Ijila 1:10 - O Mikanda Ikola

¹⁰ O ujitu uê ua bheka se u kala ua kibhaku kiofele mbudi mba hombo, ia sata ia kuoha, a sole ia ndumbe, sé ngó unema, mba dibaka.

Ijila 1:10 ပူးပေါင်းရင်းမြစ်များ

Dimatekenu 4:4

Abele ue u bheka ku anʼa jimbudi mu kilunga kiê oso a dianga ku a vuala, ni ku misuinhi ianete. Ngana anga u suua Abele ni ujitu uê,

Dimatekenu 8:20

Noué anga u tunga kalatódio ka Ngana; u kuata ku jixitu joso jazele, ni ku jinjila joso jazele, anga u bhana jisata ja kuoha ku thandu dia kalató dio.

Makatukilu 12:5

O mbudi iene i kala iadisanze sé ngó unema, ndumbe ia kiubha kimoxi; hé ku jimbudi mu katula, hé ku jihombo mu katula;

Izekiiele 43:22

O mu kizuua kia kaiadi ua kà satela kisutu, kia kambe o dibaka, mbé o sata ia kituxi; maji o Kalatódio-phe mu tuama o ku ka bonza kala ki mua ka bonza ku kangombe ka ndumbe.

Ijila 14:10

O mu kizuua kia kanake, u kuata tumbudi tuiadi tua jindumbe, tua ka-mbe kisemu, ni kambudi kamoxi ka mukaji, sé ngó unema, tua muvu umoxi; ni mabhûbhu matatu ma fuba ia fina, phala kubhakula ujitu ua musa, o fuba-phe a i masana ni maji, ni ditijela dia maji.

Ijila 16:3

Kiela ngi bokona-mu, a bokona ni ima iii: Ngalote ia ngombe ia kiubha, phala kiamenga kia kituxi, ni kilumbe kia mbudi, phala sata ia kubhakula ni túbhia kua Jihova.

Ijila 16:5

O ku kionge kia anʼa Izalaiele utambula-ku isutu iiadi ia jihombo phala kiamenga kia kituxi, ni kilumbe kia mbundi phala o sata ia kubhakula ni túbhia kua Jihova.

Ijila 22:19

a bhane kala kiala mu muxima uê, se ngombe, mba mbudi, mba hombo, ubhakula ndumbe, sé ngó unema.

Ijila 23:12

nganga u ki bhukila mu kizuua kia kuila sabhalu mazá kiá iabhiti. O mu kizuua kiene kia bhukila o kita kiókio mu kuata ue kambudi ka ndumbe, kala kiá mu kitala kia muvu, ka kambe dibaka, mu ka bhane mu sata ia kubhakula ni túbhia kua Jihova.

Ijila 3:1

O ujitu ua muthu-phe se u kala sata ia paze mba ia kusakidila, se u katula kibhaku mu kibhanga, mba ndumbe mba mukaji, kikale-phe kia disanze sé ngó unema mba dibaka bhu pholo ia Jihova.

Ijila 4:23

mba kituxi kiê kia te a mu tangela-kiu, kia zubha ku kʼijiia-phe kuila kituxi ki a te, a bheke ujitu uê; kisutu kia hombo kiadisanze sé ngó unema.

Ijila 4:3

Se o nganga muene a mu undu ni maji muene ua te o kituxi, anga mundu ki a iibhila beneʼobho-phe kituxi kiê a ki bhele sata kua Jihova, sata ia kuoha ia monʼa ngombe ua kiubha, ngombe ia ndumbe, iadisanze kiambote sé ngó unema uoso-uoso mba dibaka.

Ijila 5:15

Se muthu u tondala o mu kukamba ku kʼijiia nʼa te kituxi mu imbamba ia ngene ikola ia Jihova, bhenhobho mu ujitu kua Jihova a bheke kilumbe kia mbudi mu kuêla kuê, kia di sanze kiambote, sé ngó unema, kiʼósole mu kilunga; o ku ta kuê mu jixikulu ja phalata, eie-muène kiá u mona se kia te xikulu jiiadi, maji o xikulu ikala iene ia dibhezelu, mu sata ia kikuma kiê.

Ijila 9:2

anga u ambela Alá, uixi: Kuata monʼa ngombe ia sata ia kituxi, ni kilumbe kia mbudi kia sata ia kuoha, ia di sanze kiambote sé ngó unema u i satele Jihova.

Malakiia 1:14

Lamba dia muthu ió mukua mangonha, uoso uila o kibhaku kia ndumbe sé kisemu, iú na-kiu mu kibhanga kiê, maji o kia tanga kubhana kima kua Jihova, mu ku kumbidila polomesa iê ubhana kima ki kiauabha ki kuata ukoxina. Jihova dia Ifuẋi phe, uixi: Ki kiene, kana! Mukonda eme ngi Sobha ionéne; dijina diami a kà di kuatela uoma mu ngongo ioso.

Dialuilu 15:5

ni vinhu ia mubhaku, mbandu ia kauana ia hine, iene ia bheka sata ia kuoha, mba sata iene, ku kambudi kamoxi.

Dialuilu 19:2

Kiki kiene o kijilʼiki kia ngonge ia tendelela Jihova kuila: Ambela o anʼa Izalaiele, eze ni seseme ia ngombe ikusuka, ia kambe unema, mba i kala ni mabaka, ioio kiluua a i tula jungu ku thandu diê.

Dialuilu 6:14

anga u bhana ujitu uê kua Jihova, kilumbe kia mbudi kia muvu umoxi sé ngó dixaka, kia sata ia kuoha, ni mbudi ia mukaji ia muvu umoxi sé ngó dixaka, ia sata ia kituxi, ni kilumbe sé ngó dixaka, kia sata ia paze,

Nzuá 1:29

Kizuua kia kaiadi Nzuá u mona Jezú uala mù kuiza kua mùene, uixi: Talenu! Muenhó Kambudi ka Nzambi, ka katula o ituxi ia mundu!

I Phetele 1:19

maji a mi kula mu manhinga ma te kiengi, kifua ma kambudi ki ka moneka kisému, mba dixaka, o manhinga ma Kristu.