Ijila 1:3 - O Mikanda Ikola

³ Ujitu uê se u kala sata ia kuoha ia ngombe, a sole ia ndumbe, sé ngó unema; a i bheke muène mu vondadi iê, bhu muelu ua balaka ia kutakanena, phala a i ẋikine bhu pholo ia Jihova.

Ijila 1:3 ပူးပေါင်းရင်းမြစ်များ

Dimatekenu 22:13

Mbalahamu anga u zambula mesu, u tala kiki, u mona ku dima diê kilumbe kia mbudi kia sukamena mu kisasa ni jimbinga jê; Mbalahamu anga uia-bhu, u kuata kilumbe kia mbudi, anga u ki bhana mu sata ia kuoha bhu kididi kia monʼê.

Dimatekenu 22:2

Uixi-phe: Katula monʼé, monʼé umoxi-èlele, Izake, monʼé ua kazola uie-nê kʼoxi ia Modiia; kuenhoko ua kà ngi satele-nê, sata ia kuoha, bhu thala a mulundu uoso u ngi ku idikiza.

Dimatekenu 22:8

Mhalahamu anga u vutula, uixi: Nzambi muene ua-nda kusota kambudi kê ka ku mu satela, monʼami; anga ela kumoxi kiiadi kiâ.

Dimatekenu 8:20

Noué anga u tunga kalatódio ka Ngana; u kuata ku jixitu joso jazele, ni ku jinjila joso jazele, anga u bhana jisata ja kuoha ku thandu dia kalató dio.

II Malunda 29:32

Okieza mu kualula o jisata ja kubhakula ni túbhia kua Jihova, jeza na-ju o kifuẋi, ja tena makuinhi sambuadi a ngombe; hama ia ilumbe ia jimbudi; hama jiiadi ja tumbudi tua ndumbe; iene iosuʼiii phala sata ia kubhakula ni túbhia kua Jihova.

II Malunda 35:12

O jisata ja kuoha anga a di tudilila-ju ni mbandu iê phala ku ji bhana ku kifuẋi kala kioso kia di uane o mabhata ma jitata jâ, phala ene muene a ji bhakule kua Jihova kala kia ki soneka mu divulu dia Mozé; ni jingombe kiene ue kia ji bhange.

Jisálamu 110:3

Makuenze mé ma kà di bheka muene mu vondadi iâ, bhu kizuua ki u katula o kilômbo; ni kukemba kuazele, anʼé a kà tomboloka kala dimume dia lelu mu kimene.

Jisálamu 40:8

Nga sanguluka mu kubhanga ki ua mesena eie u Nzambi iami; xi, mbata, o ngonge ié ia ngi kala moxi dia muẋima.

Makatukilu 12:5

O mbudi iene i kala iadisanze sé ngó unema, ndumbe ia kiubha kimoxi; hé ku jimbudi mu katula, hé ku jihombo mu katula;

Makatukilu 24:5

Anga u tuma minzangala ku anʼa Izalaiele, kuia mu kubhakula jisata ja kuoha, a jibha jisata ja paze, ja jingombe ja satela Jihova.

Makatukilu 29:18

Kilumbe kioso kia muvimba anga u ki ohela ku kalatódio; kífua sata ia Jihova ia kuoha; dizumba diambote, ujitu ua ku bhakula ni túbhia kua Jihova.

Makatukilu 29:4

Ni Alá-phe ni anʼê a mala u a bheka bhu muelu ua balaka ia kutakanena, anga u a eẋika bhenhobho ni menha.

Makatukilu 29:42

Sata iii ia kuoha izuua ioso, mu ngi satela jinga na-iu ku miji ienu ioso, sé kumoneka bhu ia suku, bhu muelu ua balaka ia kutakanena bhu pholo ia Jihova, bhene bhu tu takanena jinga, bhene bhu ngi mi zuelesela.

Makatukilu 32:6

Ki kúkia anga a di meneka, a bhana jisata ja kuoha, a bheka jisata ja uembu; mundu anga a xikama mu kúdia ni kúnua, hé a balumuka anga a tonoka.

Makatukilu 35:21

Anga eza, muthu uoso muxima uê ua mu tumu-kiu, ku nzumbi iê kua mu kala vondadi, a bheka ujitu ua Jihova, imbamba ia kuiudika balaka ia kutakanena, ia tokala mu kikalakalu kiê, ni izuatu iê ikola.

Makatukilu 35:29

Anʼa Izalaiele a bheka ujitu ua vondadi iâ kua Jihova; ni mala ni ahatu oso ala ni vondadi ia muxima, a bheka ima ioso ia tokala mu kikalakalu kia kuiudika ioso ia tumu Jihova kua Mozé.

Makatukilu 35:5

Mu tambula mudienu, ku ioso i muala na-iu, mukungu ua Jihova; uoso muxima ua mu zangumuka mu vondadi iê, a bheke ujitu kua Jihova; ni ulu, ni phalta, ni ngôndo,

Makatukilu 36:3

Eneʼá anga a tambula kua Mozé ujitu uoso ua bheka anʼa Izalaiele, o ima ia kuiudika imbamba ioso ia dibhezelu. Ene hanji-phe enda ni ku mu bhekela maujitu ma vondadi izuua ioso mu kimene.

Makatukilu 38:1

Anga u iudika ni kalatódio ka jisata ja kuoha, ka muẋi ua xitimi kulebha kuê kóvadu jitanu, kuzanza kuê kóvadu jitanu; mbandu jê jiuana ja sokela kumoxi; kitala kiê kóvadu jitatu.

Izaía 1:11

Eme Jihova, uambe, o ilunga ienu ia jisata i ngi bhandululaʼhi? Ngedi ni mibhaku ienu ia jimbudi ja kuoha, ni ia matheka ma ibhaku ia jisevadu, ia ngi kumu, manhinga ma jingalote, ni ma jiseseme ja jimbudi, ni ma isutu ia jihombo, mene moso ki mala ku ngi uabhela dingi.

Izekiiele 20:40

Mbata, o ku mulundu uami ukôla, ku mulundu ua di leka ua Izalaiele, kuenhoko kuene hádia kua-nda ku ngi bhikila o dibhata dioso dia Izalaiele, bhata diosòlolo muene mu ixi muenhomo; kuenhoko kuene ku nga kà sangulukila momuʼâ, hé kuenhoko ngi mi bhinga o mibhaku ienu ia vondadi, ni maujituʼenu a ibundu ia mutômo, kumoxi kiá ni ima ienu ioso ikôla, Jihova ua ki tange.

Izekiiele 40:39

O mu mbalanda ia muelu, muedile ku mbandʼuku meza aiadi, ku mbandʼuku meza aiadi, phala kuenda ni kubatuila-ku o xingu ia kibhaku kia sata ia kuoha, ni sata ia kituxi, ni ia kuêla.

Ijila 1:10

O ujitu uê ua bheka se u kala ua kibhaku kiofele mbudi mba hombo, ia sata ia kuoha, a sole ia ndumbe, sé ngó unema, mba dibaka.

Ijila 14:10

O mu kizuua kia kanake, u kuata tumbudi tuiadi tua jindumbe, tua ka-mbe kisemu, ni kambudi kamoxi ka mukaji, sé ngó unema, tua muvu umoxi; ni mabhûbhu matatu ma fuba ia fina, phala kubhakula ujitu ua musa, o fuba-phe a i masana ni maji, ni ditijela dia maji.

Ijila 16:7

Hé u tambula ue o isutu iiadi anga u i tudila Jihova bhu muelu ua balaka ia kutakanena.

Ijila 17:4

anga ufula ku ji bheka bhu muelu ua Balaka, phala kubhakula sata kua Jihova, bhu pholo kiki ia balaka, muthu ió manhinga ma mu kale mulonga; kuma ua bhubhisa manhinga; mukonda dia mulonga uenhú, a kà mu batula mu kionge kia kifuẋi kiê.

Ijila 17:8

A tangele-phe kuila muthu uoso kiá mu diembu dia Izalaiele, mba ku jinzuangiza jala kunhunganena muʼaxaxi kenu, uoso u bhakula ujitu ua kubhana ni túbhia kua Jihova, mba sata,

Ijila 17:9

se ka i bheka bhu muelu ua Balaka ia kutakanena, phala ku i bhakula kua Jihova, muthu ió a mu batule mu kifuẋi kiê.

Ijila 23:12

nganga u ki bhukila mu kizuua kia kuila sabhalu mazá kiá iabhiti. O mu kizuua kiene kia bhukila o kita kiókio mu kuata ue kambudi ka ndumbe, kala kiá mu kitala kia muvu, ka kambe dibaka, mu ka bhane mu sata ia kubhakula ni túbhia kua Jihova.

Ijila 23:18

Mu ji bhakula kumoxi ni sambuadi dia tumbudi tua jindumbe, tua kambe kisemu, tua kuata kiá muvu umoxi, ni ngalote ia ngombe, ni ilumbe iiadi ia jimbudi; iene ioso ikale sata ia kuoha phala Jihova, ni mubhaku uê ua musa, ni maluvu mê ma kúnua, ibhite ku ujitu ua kubhakula ni túbhia, kuma dizumba diambote kua Jihova.

Ijila 3:1

O ujitu ua muthu-phe se u kala sata ia paze mba ia kusakidila, se u katula kibhaku mu kibhanga, mba ndumbe mba mukaji, kikale-phe kia disanze sé ngó unema mba dibaka bhu pholo ia Jihova.

Ijila 4:15

O adiakimi oso a kilômbo a tule maku mâ bhu mútue ua ngombe, bhu pholo ia Jihova; ngombe anga a i jibhila bhu pholo ia Jihova.

Ijila 4:23

mba kituxi kiê kia te a mu tangela-kiu, kia zubha ku kʼijiia-phe kuila kituxi ki a te, a bheke ujitu uê; kisutu kia hombo kiadisanze sé ngó unema.

Ijila 4:3

Se o nganga muene a mu undu ni maji muene ua te o kituxi, anga mundu ki a iibhila beneʼobho-phe kituxi kiê a ki bhele sata kua Jihova, sata ia kuoha ia monʼa ngombe ua kiubha, ngombe ia ndumbe, iadisanze kiambote sé ngó unema uoso-uoso mba dibaka.

Ijila 4:32

Maji se u bheka mbudi mu ujitu uê ua kusatela kituxi, u bheka mukaji uadisanze sé ngó unema.

Ijila 5:15

Se muthu u tondala o mu kukamba ku kʼijiia nʼa te kituxi mu imbamba ia ngene ikola ia Jihova, bhenhobho mu ujitu kua Jihova a bheke kilumbe kia mbudi mu kuêla kuê, kia di sanze kiambote, sé ngó unema, kiʼósole mu kilunga; o ku ta kuê mu jixikulu ja phalata, eie-muène kiá u mona se kia te xikulu jiiadi, maji o xikulu ikala iene ia dibhezelu, mu sata ia kikuma kiê.

Ijila 5:18

Muene-phe a bheke kilumbe kia mbudi kiadisanze kiambote sé ngó unema, o kuta kuê eie muene u mona se ia te kiasoko phala sata ia kikuma kié, a i bheke kua nganga mu sata ia kuêla kuê; o nganga anga u mu bhangela kiamenga mukonda dia kikuma kia mu bhekela kuêla sumbala muene ka kʼijiia, anga a mu loloka.

Ijila 6:2

Se muthu u ta kituxi, anga u tondala kua Jihova, mu ku di tuna kubhana kua mukuá o kimbamba kia mu bhana kulanga, mba kima kia mu bhakesa, mba ua ki nhana, mba u bhanga kusuina anga u bhunda kima kia ngene kia mukuá,

Ijila 6:8

Jihova anga u ambela dingi Mozé, uixi:

Ijila 7:16

Sata iê se i kala ia kukumbidila hàsa ia te, mba ujitu ua ku di fikixila mu vondadi iê, a i dia mu kizuua kiene kia bheka o sata iê; o kioso kia subhuka-ku, a ki dia ki kúkia.

Ijila 8:18

Anga u tuma ku mu bhekela o kilumbe kia mbudi, kia sata ia kuoha; Alá ni anʼê anga a tula maku mâ ku mútue ua kilumbe kia mbudi.

Ijila 8:21

O mídia anga u i sukula ni menha, ni inama iê; Mozé anga u oha kilumbe kiene kioso ku kalatódio; kuma sata ia kuoha ia dizumba diambote; ujitu ua Jihova ua ku mu bhakuila ni túbhia, kala kia tumu Jihova kua Mozé.

Ijila 9:2

anga u ambela Alá, uixi: Kuata monʼa ngombe ia sata ia kituxi, ni kilumbe kia mbudi kia sata ia kuoha, ia di sanze kiambote sé ngó unema u i satele Jihova.

Zakadiia 13:7

Eie xibhata, balumuka u bilukile o Mubidi uami, ni muthu ió ngene-nê kumoxi, mukua kisoko kiami, Jihova dia Ifuẋi ua-lu zuela, uixi: Mubidi mu kuame, nda o jimbudi ji muangane; maji lukuaku luami lua kà lungulukila katé ni ku jindenge.

Malakiia 1:14

Lamba dia muthu ió mukua mangonha, uoso uila o kibhaku kia ndumbe sé kisemu, iú na-kiu mu kibhanga kiê, maji o kia tanga kubhana kima kua Jihova, mu ku kumbidila polomesa iê ubhana kima ki kiauabha ki kuata ukoxina. Jihova dia Ifuẋi phe, uixi: Ki kiene, kana! Mukonda eme ngi Sobha ionéne; dijina diami a kà di kuatela uoma mu ngongo ioso.

Dialuilu 15:3

hé mua mesena Jihova mu mu satela ni túbhia, mba sata ia kuoha, mba sata ia mutululuku, mba mu bhanga hasa, mba mu bhanga ujitu ua kudifikixila, mba mu jifesa ja mi tumu, kubhanga dizumba diambote kua Jihova ni kibhaku kia dikota mba kiofele;

Dialuilu 15:8

Se ngombe i u bheka, ia kuoha, mba sata ia mutululuku, mu ku tenesa hasa, mba mu ujitu ua mutululuku kua Jihova;

Dialuilu 19:2

Kiki kiene o kijilʼiki kia ngonge ia tendelela Jihova kuila: Ambela o anʼa Izalaiele, eze ni seseme ia ngombe ikusuka, ia kambe unema, mba i kala ni mabaka, ioio kiluua a i tula jungu ku thandu diê.

Dialuilu 23:19

Nzambi ki muthu, kuila u ta makutu. Ki monʼa muthu, kuila u zuela luiadi. Kima kiambe, u kamba ku ki bhanga? Kia mu bhiti bhu dimi, u aluluka?

Dialuilu 23:27

Balake anga u ambela Balamu, uixi: Iza hanji, ngi ku bheke kididi kiamukuá; sumba ki uabhela Nzambi, u ngi tele-nâ mázui koko ku tuia.

Dialuilu 23:3

Balamu anga u ambela Balake, uixi: Sata ié ia kuoha u i imanena kiá; eme ngiie bhobho; sumba Jihova ngi takana-nê; kioso-phe kia ngʼidikiza, ngi ku tangele. Anga uia bhu tala diengi.

Dialuilu 23:30

Balake anga u bhanga kala kia mu ambela Balamu, kalatódio ni kalatódio a satela-ku ngombe ni kilumbe.

Dialuilu 28:11

Ni mu kumateka jimbeji jenu, mu bhakula ue kua Jihova sata ia kuoha, tungombe tuiadi tua ndumbe, kilumbe kia mbudi, sambuadi dia tumbudi tua ndumbe, tua muvu umoxi, ki tu moneka dixaka;

Dialuilu 28:19

kikale-phe mu bhana ujitu ua kubhakula ni túbhia, sata ia kuoha i mu satela Jihova: Tungombe tuiadi tua ndumbe, kilumbe kimoxi kia mbudi, ni sambuadi dia tumbudi tua ndumbe, tua muvu umoxi, mu tu kuata tua kambe dixaka.

Dialuilu 28:31

Iene ioso i di bandekeza ku sata ia kuoha ia izuua ioso, ni sata iê ia mákudia, mu i bhana, ki i moneka dixaka, kumoxi ni sata ia kúnua.

Dialuilu 29:13

anga mu bhana sata ia kuoha, ujitu a u bhakula ni túbhia, u bhana dizumba diambote kua Jihova: Kuinhi niʼtatu dia tungombe tua ndumbe, ilumbe ia mbudi iiadi, kuinhi ni uana dia tumbudi tua ndumbe, tua muvu umoxi, ki tu moneka dixaka;

Dialuilu 29:2

anga mu bhakula sata ia kuoha, kuma dizumba diambote kua Jihova: Kangombe kamoxi ka ndumbe, kilumbe kimoxi kia mbudi, sambuadi dia tumbudi tua ndumbe, tua muvu umoxi, ki tu moneka dixaka:

Luka 1:35

Mukunji u mu vutuila, uixi: O Nzumbi Ikôla ua-ndu tuluka ku thandu dié, o nguzu ia Nzambi ia Diulu ia-nda ku ku vungina kizúzumbia kiê. Ki bhangesa kuila o mona ukôla ua-nda ku mu vuala, a mu ixana Monʼa Nzambi.

Nzuá 1:36

Anga u mona Jezú uala mù bhita, uixi: Talenu! Ió muène o Kambudi ka Nzambi!

Nzuá 10:7

Jezú anga ua ambela dingi, uixi: Kidi kiene ngi mi ambela: Eme ngi dibhitu dia jimbudi.

Nzuá 10:9

Eme ngi dibhitu. Se muthu u bokuena ko-kuami, u bhuluka. Muenhó u bokona, u tunda, u sanga jinga iangu.

II Kolindo 8:12

Kuma se sai muthu uandala kubhana, Nzambi u xikina o ujitu, kala muthu kioso ki ala na-kiu.

II Kolindo 9:7

Kala muthu a bhane uila kia mu kala mu muẋima uê, ka bhane ni kuluuala, mba mu ku mu bhinjika. Mbata Nzambi ua zola mukua kubhana ni ngalasa ioso.

Efezo 2:18

Kuma ni Jijudé, ni iá ki Jijudé tua tambula kua Kristu o disesa dia kubhiẋila etu ene oso ni Nzumbi imoxi bhu pholo ia Tata.

Efezo 5:27

Ua ki bhange ue phala nʼ a tena kubheka o Ngeleja bhu pholo iê Muène-muene ni uuabhelu uengi, ki u moneka dixaka, mba kifuta, mba kima ngó kia difu; maji i kale ni kuzela, sé ngó kisému.

Matendelelu 12:27

anga mu bhakula jisata jenu ja kuoha, ni xitu ni manhinga mu i ta ku kalatódio ka Jihova Nzambi ienu; o manhinga oso a jisata jenu, mu a ẋamuina ku thanduʼa kalatódio ka Jihova Nzambi ienu; maji o xituʼoio mu idiê.

Matendelelu 15:21

Maji-phe, se uanemana, uala huhi, mba kifuôfo mba unema uengi uoso-uoso kana ku mu lumbila Jihova Nzambi ié.

Matendelelu 17:1

Kana kusatela Jihova Nzambi ié ngombe mba kibhaku kioso kiofele, se kiala ni kisemu mba unema uoso-uoso; kienhókio Jihova Nzambi ié kia mu iibhila.

Jihebeleu 7:26

Mukonda dia kiki, Jezú muène o Nganga ia Dikota tua mu bhindamena. Muène u kôla. Muène ka moneka phulu, ka moneka ufusa. Ua di kalelela ku akua ituxi, iú ua zangalala ku thandu a maulu.

Jihebeleu 9:14

Se phe kienʼ iki kiene, xinganekenu hanji kioso kia soko ukota uê, mba o kutena kua manhinga ma Kristu! Kuma ku Nzumbi iê ia kaiela-ku, ua di bhakula muène-muène kala sata ia tenena kua Nzambi. O manhinga mê ma tu iẋika-phe o itongoluelu ietu, ku ibhangelu ia di fuila, phala tu tene kubhiẋila Nzambi ia muenhu.