II Timote 4:3 - O Mikanda Ikola

³ Kuma kuanda kuiza thembu athu ka kà xikana dingi ulongelu uadisanze, mbé o kukaiela jihânji jâ jaiibha. Mokonda-phe dia kuzanzala mu matui, a kà lunjika ndumba dia jimesene ja vondadi iâ, jenda ni ku a tangela ioso ia solo ene kuivua.

II Timote 4:3 ပူးပေါင်းရင်းမြစ်များ

I Jisobha 18:22

Bhenhobho Elija uambela o kifuẋi, uixi: Eme ngó ngi polofeta ia Ngana nga xala-ku, o jipolofeta ja hamba dia Bahale ala hama jiuana ni makuinhʼatanu a muthu.

I Jisobha 22:18

Bhenhobho sobha ia Izalaiele uambela Jozafate, uixi: Eme ki nga ku tangela-kiu kuma nuka a ngi zambuila mbote, kikala kuiibha ngó mu kuiibha?

I Jisobha 22:8

Bhenhobho sobha ia Izalaiele uambela Jozafate, uixi: Sai hanji muthu umoxi tu tena ku mu tuma ku tu sotela kuijiia kizuelu kia Ngana; maji eme-phe nga dizemba-nê, mukonda eme nuka a ngi zambuila mbote ia kima, kala kuii-bha mu kuiibha ngó; muenʼiú o dijina diê Mika, monʼa Imila. Jozafate-phe, uixi: Sobha kana kuzuela kiokio.

Makatukilu 32:33

Jihova anga u ambela Mozé, uixi: Uoso ua ngi te kituxi, muene ngi mu jimuna mu divulu diami.

Izaía 28:12

Athu enhá ua ambela: Didi diene o dinhohenu, bhanenu-diu uoso ua bhuila; o kuku kuene o kutululuka; ene-phe nguâ kuívua.

Izaía 30:10

A tangela akua lumono, kuila: ki mu mone; o jipolofeta a ji ambela, exi; Etu kana ku tu zambuila ima ia iuka; tu tangedienu ngó ima i tu uabhela; tu kengedienu ima ioso ia ku tu hanza, sumbala ia mangonha.

Jelemiia 18:18

Bhenhobho ene exi; Izenu tu di kunde kioso ki tu bhanga mu kununguna Jelemiia; kuma-phe o ngonge ia nganga mba kaiula ka ngambi, mba kizuelu kia musesedi ki iene kufula: izenu tu mu kuame ni dimi, maka mê oso-oso, kana dingi kua evua.

Jelemiia 27:9

Kana-phe ku bhana mátui ku jipolofeta jenu, ni akua iphata, kia mi zuelela, kuamba: ki mua-ndu bhikila sobha ia Babilonha.

Jelemiia 29:8

Mukonda Jihova dia Ifuẋi, Nzambi ia Izalaiele, uambe kiki: O jipolofeta jenu, ala mu kaxi kenu, ka mi tobhese, mba azambuidi enu, mba ue kubhana mátui ku jinzoji ji mua mu kuanjiua.

Jelemiia 5:31

O Misesedi a tanga ima ia makutu, o jinganga a tumina ku maku mâ-ene; o mundu uami uene, kiene ue kia a uabhela; o ku kia kà suka mua-nda kubhanga kiebhi?

Mikeia 2:11

Se bhu kala muthu u kaiela o nzumbi iê i bhomba, i tanga o makutu, uixi: Eme ngi ku tangela maka ma upolofeta, kuma ni vinhu ni uhólua u kodiuisa, ia fuama muene ku i nua; muenhó-phe muene kiá u kala polofeta ia akua muiji uenhú.

Luka 20:19

O jimesene ja kulonga o Kitumu ni makota ma jinganga, anga a sota ku mu ta maku kumbi dienhódio, maji ala ni uôma ua mundu, mukonda a mono kuma kifika kiki ua a tela-kiu ene.

Luka 6:26

Lamba dienu, athu oso se a mi tumbula kiambote, mbata jitata jâ kiene ue ki ja kexi kutumbula o jipolofeta ja makutu!

Nzuá 8:45

Eme-phe mukonda nga zuela kidi, enu ki mu ngi xikana.

Jipoxolo 17:21

Mbata akua Atena ni asonhi oso ala kunakina momo, iene o minangu iâ. Ka bhange dingi kima, kale ngó o kutanga mba kuivua ima ia musanu.

I Kolindo 2:1

Eme-phe, jiphange jami, thembu i nga mi sangediʼ oio, mu ku mi kolela o kidi kia kasuekele kia Nzambi, vulu, mba unjimu uònene.

I Kolindo 2:4

O kuzuela mu kulonga kuami-phe, ni njimbu iami i nga boka jinga, ki kua kexile kua maka ma kaiela mu unjimu ua uzuelelu ua athu, maji kua kexile kua maka ma kaiela mu unjimu ua uzuelelu mu uijidisu ni nguzu ia Nzumbi ia Nzambi.

Ngalásia 4:16

Manhi kiki nga di bhange ngi nguma ienu, mu ku mi tangela o kidi?

I Timote 1:10

ifusa, jihabhu, ió a bhanga isunji ni mala ni akuâ, akua kusumbisa abhika, atangi a makutu, akua kutatela umbangi ua makutu, ni oso dingi a bhanga ima ia kambe o kudilunga ni ulongelu ua kidi.

II Timote 1:13

Jijila o phangu ia maka madisanze mu uévua jinga kokuami. Naminina mu kuxikana ni mu henda iene mu ukamba ni Kristu Jezú.

Juda 1:18

Ene a mi ambela, exi: Mu izuua i sukidilà-ku, hinu kua kà kala jisemenhi jenda ni ku mi bhanga kasekelu, athu enda kioso kia a tumu jihânji jâ ja kubhuma.