II Timote 4:14 - O Mikanda Ikola

¹⁴ Xandele dia musudi ua ngi bhange phulu iavulu. Ngana u mu vutuila kia fuama mu imbamba iê iene kubhanga.

II Timote 4:14 ပူးပေါင်းရင်းမြစ်များ

II Samuuele 3:39

Eme lelu hanji nga kambe nguzu sumbala a ngʼundu ku ungana; mala enhá, anʼa Zeluia o kuẋinuka kuâ kua ngi bhonzo; Jihova-phe muene u futa o kisuéia, kioso kia tokala mu usuéia uê.

Jisálamu 28:4

A bhange kala kioso kia bhanga jinga ene, kioso kia tokala mu kukalakala kuâ kua kubhukumuka; a bhane muene kia soko mu ufunu ua maku mâ, a fute, Ngana, kioso kia a tokala.

Jisálamu 62:12

Ni kulenduka kua ku tokala, eie Ngana; kuma eie-muène u vutuila o muthu kala kioso kia fuama mu kukalakala kuê.

Jelemiia 15:15

Eie-phe, u Jihova, ua kʼijiia; ngi lembalale Ngana, u ngi zungile, u ngi bhangele mvunda kua iá a ngi zuididika; mu ku xididika kué kana ku ngi bhitula; Eie ua kʼijiia kuila ngalu bonga malebhu mukonda dia ku ku zola eie.

Kuditenda 3:64

Jihova, eie hinu u a bhana o futu, ia soko ni ikalakalu ia maku mâ.

Loma 12:19

Phange jami, ki mu kale mù vutula phonzo ku muthu uoso-uoso. Inda mu ehela o njinda ia Nzambi o kubhana kaxtiku. Kuma a ki soneka mu Mikanda Ikôla, exi: Phonzo ia ngi tokala eme ngi Ngana, eme-muène ngi futa.

Loma 2:6

Kuma muène ua kà uanena athu oso kala kia tokala mu imbamba iâ ia bhanga jinga.

II Tesalonika 1:6

Kala kiki, kima kiaiuka ki bhanga Nzambi kienʼ iki: O ku a vutuila hadi, ene oso a mi talesa enu hadi.

I Timote 1:20

O mua enhá muene muala Himenu ni Xandele, u nga bhakuila Satana, phala a di longe kueha o kuxinga Nzambi.

II Timote 4:15

Eie-phe di lange kioso ki uendanê, kuma muène ua fudisa kiavulu maka metu.

I Nzuá 5:16

Se muthu u mona phangʼiê uala mu ta kituxi, maji ki kituxi kia kúfua, a mu bhingile, Nzambi nda a mu bhane muenhu muenhó uoso u ta kituxi, ki kituxi kia kúfua. Sai-ku kituxi kia kúfua; ki kiene-phe eme ki nga mi ambela kuila mu ki bhingila.

Dijingunuinu 18:20

Eie u diulu, mu olele, mukonda dia kusenguluka kuê! Ni enu oso mu akua-Ngana, mu jipoxolo, mu jipolofeta, mu oledienu! Sangulukenu, kuma Nzambi ua batula! Mu ioso ia mi bhange, ua mi bhela-nê kaxtiku!

Dijingunuinu 18:6

Kioso kia bhangele muène, mu futienu-kiu; kioso kia fuama mu imbamba iê, mu vutuidienu-kiu mu luiadi! O kopho ia mi lungidile, muène ue mu lungidienu-iu luiadi.

Dijingunuinu 6:10

Anga ene a di kola ni dízui dia dikota, exi: Katé bhebhi, Muadi tata! Eie Muteni-a-Ioso, u kôla, u mukua kidi! Kumbi kuẋi ki u fundisa athu mu ngongo? Kizuua kiebhi ki ua kà bhana kastiku kua ió a tu jibhile?

I Samuuele 24:12

Jihova a tu batuile ni eme ni eie! Jihova a ku tatele phonzo iami, maji eme-phe lukuaku luami ki ngi lu zengela kokué.