II Timote 4:18 - O Mikanda Ikola

¹⁸ Ngana hanji u ngi kudila ku phulu ioso i ambe ku ngi bhanga, hé u ngi bhulula katé ku Mbanza iê ia diulu. O fuma ioso i kale ia Muène katé ku hádia ni hádia. Amén.

II Timote 4:18 ပူးပေါင်းရင်းမြစ်များ

Dimatekenu 48:16

ni Anjo ió ua ngi kala dilemba mu ku ngi bhangela mu mavuua moso, a bhane kuzediua ku tumbongʼutu; dijina diami a di luke jinge kua ene, ni dia jitata jetu Mbalahamu ni Izake; a di vuale a di vualulule, a di bhange kifuẋi mu ngongo.

I Malunda 4:10

Mbata Jabeze uadionda Nzambi ia Izalaiele, kuila: Se u ngi zediuisa kiavulu kinéne, o jimbambe jami ni u ji kudisa dingi muene, o lukuaku lué hé lu ngʼendesa, hé ubhangesa kuila o dibhebhu ki di ngi tule anga u ngi konda o malamba! Nzambi anga u mu bhanga kioso kia mu bhingi.

Jisálamu 121:7

Jihova u ku xitila kuoso kuambe ku ku bhanga o phulu; muene u ku inga o muenhu ué.

Jisálamu 37:28

Kuma Jihova kia mu uabhela o kubatula mu kidi; a di tuma-nê ka ehelela, u a kondeka katé bhu kizuua. Maji o mbutu-phe ia akua kubhuma, a xikamena ku a batula-bhu.

Jisálamu 73:24

Eie u ngi bhana kaiula kioso ki ngenda jinga kunu, hádia u ngi tambule mu kibúta kibenha ni fuma.

Jisálamu 92:10

Eme-phe u ngi vudisila o nguzu iami kala ia phakasa; kuma eie ua ngʼundu ni maji mengi ma kindala.

Jisabhu 14:32

Kisuéia, o usuéia uê uene ua-nda ku mu kakula; maji o muthu Uaiuka-phe, katé ni mu kúfua kuê, hanji sai kia dielela.

Matesu 13:43

Kienhókio athu aiuka a kà di muika kala dikumbi ku mbanza ia Tata iâ. Uoso uala ni mátui, évue.

Matesu 25:34

Muenexi anga uà kʼambela iá ala ku dilu diê, uixi: Zenu a mi zediuisa kuala Tata iami! Zenu mu lundule o Ungana, a mi iudikila na-u kuala Tata iami tunde ku dimatekenu dia ʼxi.

Matesu 6:13

Ku tu ehele kudibhala mu kudianguka, maji tu kudile ku Dimonho; mbata ungana ué Eʼ muène, ni nguzu, ni fuma sè dizubhilu. Amén.

Luka 11:4

Tu loloke o ikuma ietu; mukonda etu uetu tu loloka uoso u tu sombola. Ku tu ehele ku di bhala mu ku tu diangula.

Luka 12:32

Jezú uixi dingi: Ki mu kale ni uôma, kakilunga kófele! Mukonda Tata ienu kia mu uabhela muène o ku mi bhana o Ungana.

Luka 22:29

Mu kienhiki, nga mi bhana o ungana ua kutumina, kala eme ue kia ngi bhana-u Tata iami.

Nzuá 17:15

Ki nga bhingi kuma u a katula mu ngongo, maji nga bhingi kuila u a enga, u a kudila kua Diabhu ió ua bhukumuka.

Loma 11:36

Mukonda o ima ioso muène ua i bhanga, o ima ioso iala-ku, iemanena mua muène, phala muène. O fuma i kale iê-Muène ku mivu ni mivu sé dizubhilu. Amén!

Loma 16:27

Kua Nzambi imoxiʼ èlele, uejiia ioso, o fuma iendela kua Jezú Kristu, i kale iê-muène katé ku hadia ni hadia. Amén!

I Kolindo 1:21

Kuma o Nzambi, mu unjimu uê, ua bhangesa kuila athu a lémbua ku mu ijiia Muène, mu kuijiia kua ene, maji kia mu uabhela kubhulula oso a xikana. O kienhiki, Nzambi ua ki bhangela mu uoua ua maka mê u tuala kutula.

I Kolindo 10:13

O jitendasa jene mù kuiza kokuenu, jene jimoxi ni jala kulua na-ju akuenu oso. Maji o Nzambi-phe kizuelu kiê u ki kumbidila, kehela ku mi diangula kia tundu o nguzu ienu. Maji kioso kʼ iza o mudiangu, Nzambi u mi bhana nguzu phala mu tene kubhalakata, ni ditundilu dia kutena kubhita.

I Kolindo 15:50

Ngambe-phe kiki, enu jiphange jami, kuma: O kima kiobhange ni xitu ni manhinga ki ki tena kubhingana mu Utuminu ua Nzambi; o kiokio ki-fua, ki ki tena kukala ni muenhu ki uene dingi kufua.

II Kolindo 1:10

Muène iú ua tu kudila ku kalunga kosuʼ oko, hanji ue uanda ku tu kudila. Ni ku pholo muène tua mu dielela ni muẋima uetu uoso o ku tu kudila jinga,

Ngalásia 1:5

Nzambi muène a tambule fuma katé ku hadia ni hadia! Amén.

I Tesalonika 5:23

O muène Nzambi, mukua ku tu bhana o paze, a mi zelese katé mua zubha; a mi bhake kivimba ni nzumbi ni muenhu, ni mukutu, sé dixaka, mba kuêla kua kima, katé bhua kà tukulukila Ngana ietu Jezú Kristu.

II Tesalonika 3:3

Maji o Ngana-phe uala fiiele. Muène u mi suinisa, u mi langa, phala o Mudiangudi ió ka mi kuate.

I Timote 1:17

Mu kienhiki, o muenexi ió, kene kúfua, kene kumoneka ku mesu, o Nzambi imoxi ngó—a tambule ujitu ni fuma mu mivu ni mivu sè dizubhilu! Amén.

I Timote 6:16

Muène ngó ubhekèlele uê uavu o muenhu ki uene mbambe. Nzambi ua tunga mu mukengeji ki u xikina ku u bhixila. Nuka muthu ua mu muene, ka tena ku mu mona. O ujitu ni uzonda sè dizubhilu, u kale jinge uangene ua muène! Amén.

II Timote 1:12

Mukonda dia kiki, kiene ki nga mu talela o jihadi josuʼiji. Maji ki ngala-phe ni jisonhi, kuma nga dielela, mukonda ngejiia ió uoso nga mu xikana, phata ia ngi-bhu, kuma muène ua soko-bhu o kubhaka kioso ki nga mu bhana kulûnda, katé bhu kizuuʼokio.

II Timote 4:1

Nga ku tendelela ku mesu ma Nzambi ni ma Kristu Jezú ua kà fundisa athu a muenhu ni madifundu, mu kuiza kué ni mu Utuminu uê, kuila:

Jihebeleu 11:16

Uila kiki, o bhezabha-phe a mu sota ixi ia beta o kuuabha, o ixi ia diulu. Nzambi kiene kia mu kambesa kukala ni sonhi ia ku mu luka kuma muène Nzambi iâ-ene, mukonda muène ua a iudikila kiá dibhata.

Jihebeleu 12:22

Enu-phe mueza ku Mulundu ua Ziione, ku dibhata dia Nzambi ua kola o muenhu, ku Jeluzaleme ia diulu, ni jimidi jê ja ji-anju.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.

Tiiaku 2:5

Ivenu, phange jami nga mi zola: Nzambi ua solo jingadiama mu ngongʼumu phala kukala jimvuama mu kuxikana, alundudi a ungana ua tange Muène ku u bhana oso a mu zola.

I Phetele 1:5

O mabesá enʼiâ phala enu oso mu kutena kua Nzambi, a mi lange mu kuxikana, ni mu kukinga o kubhulukʼ oko kua-ndù tukuluka mu kithangana kia kà suka-ku.

I Phetele 5:11

O kutumina ku kale kua muène katé ku hádia ni hádia! Amén.

II Phetele 1:11

Maji mu kubhanga kiki, a kà mi bhana ungana ua kubokona mu Mbanza ixalela, ia ngene ia Ngana ietu. Mubhuludi Jezú Kristu.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.

Juda 1:1

Eme Juda, mubhika ua Jezú Kristu, phange ia Tiiaku, nga sonekena ió oso a exana kuata Nzambi, ata mu henda ia Nzambi Tata, ia ata ku a tanga kuata Jezú Kristu.

I Samuuele 17:37

Davidi, uixi dingi: O Jihova ua ngi kudila ku iala ia hoji, ni ku iala ia úlusu, muene ue u ngi kudila bhu maku ma mukua Fidíxia iú. Saúlu anga u ambela Davidi, uixi: Kuabhu! Ndeie, Jihova muene a ku bande.

I Samuuele 25:39

O ki evu Davidi kuila Nabale uafu, u zuela uixi: Nga sakidila Jihova ua ngi fúndila mulonga ua dilebhu diami di nga tambuile kua Nabale, ua ngi fudisa kubhanga kiaiibha eme ngi mubhikʼê. O phulu ia bhangele Nabale, Jihova ua mu vutuila-iu mu mútue uêmuène. Davidi anga u tuma kuta maka kua Abingaíle, phala ku mu sakana, nʼa kale mukajiʼê.