II Timote 3:16 - O Mikanda Ikola

¹⁶ Kuma Mikanda ioso ia bhusu Nzambi, mikanda ia kubhandulula, ni mu kulonga o kidi, ni mu kubazela itondalu, ni mu kuiukisa iabhengalala, ni mu kuijidisa uendelu uambote.

II Timote 3:16 ပူးပေါင်းရင်းမြစ်များ

II Samuuele 23:2

Nzumbi ia Jihova ua zuelela moxi diami, maka mê ma ngi tula bhu dimi.

Nehemiia 9:20

Anga u a bhana o Nzumbi ié iambote, mbé i a longe; o maná ié, ku a katula-iu mu kanu diâ; anga u a bhana menha mu dinhota diâ.

Jisálamu 119:11

Maka mé nga a kondeka moxi dia muẋima uami, phala eme ngi lémbue ku ta kituxi kokué.

Jisálamu 119:130

Bhua jimbuluila o maka mé a muika, a zelesa; ni ió ua tobho a mu bhana kuijiia.

Jisálamu 119:9

Munzangala ua diiala u di zelesa kiebhi o uendelu? Ki kale u di langa kiambote, kala kiambe o maka mé.

Jisabhu 15:10

Uoso ulueza o njila, o kibetu kiê kivula; uoso-phe kia mu tangela kʼevu, ua xikamena kúfua.

Jisabhu 15:31

Muthu uoso u xikina kubhana mátui mu kuividila o kubazela kua disanze, ió u tunga dibhata mu kaẋi kumoxi ni jinjimu.

Jisabhu 6:23

Kuma kitumu kandeia, o ngonge mukengeji; o kubazela kua ku ku iukisa, iene o njila ia muenhu.

Mikeia 2:7

Kifua enu mua tokala ku mʼixana exi: Mu dibhata dia Jakobo, o Nzumbi ia Ngana, manhi ki muala naiu dingi? Manhi ima i muala kubhanga, iene ia fuama? Mbé ki kienhiki ki bhangesa kuila ió uoso uenda ni kuiuka maka mami ma mu bhanga mbote?

Sofoniia 3:2

Kʼevu ki zuela muthu, ka xikina ku mu longa mba ku mu beta; ka dielela kua Jihova, mba u xikina kuzuama kua Nzambi iê.

Matesu 13:52

Kuala muène: Uila kiki, mesene ioso u longa o Kitumu, hé u di bhanga xibulu ia Utuminu ua Diulu, u difangana ni tata ua tambula konda ia dibhata, u katula mu dilundilu diê ima ióbhe ni iókulu.

Matesu 21:42

Kuala Jezú: Enu mbebhu mu Madivulu ma kôla kiluua mu tanga-mu kuila: O ditadi dia ditunu jimesene, diene dia kuatesa bhu thungi, kienhiki kia tundu kua Nzambi, ku mesu metu kisúma?

Matesu 22:43

Kuala muène: Davidi-phe mu Nzumbi ua mu edi kiebhi, Ngana, kuma uixi:

Matesu 26:54

Maka mòsoneke mu Madivulu-phe ma Ngana, meji kubhita kiebhi, mambe kuma kia bhingi kubhita kienhiki?

Matesu 26:56

Kiene kiosuʼiki-phe kia bhiti, phala kubhitisa o Maka mòsoneke mu Madivulu ma misèsedi. Bhenhobho jixibulu joso ji mu-xa, ji lenga.

Marku 12:24

Jezú ua ambela, uixi: Mua tondala kiavulu! Kia mi tondalesa ki kienhiki? Muedi o Madivulu Akôla òsoneke ki mua ejiia, ni kutena kua Nzambi ki mua kuijiia.

Marku 12:36

Se o Davidi muene, kia mu funhisa o Nzumbi Ikola, ua soneka uixi: Ngana u ambela Ngana iami; Xikama ku madilu mami, kate ki ngi ku bhanga o jinguma ji kala bangu iê ia inama.

Nzuá 10:35

Etu tuejiia kuila o Madivulu ma Nzambi ene mù zuela kidi; kuma Nzambi ua exana jinzambi enhó oso evile o maka-mê.

Nzuá 3:20

Mbata oso a bhanga kiaiibha, a zemba mukengeji, keza ku mukengeji phala ima iâ ia bhanga ki i tukuluke ni i moneke ku athu.

Jipoxolo 1:16

Enu akuetu mu jiphange, o maka mòsoneke mu Mikanda Ikôla ma tokalele kubhita, moso ma zuelele Nzumbi Ikôla mʼokulu ku dikanu dia Davidi, ma tokala kua Juda, mukonda muène ua tuamenene ió oso a kutile Jezú.

Jipoxolo 18:25

Muene ua di longo kiá kiavulu o Njila ia Ngana, mu kuzuela u fulujuka mu nzumbi, anga u tanga, u longa ni uhete o imbamba ia Jezú, maji uejiia ngó o batizu ia Nzuá.

Jipoxolo 20:20

Enu mua kʼijiia ue kuila nga bhange ioso mu ku mi kuatekesa, ki nga fulu ku mi tangela kima ki tokala ku mi bhanga mbote. Nga mi tudila o Njimbu Iambote, nga mi longela jinga bhu nangu dia mundu, ni ku mabhata, inzo ni inzo.

Jipoxolo 20:27

Kuma ki nga fulu ku mi jimbuila o mutendelu uoso ua Nzambi.

Jipoxolo 28:25

O kia kuata kuzuela imʼ iii, iá a lémbua ku dʼivisa mudiâ, ene oso a muangana. Maji kuila kiluua a zubha o kumuangana, Phaulu uzuela ngó kiki, uixi: Kidi kia Nzumbi Ikôla, kia tange polofeta Izaia ku jitata jetu,

Loma 15:4

Kuma ima ioso iósokene mʼ ukulu mu Mikanda Ikôla, a i sonekena phala etu ku di longa, phala mu kinhenge, ni mu kutula o muẋima mu kutanga o Mikanda, tu kale ni kudielela.

Loma 2:20

u mulongixi a iximba, u mesene ia minzangala. Eie ua mu di xinganeka kuila mu Kitumu, eie uala ni kuijiia kuoso ni kidi.

Loma 3:2

Sai-ku muene kubhanduluka mu ikexilu iavulu! Kima kia dianga-phe o kuila kuma o Jijudé ene Nzambi a a bhakesele o Njimbu iê.

Loma 4:23

Kieniokio ka ki soneka ngó mukonda dia Mbalahamu muene, kuila a mu bhangele-kiu konda.

I Kolindo 12:7

Kala muthu Nzambi ua mu bhana utukulukilu ua Nzumbi Ikôla mu kukuatekesa akuâ.

Ngalásia 3:8

O Mikanda Ikôla ue mu kuzambula kuila Nzambi ua kà lungisa matumbu mu kuxikana, kiene ki ia longela jinga o Njimbu Iambote mʼukulu kua Mbalahamu, iexi: Madiembu moso ma kà zediuila kokuê.

Matendelelu 29:29

Ima ioso iosuekeʼoio ima-phe iangene ia Jihova Nzambi ietu; o ioso ia di monekena ia tu tokala etu ni anʼetu, katé kiá ku hádia ni hádia. Phala tuende ni ku kumbidila o maka moso ma Kitumu kiki.

Matendelelu 4:36

Muene-phe ku diulu kuene, kuene kuandekela ku ku ivisa o dízui diê, mbé o ku ku longa; o mu ngongo ua ku londekeza o túbhia tuê tua unéne, eie uevu o maka mê kioso muene kia zuelela mu kaẋi ka túbhia.

II Timote 2:25

U longesa ni kubelesela oso a ẋinuka, né kiá a mu xinukina muène. Sumba Nzambi u a bhana o kithangana kia kudiela, nʼeze mu kujiia o kidi.

II Timote 4:2

Enda ni kutanga o maka; sakalala mu ku a jimbula bhu kala kithangana, ni mú kamba kithangana. A tolole miẋima, a bazele, a longese, ni kuxididika kuoso ni kulombolola.

Jihebeleu 11:1

O kuxikana-phe ku ijidisa ima i tua dielela, ku idikiza ima kiluua i moneka.

Jihebeleu 3:7

Uila kiki, ki ambe o Nzumbi Ikôla: Lelu se mu ivua dizui dia Nzambi,

Jihebeleu 4:12

Kuma o kizuelu kia Nzambi kima kia muenhu, ki ala ni kutena. Kia beta kutua o xibhata ia mazu a iadi ndenge. O kubatula kuê, ki sesa ni muenhu, ni nzumbi, ni masokuelu, ni uongo ua ifuba. Ki tungula ni jivondadi, ni mabanzelu ma miẋima ia athu.