke-phe kua Jihova mu kuêla kuê, sata ia kusatela kituxi kiê kia te, kibhaku kia e mukaji, mba mbudi mba hombo, mu sata ia kituxi; nganga anga u mu bhangela kiamenga mukonda dia kituxi kiê.

Ijila 6:7

o nganga anga u mu bhangela o kiamenga bhu pholo ia Jihova; anga a mu loloka kioso kia bhange kia mu bhekela o kuêla.

Ijila 8:14

Anga u tuma ku mu bhekela kangombe ka sata ia kituxi, Alá ni anʼê anga a tula maku mâ mu mútue ua kangombe ka sata ia kituxi.

Ijila 8:18

Anga u tuma ku mu bhekela o kilumbe kia mbudi, kia sata ia kuoha; Alá ni anʼê anga a tula maku mâ ku mútue ua kilumbe kia mbudi.

Ijila 8:22

Anga u tuma ku mu bhekela o kilumbe kia mukuá, kilumbe kia ku di lumbila; Alá ni anʼê anga a tula maku mâ mu mútue ua kilumbe.

Ijila 9:7

Bhenhobho Mozé anga u ambela Alá, uixi: Bhiẋila bhu kalatódio u bhane sata ié ia kituxi ni sata ia kuoha; u bhange kiamenga ni kié eʼmuène, ni kia kifuẋi; u bhange kiua ujitu ua kifuẋi, u a bangele ni kiamenga, kala kia tumu Jihova.

Dialuilu 15:25

Nganga anga ua bhangela kiluuluilu kia kubhuisa ikuma, kilômbo kioso kia anʼa Izalaiele, anga a a loloka; kuma a ki bhange ni kutondala, ki kia kubhanga luelu, ia a bheka ujitu ua, sata ia kuoha ni tubhia kua Jihova, ni sata iâ ia kituxi bhu pholo ia Jihova, mukonda dia kutondala kuâ.

Dialuilu 15:28

Nganga anga u mu bhangela kiamenga mu kubhuisa ikuma ia muthu ua te kituxi kia kutondala bhu pholo ia Jihova, kuma ka ki bhange luelu, bhu bhita kiluuluilu, anga a mu loloka.

Dialuilu 25:13

ki kala kia muene, ni anʼê a mu bhingana, kikutu kia unganga u nangenena; kuma ua kexile ni muanu ua kuzokela Nzambi iê, iú ua bhitisa kiamenga phala anʼa Izalaiele.

Dialuilu 8:10

anga u bheka Jilevita bhu pholo ia Jihova. Anʼa Izalaiele bhenhobho a tule maku mâ ku thandu dia Jilevita;

Dialuilu 8:12

Jilevita anga a tula maku mâ ku mítue ia tungombe tua ndumbe; kamoxi u ka bhana mu sata ia kituxi, kamoxi u ka bhana mu sata ia kuoha, a tu satela Jihova, phala Jilevita ku a bhuisa o ikuma,

Loma 12:1

Uila kiki nga mi diondo-phe, jiphange, mu jihenda ja Nzambi, di bhakudienu o mikutu ienu kua muène, kuma sata ia muenhu, mua di lumbu mu kikalakalu kiê, mu akua ujitu kua Nzambi. Kuma iú uene o ubhhezelu ua kilunji ua ni fuama.

Loma 3:25

Nzambi ua bhakula Kristu mu kukala sata, phala mu kufua kuê, Kristu a biluke muène diluuluilu dia athu nʼa tambule o muloloko ua ituxi, mu ku mu xikana muène. Nzambi ua bhange kiki, mù ku idikiza kuila muène uaiuka. Kuma Nzambi mukua muanu, o ituxi ia ta jinga athu mʼ ukulu ua i somboka mu kulenduka kuê.

Loma 5:11

O kiokio ngó ki kiene, maji ni kiki tua sanguluka mua Nzambi, mukonda dia Ngana ietu Jezú Kristu, ua tena o ku tu bhanga tu makamba ma Nzambi, kuma kua Muène kuene ku tua luulukila.

Filipe 4:18

Kiki-phe ima ioso i mua ngi tumikisa, nga i tambula, eme ngala na-iu kala ia ngi vudila. Ngezala ni imbamba ia ngi bhekela Epafrodito i mua mu tumu na-iu, kifua mukuâ ni dizumba di nuha kiambote, sata i tambulula Nzambi, i mu uabhela kiambote.

Jihebeleu 10:4

Mukonda ki ki xikina kuila o manhinga ma jingombe, ni jihombo ma tena kukatula ituxi ia muthu.

I Nzuá 2:2

Mukonda Jezú Kristu, muène kiluuluilu kia ituxi ietu. O ietu-etu ngó ki iene, maji ue ni ia mundu uoso.