II Timote 4:4 - O Mikanda Ikola

⁴ Athu enhá a kà katula matui mâ mu kuivua o kidi, hé a kà lunga ku maka ma kusabhula.

II Timote 4:4 ပူးပေါင်းရင်းမြစ်များ

Jisabhu 1:32

Kuma o kubaluka kua jisemenhi, kene o kalunga kâ; o kubhanduluka kua ioua, kuene kua kà a buikisa.

Izaía 30:10

A tangela akua lumono, kuila: ki mu mone; o jipolofeta a ji ambela, exi; Etu kana ku tu zambuila ima ia iuka; tu tangedienu ngó ima i tu uabhela; tu kengedienu ima ioso ia ku tu hanza, sumbala ia mangonha.

Zakadiia 7:11

Ene-phe anga a ditunʼâ kuívua, mu kubhukumuka kuâ a ngi bhana dikunda, mátui mâ a ma jika phala a lémbue kuívua.

Matesu 13:15

Mbata o muẋima ua mundu iú ua kolokota, Mátui mâ ma kokoloka kuívua, mesu mâ a ma jika; ku lengesa o kumona ni mesu, kuívua ni mátui, kuijiia ni muẋima, nʼa lunguluke dingi, eme ni ngʼa sake.

Jipoxolo 7:57

Ene-phe matui a ma jika, a di kola bulukutu, hé a di lukula muenhu umoxi ku thandu diê.

II Tesalonika 2:11

Mukonda dia kiki, Nzambi ua a tumikisa nguzu ia a bhekela kavanza ka kutondala, phala a xikane o makutu.

I Timote 1:4

Athu enhá a tangele kuila, kana kukaiela ue mísoso, ni jingo ja vumu ki ji moneka bhu ja suku, ji bheka ngó jiphata, ki ji bheka kudibanda mu kuxikana kuala mua Nzambi.

I Timote 4:7

Misoso ia ulalu-phe, ia akua mundu, ditune jinge-iu kuma ni ku i tanga ngó ki ia fuama. Inda-xi sota jinga kudilonga o ima ia nzumbi, u mone ki uia ku pholo mu kuxila Nzambi.

I Timote 6:20

Timote, tata! Aiuka kiambote kioso kia ku bhana kulunda. Ditune jinge o kubuabuala kua ulalu kua ibhila Nzambi, ni kukuata jiphata ja uoua u exana ene exi unjimu, manhi unjimu ua makutu.

II Timote 1:15

Eʼmuène kiki ua kiʼijiia kiambote, kuma ene oso akua Azia a ngi bhana dikunda, a ngʼehelela, katé kiá ni Fijelo ni Helemojene.

Tito 1:14

Ka landukile maka ma Jijudé ma kusabhula, ni ima ia a tuma ku athu ala kuila o kidi a ki baluka.

Jihebeleu 13:25

O kiadi kia Ngana Nzambi ki kale ni enu oso.

II Phetele 1:16

Kuma etu ki tua kaiela misoso iofunhe ni ndunge ja muthu uoso-uoso, kioso ki tua mi tudila o Njimbu ia unéne ni kuiza kua Ngana ietu, Jezú Kristu. Maji etu tuala tu jimbangi, kuma o unéne uê tua di muena-u ni mesuʼetu!