II Timote 4:5 - O Mikanda Ikola

⁵ Eie-phe enda ni ku di langa mu ima ioso. Kolokota o kutala hadi, kalakala kia tokala o mukunji ua Njimbu Iambote, kumbidila kiambote o ungunza ué kua Nzambi.

II Timote 4:5 ပူးပေါင်းရင်းမြစ်များ

Izaía 62:6

Jeluzaleme, tata, nga tula-ze alangidi ku thanduʼa imbaka ié, enhá muanha ni usuku ka tena kudixibha; enu mu akua kutumbula Jihova, momuenu ki mu kale ku dixibha;

Jelemiia 6:17

Nga mi tela ue alangidi, ngixi: Ividilenu dízui dia koloneta: ene-phe exi: Ki tua-nda kuividila.

Izekiiele 3:17

Eié monʼa muthu: Eme nga ku bhana u kale u mulangidi ua dibhata dia Izalaiele; eie uenda ni kuívua o maka a tunda mu dikanu diami, anga ku mbandu iami uenda ni ku a dimuna.

Izekiiele 33:2

Monʼa diiala, o anʼa mundu ué zuelela-u, u a tangele, kuila: Kioso eme ki ngi bheka o xibhata mu ngongo, o mundu ua ngongo hé a zangula muthu mu jimbambe jâ, anga a mu bhanga mulangidi uâ,

Izekiiele 33:7

Eie-phe, monʼa diiala, tata, nga ku bhange u mulangidi ua dibhata dia Izalaiele; eie ua-nda kuívua jinga o kizuelu kia dikanu diami, anga ku mbandu iami ua kà a dimuna.

Matesu 25:16

Kindalʼokio, a mu bhana talendu jitanu, uia u ji ta uenji, anga u nganhala-ku jitanu jamukuá.

Marku 13:34

Kia kela mukua ni muthu uaii mu uenji, kʼoxi iengi, u xa dibhata die, u lekela akua mbele, he u a uanena kala muthu ni kikalakalu kiê, o mukua muelu he u mu tuma o kulangidila.

Marku 13:37

Kioso ki nga mi tangela enu, ene oso nga a tangelakiu: Di langienu!

Luka 12:37

Azediua abhika ió, ki vutuka ngana iâ, u a sanga a tono. Ngi mi ambela kidi, kuma muène u di bhola, u a xikamesa ku meza, hé ua emanena ni ku a xibhidila.

Jipoxolo 21:8

Ki kuakie, tua katuka, hé tu bhixila ku Sezaleia. Anga tu tula mʼonzo ia Felipe dia mukunji, ua tokala ku sambuadi dia diiakono a a solele mu Jeluzaleme, muène anga u tu langeka.

Loma 15:19

mu nguzu ia isumua ni madiuanu ni mu nguzu ia Nzumbi ia Nzambi. Mu kieniiki tunde mu Jeluzaleme ni mu jimbandu jê, katé ku Ilidiko, nga bhiti-ku ni kukola o Njimbu Iambote ia Kristu.

Efezo 4:11

Muène ua uanena o maujitu ku athu. Amoxi-moxi ua a bhana kukala Jipoxolo; amoxi Jipolofeta; amoxi akunji a kutula o Njimbu Iambote; amoxi jipaxtolo; amukuâ jimesene ja kulonga mu Ngeleja.

Efezo 4:12

Muène ua bhange kiki mu kuzubhisa akua Ngana kudiiudika mu kioso kia a kambe, mu kukumbidila o ungunza uâ, ni mu kutungisa o mukutu ua Kristu.

Kolose 1:25

Eme ngala ngi ngunza ia ngeleja mu kizuelu kia Nzambi, muène ua ngi xindila o kibatu kiki phala enu mu mone mbote. Xi, muène ua ngi tumu ko kuenu phala ku mʼivisa kiambote ni kivimba kioso o Maka ma Nzambi.

Kolose 4:17

Ambelenu Arkipo, muixi: Xinganeka ungunza ué u ua tambula kua Ngana, u u kumbidile.

I Tesalonika 5:6

Uila kiki, kana kukala ku kilu kala ki bhanga athu amukuâ, maji-phe tu tonienu, tu kale ku mesu azele.

I Timote 4:12

Kana kuehela kuila bhu kala muthu u ku tènda mukonda dia undenge. Oso-phe a xikana, eie-muène a bhane phangu, ni mu kuzuela, ni mu kudituma, ni mu henda, ni mu kuxikana ni mu kuzela.

I Timote 4:15

Kolokota ni kubhanga ima ienhiʼii, suua ngó iene mu iene, athu oso a ku mone ki uia kiambote ku pholo.

II Timote 1:8

Uila kiki, ku kale ni sonhi ia kubhana umbangi ua Ngana ietu, mba sonhi iami eme ngi pelezu iê, a ngi kutu mukonda diê-Muène. Kolokota-phe mu kutala hadi ni Njimbu Iambote, kala kia ku bhana Nzambi o kutena.

II Timote 2:10

Uila kiki, ima ioso ngi kolokota na-iu, mukonda dia athu a ngene a Nzambi òsole. Ngi ki bhangela phala a tambule ubhulukilu uene mua Kristu Jezú, kumoxi ni kijîngo ki kié-kiene kutunuka dingi.

II Timote 2:3

Kolokota o kutala hadi kumoxi ni eme-muène, kala u dikuenze diambote dia Kristu jezú.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.

Jihebeleu 13:17

Enió oso a mi kala ku pholo a tumakienu, mu itaie ioso ia mi mesena ku bhanga. Kuma ene a mi lange o mienhu ienu, mbata athu a bhinga hinu a kà ki bhela konda kua Nzambi. Se enu mu a tumaka, ene o kikalakalu a ki bhanga ni ngalasa, kuma se o kikalakalu a ki bhanga ni malamba, enu ki kala kima kia kuxixima kuenu.

I Phetele 1:13

Uila kiki, kalenu polondo. Mu kilunji di kutienu inhonga, mu kale ku mesu a zele, mu suime ni kudielela o kiadi kia kà mi bhekela, bhuoso bhu tukulukila Jezú Kristu.

Dijingunuinu 3:2

Di lange-phe, u kuatese ima ia xala-ku, ia-lu sota kufua. Mukonda ki nga ku mono ni kubhanga kimbamba kia tenena bhu pholo ia Nzambi iami.