II Timote 4:17 - O Mikanda Ikola

¹⁷ Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.

II Timote 4:17 ပူးပေါင်းရင်းမြစ်များ

Jisálamu 109:31

Kuma ua tate-ó, muene u mu imanena ku madilu; mu ku mu bhulula kua ió andala ku mu êlesa, mbé nʼa mu jibha.

Jisálamu 22:21

Bhu ngalʼabha, ngi tambule mu kanu dia hoje; xi, ngʼivile muene ku jimbinga ja jiphakasa ku ngala.

Jisabhu 20:2

O njinda ia sobha, mukua ni hoji ki i dila; uoso u mu salumuna o njinda iê, ua di bhange-kiu, kuma ua di te o muenhu uê bhu kíbhidi.

Jisabhu 28:15

Mukua-phulu kia tambula ukota ua kutumina o muiji ua jingadiama, u di bhanga mukua ni hoji i nanga ni kuzuma, mba mukuâ ni kitôto kia di zekele nzala.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 41:14

Ku kale-phe ni uoma, eie u kabamba ka Jakobo, eie u kakifuẋi ka Izalaiele; eme Jihova, ngi ku banda, kuma Mukudi ué, muene Suke-ku, Dilemba dia Izalaiele.

Jelemiia 2:30

Anʼenu nga tale ngó hadi ia ku a beta; ene ka xikina ku a bazela: o xibhata ienu ia jikinisa jipolofeta jenu mukua ni hoji i sanujuna.

Daniiele 6:22

Nzambi iami uatumina anjo iê, iú uajika o makanu ma jihoje, phala ki ji ngi kuame mukonda bhu pholo iê ka ngi sange ni kikuma; né-mbe ko kuê, sobha, eme ki nga ku te kituxi kia kima.

Daniiele 6:27

Muene ukudila, u bhulula! u bhanga isunji ni madiuanu ni bhulu ni bhoxi! Muene ngó, ua kudila Daniiele ku uhamenu ua nguzu ia jihoje.

Matesu 10:19

Enu-phe, kuila a mi kutu, ki mu kale ni hele kioso ki mu zuela, mba hundu ioso i mu kuata, mukonda bhu kumbi dienhódio, Nzambi kiene kia kà mi bhana kioso ki mu zuela.

Luka 1:1

Kamba diami Tiiófilu: Athu avulu kiá a kuata kusoneka mu Mikanda o ima ioso ia bhitile mu dietu.

Luka 21:15

Mukonda eme ngi mi bhana dikanu dia kuzuela ni kuijiia kua kuila jinguma jenu joso ki ji tena ku mi lua phata, mba ku mi belesa.

Jipoxolo 23:11

Usuku uenʼió Ngana anga u tukulukila Phaulu, hé a mu imanena bhu mbandu iê, uixi: Kolokota! Kala ki ua bhana o umbangi uami mumu mu Jeluzaleme, kiene ue ki ua kà bhana umbangi mu Roma.

Jipoxolo 9:15

Maji Ngana u ambela Ananiia, uixi: Katuka ngó! Kuma muène mukua sedivisu iami, Eme nga mu solo phala kubheka o dijina diami ku akua jixi jengi, ni ku jisobha, ni ku anʼ a Izalaiele.

Loma 15:31

Sambenu phala eme ngi bhulake kua ió a kambe kuxikana ala mu Judeia, ni mukungu u ngala kuia na-u a u tambule ni ujitu kuala akua Ngana momo.

II Kolindo 12:9

Muène-phe ua ngambela uixi: O kiadi kiami ki ku sokesa-na-u. Kuma nguzu iami i beta kota mu kutena mu ku bhuila kué. Uila kiki-phe, nga sanguluka, kimuua ngi di fiiala o kubhuila kuami, phala nguzu ia Kristu i kale ni kutena momuʼami.

Efezo 3:8

Eme muene ngala ngi ndenge ia jindene mu ʼaxaxe ka akua Ngana oso. Maji o Nzambi ua ngi bhange ujitu uosʼú ua ku ngi bhana o kutudila matumbu o Njimbu Iambote, ia jimbongo ja Kristu, jolémbue ku ji tongolola.

I Timote 1:12

Eme nga sakidila Kristu Jezú, Ngana ietu, ua ngi bhana o kutena kua kubhanga o kikalakalu kiami. Nga mu sakidila muène, kuma ua ngi mono kukala fiiele, iú ua ngi bokuesa mu ungunza uê phala ku mu bhikila.

II Timote 2:1

Eie-phe, u monʼami, kala u kindanda mu kiadi ki tuene na-kiu mu ukamba ni Kristu Jezú.

II Timote 2:9

O mu kutanga Njimbu Iambote kì kia bhinga ngi ki talela hadi, katé ku ngi kuika malubhambu kala ngi kisueia. Maji o maka ma Nzambi-phe kene ku ma kuika.

II Timote 3:11

Eie uejiia kiambote ioso ia ngi bhitile mu Andiokia, ni mu Ikonio, ni ku Listra; jihadi jahi ngó ji nga talele! Maji mu ima ioso-phe Ngana ua ngi kudila-mu.

II Timote 4:5

Eie-phe enda ni ku di langa mu ima ioso. Kolokota o kutala hadi, kalakala kia tokala o mukunji ua Njimbu Iambote, kumbidila kiambote o ungunza ué kua Nzambi.

Tito 1:3

Maji bhu thembu iê, muène iú ua tu tukuluila o muenhu uenhú mu maka mê ma tu ambela. Eme-phe ia a ngi bhana kuxika ngonge ia maka enhá, u ngala kutula ku mundu uila kia ngi tumu Nzambi, Mubhuludi uetu.

Jihebeleu 11:33

Athu edile mu kuxikana kuâ, a tolola ilômbo ia muvimba. A iukisa milonga, hé a tambula o jipolomesa ja Nzambi. A xita o makanu ma jihoji.

I Phetele 5:8

Kalenu ku mesu azele, mu di lange! Kuma o nguma, Diabhu, ua di bhange, mukuâ ni hoji iala mu zuma, u nhunga jinga mu jimbamndu jenu mu kusota uoso a mu dia.

II Phetele 2:9

Kienhiki Nzambi uejiia kukudila akua uôma uê muʼ axaxi ka kudianguka, o akua ikuma u a bhaka katé bhu Kizuua kia Kufundisa, kuma a xikamena kaxtiku.

I Samuuele 17:37

Davidi, uixi dingi: O Jihova ua ngi kudila ku iala ia hoji, ni ku iala ia úlusu, muene ue u ngi kudila bhu maku ma mukua Fidíxia iú. Saúlu anga u ambela Davidi, uixi: Kuabhu! Ndeie, Jihova muene a ku bande.