Ijila 1:1 - O Mikanda Ikola

¹ Jihova anga u ixana Mozé, u mu zuelesa mu balaka ia kutakanena muala, uixi:

Ijila 1:1 ပူးပေါင်းရင်းမြစ်များ

II Jisobha 16:13

Anga uohela-ku o sata iê ia kubhakula ni túbhia ni mubhaku uê ua makudia anga u lunduluila-ku ue o mubhaku uê ua makunua; iú ua sangela ue o manhinga a jisata ja kubatama ku Kalatódio keneʼoko.

II Malunda 29:32

Okieza mu kualula o jisata ja kubhakula ni túbhia kua Jihova, jeza na-ju o kifuẋi, ja tena makuinhi sambuadi a ngombe; hama ia ilumbe ia jimbudi; hama jiiadi ja tumbudi tua ndumbe; iene iosuʼiii phala sata ia kubhakula ni túbhia kua Jihova.

Makatukilu 19:3

Mozé anga u banda kua Nzambi, Jihova anga u mu ixana mu kaẋi ka mulundu, uixi: Uambela kiki o dibhata dia Jakobo, u ambela anʼa Izalaiele, kuila:

Makatukilu 24:12

Jihova anga u ambela Mozé, uixi: banda kunu ko kuami mu mulundu, u kale muenhomo; eme-phe ngi ku bhane ibasakasa ia matadi, ni ngonge ni kitumu, ioso i nga soneka, phala u kale mu ku a longa-iu.

Makatukilu 25:22

Bhenhobho bhene bhu tu takanena jinga, ki ngiza kokué; bhu thandu dia kibhuna kia kiadi, bhene bhu nga kà zenzamena mu ku ku zuelesela mu kaẋi ka jixelube jala ku thandu dia álaka ia umbangi, o ima ioso i ngi ku tuma kuambela anʼa Izalaiele.

Makatukilu 29:42

Sata iii ia kuoha izuua ioso, mu ngi satela jinga na-iu ku miji ienu ioso, sé kumoneka bhu ia suku, bhu muelu ua balaka ia kutakanena bhu pholo ia Jihova, bhene bhu tu takanena jinga, bhene bhu ngi mi zuelesela.

Makatukilu 3:4

Jihova-phe kia mono kuma ua lunguluka mu kutala, Nzambi u mu ixanena mu kaẋi ka kisasa, uixi: Mozé, Mozé. Kuala muene, uixi: Emʼiú, Ngana.

Makatukilu 33:7

Mozé anga u katula o balaka, hé u i ximbika mu kanga, bhu kibangu u xia-bhu muene kadikanga; u ixana kiá balaka ia kutakanena. O uoso uedi u sota Jihova, u xia bhu kibangu uia ku balaka ia kutakanena iala mu kanga.

Makatukilu 39:32

Kienhiki kia zubha o sedivisu ioso ia kibuta kia balaka ia ditakanenu; o anʼa Izalaiele a kumbidila kioso kia tumu Jihova kua Mozé, kiene muene kia bhange.

Makatukilu 40:29

Kalatódio ka jisata ja kuoha, ua ka xikika mu kithâdi bhu muelu ua balaka ia kutakanena, anga u bhakuila-ku ni sata ia kuoha ni mubhaku mákudia, kala kia tumu Jihova kua Mozé.

Ijila 7:38

kuma iene ia tumu Jihova kua Mozé ku mulundu ua Sinai, kizuua kia lekela anʼa Izalaiele kubhana maujitu kua Jihova, kioso kiala ene mu kikangalakata kia Sinai.

Ijila 9:16

Anga u bhakula ue o sata ia kuoha, u i bhana kala kia tumu o kijila.

Dialuilu 1:1

Jihova anga u zuelesa Mozé, mu kikangalakata kia Sinai, mu balaka ia kutakanena, kizuua kia kamoxi bhu mbeji ia kaiadi, mu muvu ua kaiadi tundé kia tundu mʼoxi ia Ijitu, uixi:

Dialuilu 7:15

ni kangombe ka ndumbe ni kilumbe kia mbudi, ni kambudi ka ndumbe ka muvu umoxi, phala sata ia kuoha;

Dialuilu 7:89

Mozé kioso kia bokona jinga mu balaka ia kutakanena mu kuzuela ni Jihova, uívua dízui di mu zuelesa, di tunda ku kibhuna kia kiadi kiala ku thandu dia álaka ia umbangi, bhu kaẋi ka xelube jiiadi; kienhiki kiene kia mu zuelesa jinga.

Nzuá 1:17

Mbata o Kitumu a ki bhelele kua Mozé, o kiadi-phe ni kidi, kiejila kua Jezú Kristu.

Matendelelu 27:6

Ma kadié ni muzunda ué, u tunge-nâ o kalatódio ka Jihova Nzambi ié; uende ni kusatela Jihova Nzambi ié kuenhoko o jisata ja kuoha.