II Timote 4:2 - O Mikanda Ikola

² Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.

II Timote 4:2 ပူးပေါင်းရင်းမြစ်များ

Jisálamu 40:9

Nga bhana jingolokela ja mabatuilu mé ma kuiuka bhu kionge kia mundu uavulu; ki nga xikina kudixibha, ni kujika dikanu diami, eie-muène, Ngana, u Jihova, ua kʼijiia.

Jona 3:2

Balumuka, uie mu mbanza iadikota ia Ninive, u boke njimbu ioso i ngi ku tuma.

Luka 7:23

Ua zediua-phe uoso ka di bhukana ku thandu diami eme.

Luka 7:4

Ene kia zubha kutula kua Jezú, a mu dionda kiavulu, exi: Muène muthu ua fuama kuila eie u mu bhanga-kiu.

Luka 9:60

Jezú u mu ambela, uixi: Eha afi mu afi a di fûnde mudiâ. Eie-phe ndé kà tule o Njimbu ia Utuminu ua Nzambi.

Jipoxolo 13:5

Kia kuaka mu mbonge ia Salamina, a longa maka ma Nzambi mu malombe ma Jijudé. Nzuá, a mu ixana ue Marku, anga u kala mukuatekexi uâ.

Jipoxolo 16:13

Kizuua kia Sabhalu, tuia ku kanga dia kimbaka, bhu mbanduʼ a honga, tua fika kuila bhuala kididi bhene kubhongolokela o Jijudé mu kusamba. Anga tu xikama, hé tu ta maka ni ahatu a bhongoloka bhenhobho.

Jipoxolo 20:7

Mu kizuua kia Sabhalu ku kiemba, anga tu bhongoloka mu kubukula o mbolo kumoxi ni jiphange. Bhenhobho Paulu u a tela maka, anga u sungina ni kuzuela katé mu kaxi ka usuku, mukonda kimene kiê uanda kukatuka.

Jipoxolo 28:16

O ki tua zubha kutula mu Roma, Kabhitangu u thelekala jipelezo kua xefe ia kambamendo. Maji o Phaulu a mu ehela ku di kalela ni kididi kiê, ni disoladi diala ku mu inga.

Loma 10:15

O Njimbu a ivua kiebhi kua kambe o akunji a i tula? A i tula-phe kiebhi, a kambe o ku a tuma? Kala kia ki soneka mu Mikanda Ikôla, exi: O uijilu uâ kuuabha kuahi, ió eza mù bhana jingolokela ja Njimbu Iambote!

Loma 12:12

Sangulukenu jinga mu kudielela ku muala na-ku; kuatenu kinhenge mu izudidiku, kolokotenu mu kusamba, ki mu bhuile.

Ngalásia 6:6

Uoso ala ku mu longa o maka ma Njimbu Iambote ia Kristu, a bindumune ue mesene iê uoso ua mu mu longa, ni ima ioso iambote.

Kolose 1:25

Eme ngala ngi ngunza ia ngeleja mu kizuelu kia Nzambi, muène ua ngi xindila o kibatu kiki phala enu mu mone mbote. Xi, muène ua ngi tumu ko kuenu phala ku mʼivisa kiambote ni kivimba kioso o Maka ma Nzambi.

Kolose 4:3

Ki mu kambe ue ku tu sambela etu, phala Nzambi a tu jikuile dibhitu dia kutanga o maka mê, ni dia kutangela o mundu o kijinganu kia Kristu. Mukonda o kijinganu kia Kristu, kiene kia ngi bhekela o ku ngi kuika ni kukala ku malubhambu.

I Tesalonika 1:6

Enu anga mu kala mu afikixi etʼuetu, mu afikixi ue a Ngana. Kuma o maka mua ma tambula ni hadi iavulu, ni ngalasa ioio i tunda kua Nzumbi Ikôla.

I Tesalonika 5:14

Tua mi ambela dingi, jiphange, lembalesenu oso a juuala, imonha a bazedienu, suinisenu oso a toloka miẋima, kuatekesenu oso a bhuila mu kuxikana, athu a lendukidienu ene oso.

I Tesalonika 5:20

Kana kutenda o mizambu ia jipolofeta.

I Timote 4:13

Kiosuʼiki, katé ki ngi ku sanga, ta muẋima ué mu kutanga o Mikanda ia Ngana bhu pholo ia mundu, ni mu kulombolola o Njimbu Iambote, ni mu kulonga oso a xikana.

I Timote 5:20

Oso a ta ituxi, a bazele bhu pholo ia ene oso, phala akuâ a kale ni uôma.

II Timote 2:21

Se muthu-phe u di zelesa ku ima ioso iii iaiibha, u kala kitutu kia ujitu, kiazele, kia fuama muadiʼê, kia xikamena kubhanga na-kiu kimbamba kioso kiambote.

II Timote 2:25

U longesa ni kubelesela oso a ẋinuka, né kiá a mu xinukina muène. Sumba Nzambi u a bhana o kithangana kia kudiela, nʼeze mu kujiia o kidi.

II Timote 3:10

Eie-phe ua kaiela jinga ulongelu uami, ni uendelu, ni ukanenu ua muenhu uami. Uene mu kaiela ue ni kuxikana kuami ni kuxididika, ni henda, ni kinhenge, ni mu malebhu, ni mu jiphaxi.

Tito 1:13

Umbangi uenhú ua tange o musésedi uâ, ua kidi. Mukonda dia kiki, eie a bazele ni kutema, phala, a disanze mu kuxikana.

Tito 2:15

Imʼiii iene ima i u zuela, i u longa, u bazele ue ni uphoxi uoso, oso ala ku ku ivua. Ki bhu kale muthu a ku tènde.

Jihebeleu 13:22

Nga mi bhingi-phe enu jiphange, kuila, o hundu íii ia ku mi longesa, ivenu-iu ni muanu. Kuma o tumaka tu nga mi sonekena mu mukanda iú, nga tu fikisa muène.

Dijingunuinu 3:19

Oso u nga zola, ngʼa bazela, ngʼa beta. Phaphumuka-phe, u diele o ituxi ié.