II Timote 4:16 - O Mikanda Ikola

¹⁶ Ku dimanda diami, ki nga diangele kufunda, kana muthu ua ngi bandele. Ene oso a ngi xile. Nzambi tamanu ka a tela na-kiu mu konda iâ!

II Timote 4:16 ပူးပေါင်းရင်းမြစ်များ

Marku 14:50

Anga maxibulu a mu xa, ene oso, a lengʼâ.

Luka 12:11

Hinu kia mi bheka mu ku mi fundisa mu malombe, ni bhu pholo ia jixefe ni atumini, ki mu kale ni hele, kioso ki mu funda, mba kioso ki mu zuela.

Nzuá 16:32

Talesenu-phe, kumbi dia bhixila kiá, dia kuila enu oso mu muangana, kala muthu ku mbandu iê, eme hé mu ngi xa ubheka uami. Maji ki ngala-phe ubheka, mukonda Tata uala ni eme.

Jipoxolo 22:1

Enu mu akuetu, jiphange, nʼ enu mu jitata, ngʼ ivienu kioso ki ngi di lombolola lelu bhu pholo ienu.

Jipoxolo 25:16

Eme nga a vutuila, ngixi: Ku akua Roma ki kiene-ku, kia muthu ku mu bhakula ngó kiokio, kikale uoso a mu te mulonga u mona ku pholo iê oso a mu kuzala, nʼ a kale ni kididi kia ku mu fundisa phala ku di zula o muiônga uê.

Jipoxolo 7:60

Anga u fukama, u di kola di dizui dia suina, uixi: Ngana, kana kuta kituxi kiki mu konda iâ! O kia zubha ku ki zuela, u batula muenhu.

I Kolindo 13:5

Ki iene kubhanga ufusa, ki iene kusota ngo o kiê. O henda ki iene mu kala ni njinda, ki iene kufutuluka, ki iene kufika ima iaiibha.

I Kolindo 9:3

Enʼ ió ala ku ngʼ amba, eme ngi funda-nâ kiki:

II Kolindo 7:11

Talesenu kioso kia bhange Nzambi ni mukondo uenu: Muene ua mi bhangesa kukala mu athu a ujitu dingi, kienhokio ue enu mu edikiza kuma ki muala ni kuêla. Kuthathamana kuahi ngó ku mua kexi na-ku! Uôma uahi u mua kexi na-u, ngunzu iahi i mua ngi kuetelele, muanu uahi, lusolo luahi ngó mu kubazela kiaiibha! Mu ima ioso iii mua dʼidikiza kuma mua zele mu mulonga uenhó.

Filipe 1:17

O iá-phe a tumbula Kristu, maji a ki bhagela ngó mukonda sai kia bhindamena, inda ngiia ala ni kàdia. Ene a fika kuila a ngi tatesa dingi kiavulu ku malubhambu ku ngalʼuku.

Filipe 1:7

Enu mua ngi kala ku muẋima izuua ioso! Nga fika kia ngi tokala muene ku mi xinganeka kieniiki enu oso, mukonda ni ku malubhambu, ni mu kuzokela o Njimbu Iambote, ni mu ku ijidisa kia fuama, enu oso mua nomona ni eme ku kiadi kia ujitu iú ua ngi bhana Nzambi.

II Timote 1:15

Eʼmuène kiki ua kiʼijiia kiambote, kuma ene oso akua Azia a ngi bhana dikunda, a ngʼehelela, katé kiá ni Fijelo ni Helemojene.

II Timote 4:10

Mukonda Demase ua ngi xi, iú uaii ku Tesalonika, mukonda dia kuzola mundu uenhú. Kelesende uaii ku Ngalásia, Titu ku Ndalamaxia.

II Timote 4:15

Eie-phe di lange kioso ki uendanê, kuma muène ua fudisa kiavulu maka metu.

I Phetele 3:15

Kôlesenu-phe Kristu ku miẋima ienu, kuma muène Ngana ienu. Mu kale polondo kuvutuila muthu uoso ua mʼ ibula o kudielela ku muala na-ku.