II Timote 3:8 - O Mikanda Ikola

⁸ Mukuâ ni Jane ni Jambele a fudisile Mozé, enhá ue a fidisa o kidi. Athu a bolo ilunji, kuxikana a ku tokoka.

II Timote 3:8 ပူးပေါင်းရင်းမြစ်များ

Makatukilu 7:11

Bhenhobho Falaó ue u ixana jihete ni jinganga, ene o imbanda ia Ijitu, ene anga a ki bhanga ue ni uanga uâ.

Makatukilu 7:22

O imbanda ia akua Ijitu anga a ki bhanga uê ni uanga uâ; anga ki bhekela Falaó ku kola o muxima, ka ẋikina ku a evua, kala kia tange Jihova.

Makatukilu 8:18

O imbanda ue anga a ki fikisa ni uanga uâ, maji a lémbua; jina-phe anga ji kala ku athu oso ni ku ibhaku.

Makatukilu 8:7

O imbanda ia uanga ue anga a ki bhanga ni uanga uâ, a bheka ue mazote mʼoxi ia Ijitu.

Jipoxolo 15:24

Mukonda tua kʼ ivu kuma athu a tundu mu dietu a mi tatesa o miẋima ni jiphata mu ioso ia mi tangela, sumbala etu ki tua a tumu phala kuia mu kubhanga kieniókio.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Loma 16:18

Kuma enhá, a kala kiki, kene kubhikila Kristu, Ngana ietu, maji a bhikila ngó o jihanji jâ ene. O mu kuzuela kuâ kuambote, kuatouala, ene mu kubhomba miẋima ia athu kiluua a ejiia.

Efezo 4:14

Uila kiki, kana, ki tu kala dingi tu anandenge, a tu takujula ku mabhuku, ni ku tu xinjijika kuala o kitembu kia ulongelu uengi uiza-ku ua athu akua mangonha. Kuma enʼiâ mu jindunge jâ kala mibhetu, ambata akuâ mu jinjila ja kutexika.

I Timote 1:19

Uila ni kubhaka o kuxikana kué, uixi ni kukala ni muẋima uazele. Kuma amoxi-moxi-mu, mukonda dia kueha o kuívua kiala ku a tangela o muẋima uâ, a jimbidisa o kuxikana kuâ.

I Timote 4:2

O maulongelu enhá a tunda ku athu a tanga makutu ni kàdia, kuma o kitongoluelu kiâ kia di fuila mukonda kia ẋiẋidila kala kiauka ku felu iatema.

I Timote 6:5

ni kuhoia kua kambe mbàmbe kua athu a bolo kilunji, a tokoka o kidi. Athu kala kiki a fika kuila o kubheza (Nzambi) mubhetu ua kumuena umvuama. Athu a kala kiki, a sondoloke.

II Timote 4:15

Eie-phe di lange kioso ki uendanê, kuma muène ua fudisa kiavulu maka metu.

Tito 1:10

Kuma ku Jijudé sai-ku athu avulu a baluka, ala jisemenhi ja kuzuela, akua ku di nganala ni kutobhesa dingi athu avulu mu uoua uâ.

Tito 1:16

Amba, exi, Nzambi tua mu ijiia; maji a mu dituna mu imbamba iâ ia bhanga. Ala ifusa, a xibhaki, imbamba ioso ia mbote a i tokoka.

II Phetele 2:14

Katena kumona muhatu ku mesu, sè ku muʼandala ku mu bhanga kiaiibha, a lémbua kuzumbuka ku ituxi. Aia ni kunganala oso a tolo kuxikana. A kala ngó mù banza kunganhala kitadi! Ala athu a a bhubhidila kuala Nzambi!

I Nzuá 2:18

Enu tuana tuami, kumbʼidi diene dia sukidila-ku. O ki muevuʼokio, kuila hinu kuiza Kristu ia makutu, kiene kiabhuʼiki. Kuma kiki kueza kiá jikristu javulu ja makutu, kiene ki tua kʼijidila kuila o kumbʼidi diene kiá dia sukidilaku, o dizubhilu dia zukama.

I Nzuá 4:1

Enu akuetu, nga mi zola, kana kuxikana jinga ku athu oso a tanga kuila ala ni Nzumbi ia Nzambi. Athu kala iá mu a lola jinga phala ku a mona se ni kidi kiene ala ni Nzumbi ia Nzambi, mba kana. Mukonda Jipolofeta ja makutu javulu ja tubhuka mu ngongo.

Dijingunuinu 2:20

Nga ku êlesa-phe kima kimoxi. Kuma ua xididikila o muhatu ió Jezabele, ua mu dʼixana kuila polofeta ia Nzambi. Eie ua mu ehela kubhomba ni kulonga selevende jami kubhanga undumbu, ni kudia jisata ja makudia ma satela o itèka.

Dijingunuinu 2:6

Maji sai-phe ki uala na-kiu, kia kuzemba ima i bhanga akua Nikolau, eme-muène ue nga di zemba na-iu.