II Timote 3:17 - O Mikanda Ikola

¹⁷ Iene iosuʼii phala muthu ua Nzambi a tenene, ua di lungu kiasoko, mu kubhanga madimu moso mambote.

II Timote 3:17 ပူးပေါင်းရင်းမြစ်များ

Nehemiia 2:18

Hé nga a jimbuila kiua kia ngi kuatekesele o lukuaku lua henda ia Nzambi iami, nga a tudila ue o maka moso ma sobha, ma ngi tangelele. Kuala ene: Ndokuenu, tu balumuke, phala tu tunge! Anga abhua uoma, hé a kolokotesa maku mâ mu kubhanga kiambote o kikalakalu.

Jipoxolo 9:36

Kiki ku Jopa ku kala xibulu ia muhatu dijina diê Tabita. (Mu Ngeleku ku di lombolola ela: Kasexi). Muhatu iú ua vula jimbote ni jimola jene kubhanga mu kukuatekesa o jingadiama.

II Kolindo 9:8

Nzambi-phe ua sokobho o ku mi bhana kia tundu ioso i mua bhindamena, phala izuua ioso mu kale mua tenena mu imbamba ioso ia mbote.

Efezo 2:10

Kuma etu tuala tu ufunu ua Nzambi muene, ua tu kalakela mua Kristu Jezú phala tu kale mù bhanga imbamba iambote, ioso ia tu iudikila Nzambi muène, phala tu kale mù kuendela-mu.

I Timote 6:11

Maji eie-phe u muthu ua Nzambi, ima ienhiʼii lenga-iu. U kaiele jinge o kuiuka, o kuxila Nzambi, o kuxikana, o kuzola, o kukolokota ni kubelesela.

II Timote 2:21

Se muthu-phe u di zelesa ku ima ioso iii iaiibha, u kala kitutu kia ujitu, kiazele, kia fuama muadiʼê, kia xikamena kubhanga na-kiu kimbamba kioso kiambote.

Tito 1:16

Amba, exi, Nzambi tua mu ijiia; maji a mu dituna mu imbamba iâ ia bhanga. Ala ifusa, a xibhaki, imbamba ioso ia mbote a i tokoka.

Tito 2:14

Muène muthu ua di bhele bhu kididi kietu, mu ku tu kula ku mangonha, ni ku tu zelesa, ni tu kale tu mundu uê ua ngene, mundu ua suina mu kubhanga ima ia mbote, ua mu tokala muène.

Tito 3:1

Athu a lembalese kuma, a di tume ni jixefe ni jingana ji tumina, a tumake jinge, a sakalale mu kubhanga ikalakalu ioso ia mbote.

Jihebeleu 10:24

Tu di xinganekienu mudietu, tu di suinise mu ku dizola, ni kubhanga o mbote.

Jihebeleu 13:21

O Nzambi ia paze a mi bhane ioso ia uabha i mua bhindamena phala mu tene kubhanga o vondadi iê. O muène, mukonda dia Ngana Jezú Kristu, a bhange ioso ia mu uabhela mu miẋima ietu. O Kristu a mu fumanese kuoso, tunde kiki, katé ku hádia ni hádia. Amén.