Ijila 1:13 - O Mikanda Ikola

¹³ O midia-phe ni inama u i sukula hanji ni menha. O Nganga anga u i bhakula iene ioso ia muvimba, u i ohela ku kalatódio; kífua sata ia kuoha, ujitu ua kubhakula ni túbhia, ua dizumba diambote kua Jihova.

Ijila 1:13 ပူးပေါင်းရင်းမြစ်များ

Dimatekenu 8:21

Ngana anga uívua dizumba diambote; Ngana anga uamba ku muxima uê, uixi: Ki ngi tona dingi, ixi ku i ta mázui mukonda dia muthu, kuma ilunji ioso ia ixinganeku ia muthu, iaiibha tunde mu undenge uê; ki ngi tena dingi ue o kubuikisa mienhu ioso, kala ki nga bhangʼiki.

II Malunda 4:6

Ua bhange ue kuinhi dia masanga; iú ua te a tanu ku dilu, a tanu kiasu, phala ku di sukuila mueneʼomo; ioso i tokala ku sata ia kubhakula ni túbhia kua Jihova, a i sukuila mueneʼomo; maji o musanza ua kalunga-phe, phala jinganga kuia ni ku di sukuila-mu.

Izekiiele 40:38

O xilu diê ni muelu uê, ua kexilile bhu mbanduʼa jiphiladi ja mielu ia kexile mu ku sukuila o sata ia kuoha.

Ijila 1:9

Maji o midia-phe ni inama, u i sukula hanji ni menha. Nganga anga u i ohela ioso ku kalatódio, kuma sata ia kuoha, ujitu ua ku bhakula ni túbhia, ua dizumba diambote kua Jihova.

Ijila 2:11

Mubhaku uoso ua musa u mu bhakula kua Jihova, kana ku u lunga ni felemento; kuma né uiki, ka u ohela-ku ku kalatódio, mu sata ia kuoha ia Jihova.

Ijila 2:2

anga u u bheka ku jinganga anʼa Alá; umoxi mudiâ anga u katula-ku dibhûbhu dia fuba ia fina, ni ku maji u katula-ku, ni uasu uê uene uoso ua dizumba. Ienhiʼii nganga anga u i ohela ku kalatódio, ujitu ua dilembalelu, ujitu ua kubhakula ni túbhia, ua dizumba diambote kua Jihova.

Ijila 3:5

Anʼa Alá a i ohela ku kalatódio, sata ia kuoha a i tula ku jihuinhi jala ku túbhia; kifua ujitu ua kubhakula ni túbhia, ua dizumba diambote kua Jihova.

Ijila 4:31

O banha ioso u i katula-ku kala kiene kukatula banha ku sata ia paze; nganga anga u i ohela ku kalatódio kuma dizumba diambote kua Jihova; nganga anga u mu bhangela kiamenga, anga a mu loloka o kituxi kiê.

Ijila 6:14

O Ngonge ienhiʼii ia mubhaku ua musa: anʼa Alá ene a u bhana kua Jihova ku pholo bhua lulama ni kalatódio.

Ijila 8:21

O mídia anga u i sukula ni menha, ni inama iê; Mozé anga u oha kilumbe kiene kioso ku kalatódio; kuma sata ia kuoha ia dizumba diambote; ujitu ua Jihova ua ku mu bhakuila ni túbhia, kala kia tumu Jihova kua Mozé.

Dialuilu 15:3

hé mua mesena Jihova mu mu satela ni túbhia, mba sata ia kuoha, mba sata ia mutululuku, mba mu bhanga hasa, mba mu bhanga ujitu ua kudifikixila, mba mu jifesa ja mi tumu, kubhanga dizumba diambote kua Jihova ni kibhaku kia dikota mba kiofele;

Dialuilu 15:4

uoso u bheka ujitu kala kiki, u bhana kua Jihova mubhaku ua mákudia, u kuata kakuinhi ka efah ia fuba ia kábhia (fina), iólunge ni mbandu ia kauana ia hine ia maji;

Dialuilu 28:11

Ni mu kumateka jimbeji jenu, mu bhakula ue kua Jihova sata ia kuoha, tungombe tuiadi tua ndumbe, kilumbe kia mbudi, sambuadi dia tumbudi tua ndumbe, tua muvu umoxi, ki tu moneka dixaka;

Dialuilu 28:8

Mbudi ia mukuá mu i sata mu kumbi dia ngoloxi, kala sata iê ia mákudia, ni sata ia kúnua, kiene kimoxi ni mu kimene, ujitu a u bhakula ni túbhia, ua dizumba diambote kua Jihova.

Matendelelu 12:27

anga mu bhakula jisata jenu ja kuoha, ni xitu ni manhinga mu i ta ku kalatódio ka Jihova Nzambi ienu; o manhinga oso a jisata jenu, mu a ẋamuina ku thanduʼa kalatódio ka Jihova Nzambi ienu; maji o xituʼoio mu idiê.