Ijila 1:11 - O Mikanda Ikola

¹¹ Anga u i jibhila bhu mbandu ia kalatódio ia kexila kusuku, bhu pholo ia Jihova; o jinganga-phe, anʼa Alá, anga eẋika o manhinga mê mu jimbandu joso ja kalatódio.

Ijila 1:11 ပူးပေါင်းရင်းမြစ်များ

Makatukilu 24:6

Mozé anga u tambula mbandu ia mukuá ia manhinga, u ma ta bhu jimbasinha, o mbandu ia mukuá u i sangela ku kalatódio.

Makatukilu 40:22

Anga u ta ue o meza mu balaka ia kutakanena, ku mbandu ia kusuku ia balaka (thunda) kifua mu sala, kibatulu kia bhiti ku dima.

Izekiiele 43:18

Hé u ngʼambela, uixi: Èʼmonʼa diiala, o Jihova Nzambi uambe kiki: O jiji jene o jingonge ja Kalatódio, bhu kumbi dioso dia-nda ku ka bhanga, phala kubhakuila ku thandu diê o sata ja kuoha, ni kusangela-ku o manhinga.

Izekiiele 8:5

Anga u ngʼambela, uixi: Eie monʼa muthu, zambula o mesu mê kindala, ku njila ia mbandu ia kusuku. Eme hé ngi zambula o mesuʼami ku njila ia kusuku, anga ngi mona ku mbandu ia kusuku, bhu muelu ua Kalatódio, bhuala kiteka kia difuba, bhu muelu bhene.

Ijila 1:5

Ngombe anga u i jibha bhu pholo ia Jihova; o jinganga, anʼa Alá, ene a bhakula manhinga, a eẋika mu jimbandu joso ja kalatódio kala bhu muelu ua balaka ia kutakanena.

Ijila 14:13

Anga o kambudi u ka jibhila bhuoso bhuene kujibhila o sata ia kiamenga kia kusatela kituxi ni sata ia kubhakula ni túbhia, bhu kididi kikôla; mbata ni sata ia kiamenga kia tokala o kuêla ni sata ia tokala kituxi, iangenge ia nganga; kuma kima kikôla kinéne.

Ijila 4:29

Anga u tula lukuaku luê mu mútue ua sata iê ia kusatela kituxi, sata anga a i jibhila bhu kididi bhuoso bhene kujibhila o sata ia kuoha.

Ijila 6:25

Ambela Alá ni anʼê, kuma: Iene o ngonge ia sata ia kituxʼii bhu kididi bhuoso bhene kujibhila o sata ia kuoha, ni sata ia kituxi bhene bhua i jibhila bhu pholo ia Jihova; kuma i kôla kinéne.

Ijila 7:2

Bhu kididi bhuoso bhua mu jibhila o sata ia kuoha, bhene bhua jibhila o sata ia kuêla; o manhinga mê kikale a mʼeẋikila mu jimbandu joso ja kalatódio.

Ijila 8:19

Anga u ki jibha, Mozé anga u eẋika manhinga mê mu jimbandu joso ja kalatódio.