II Timote 4:10 - O Mikanda Ikola

¹⁰ Mukonda Demase ua ngi xi, iú uaii ku Tesalonika, mukonda dia kuzola mundu uenhú. Kelesende uaii ku Ngalásia, Titu ku Ndalamaxia.

II Timote 4:10 ပူးပေါင်းရင်းမြစ်များ

Matesu 12:32

Uoso u xinga Monʼa Muthu, a kà mu loloka-kiu. Maji uoso-phe u xinga o Nzumbi Ikôla, ka kà mu loloka-kiu, né ku muenhu iú, né ku muenhu ua hádia.

Matesu 26:56

Kiene kiosuʼiki-phe kia bhiti, phala kubhitisa o Maka mòsoneke mu Madivulu ma misèsedi. Bhenhobho jixibulu joso ji mu-xa, ji lenga.

Luka 14:33

Kiene ue, uoso mudienu u kamba ku di tuna ima ioso iala na-iu, ka tena kukala xibulu iami.

Luka 16:13

Kana-ku ngàmba u tena ku kalakela ngana jiiadi. Kuma u zemba ngana imoxi, hé u zola ia mukuá; mba u di tuma ni ngana imoxi, hé u tènda iamukuá. Enu uenu ki mu tena kubhikila kumoxi ni Nzambi ni Mamunu.

Luka 17:32

Lembelalenu mukajiʼ a Lote!

Jipoxolo 13:13

Kiki Phaulu ni akuâ a di longela mu Pafu, anga a zauka katé ku Peleje mu Pamfidia. Nzuá dia Marku, anga u a xa bheniobho, hé u vutuka ku Jeluzaleme.

Jipoxolo 15:38

Maji o Phaulu-phe ki kia mu uabhela kuambata muthu ua a xile kiá mu njila. Kuma muene ua vutukila mu Pamfidia, kele-nâ njila ioso ku sedivisu ia ukunji katé ku dizubhilu.

Jipoxolo 16:6

Ene anga a bhita mʼ oxi ia Filija, ni mu Ngalata, Nzumbi Ikôla anga u a kidika kulonga maka mu Ázia.

Jipoxolo 17:1

Kiki ki a bhitakena mu Amfipole, ni mu Apolonia, a bhixila mu Tesalonika hé a sanga muala dilombe dia Jijudé.

Jipoxolo 17:11

Enʼiâ a beta ujitu, ka soko ni akua Tesalonika, kuma a tambulula o maka ni kutetuluka kuoso. Izuua ioso anga a kala mù tekula mu Madivulu ma Nzambi se o ima iii kia mu i tanga Phaulu, kiene ki ia tokala.

Jipoxolo 17:13

Maji o Jijudé-phe ja akua Tesalonika, kia kʼ ivu kuila maka ma Nzambi ala ku ma longa kuala Phaulu mu Beleia, ene eza ue kuenioko, hé a kala mu vunza o mundu ni ku a tatesa.

Jipoxolo 18:23

O kia zubha kubhanga thembu bhenhobho, u katuka, hé u bhita kʼ oxi ia Ngalata ni Filija ni kuendesa ididi ni kukolokotesa o jixibulu joso.

II Kolindo 2:13

Maji o kutululuka kua muẋima ki nga ku mono, mukonda Phangʼietu Tito nga kambele ku mu sanga-bhu. Kiene kia ngi bhekelele ku a lekela, anga ngʼa xia bhenhobho, hé ngi zauka ku Masedonia.

II Kolindo 7:6

Kiene kimoxi Nzambi mukua kutululukisa oso a bhondalala, ua tu bhana kutululuka mu kuiza kua Tito.

II Kolindo 8:16

Tua sakidila-phe kiavulu Nzambi ua mi tela o muanu uene umoxi ni etu mu muẋima ua Tito phala ku mi kuatekesa.

II Kolindo 8:23

Se bhu kala muthu uibhula Tito, muène mukua kisangela kiami, mukalakadi ni mukuetu mu ku mi kuatekesa enu. Se ebhula o jiphange jetuʼiji a mùia ni muène, ene akunji a a katula kuala o jingeleja, athu ene mù bhana ujitu kua Kristu.

II Kolindo 8:6

Katé Tito tua mu bhingile, mukonda muène ua mi matekesa o kikalakalu kiki, phala a mi kuatekese o kuzubha ujitu uenʼiú.

Ngalásia 1:2

O jiphange joso u ngala-nâ kunu, a tumu kumenekena o Jingeleja ku Ngalásia.

Filipe 2:21

Mukonda akua ene oso a bhindamena ima iâ-ene, ka bhindamena ima ia Jezú Kristu.

I Timote 6:10

Kuma o luimbi lua kitadi, luene lundanji lu bhana o ima ioso iaiibha. Amoxi-moxi-phe, mukonda dia kudisunga mu ku ki kuata, a jimbila o kuxikana, ia a di toma mu mavuua mavulu mukuâ ni jisongo.

I Timote 6:17

Oso ala jimvuama mu ngongʼumu, a tendelele, ka di kake, ka dielele o jimbongo ja makutuʼiji, ki ji tena kubhandulula kima. Maji a dielele Nzambi, Ió ua tena ku tu bhana kumona kia nzungule o ima ioso ia kuzediua phala o mbote ietu.

II Timote 1:15

Eʼmuène kiki ua kiʼijiia kiambote, kuma ene oso akua Azia a ngi bhana dikunda, a ngʼehelela, katé kiá ni Fijelo ni Helemojene.

II Timote 4:16

Ku dimanda diami, ki nga diangele kufunda, kana muthu ua ngi bandele. Ene oso a ngi xile. Nzambi tamanu ka a tela na-kiu mu konda iâ!

Tito 1:4

Nga ku sonekena eie Tito, u monʼami ua kidi, mu kuxikana kuetu kumoxi ni eie ni eme. Nga ku indila kuila o kiadi ni paze i tunda kua Nzambi Tata, ni kua Kristu Jezú, Mubhuludi uetu, i kale jinge ni eie.

Filemone 1:24

Ni Marku, ni Aristarko, ni Demase ni Luka, akalakadi ni akuetu, a tumu uâ ku mi menekena.

II Phetele 2:15

A jimbila, iá ala kubungana ngó, kuma njila ia kidi a tokoka ku i ijiia! A kaiela mu njila ia Balamu, monʼa Beola, uandalele o nganhu ia kitadi mu kubhanga kia iibha.