II Timote 3:12 - O Mikanda Ikola

¹² Kiene muene! Ene oso kiá a sola kuenda mu ukidistá kala ki andala Nzambi mua Kristu Jezú, andù tala hadi ni ku a zukutisa!

II Timote 3:12 ပူးပေါင်းရင်းမြစ်များ

Matesu 16:24

Kienhókio Jezú u ambela jixibulu jê, uixi: Se muthu ua mesena ku ngi kaiela eme, a di fule o kudibanza muène-muene, a zangule dikulusu diê, a ngi kaiele.

Matesu 23:34

Kienhiki, talesenu, ngi mi tumikisa jipolofeta ni jinjimu ni jimesene ja kulonga. Enu-phe amoxi-mu mua-nda ku a jibha, amukuá mua-nda ku a phaphela ku makulusu, amoxi mua-nda ku a beta mu malombe menu, ni ku a kaia ku mabhata-mabhata.

Marku 10:30

he u kamba kutambula luhama ku muenhu iu, mabhata, jiphange, ja mala ni ja ahatu, jimama, ana, jixi, kumoxi ni jiphaxi ja ku mu zuididika. Maji o ku mundu ua keza-ku, muenhu ki uábhua.

Nzuá 16:2

Mu malombe, jinzo ja kusambela Nzambi, a-ndu mi kaia-kaia-mu! Kumbi dia-ndu kuiza dia kuila, uoso u mi jibha, u fika muene kuma ua bhange kia uabhela Nzambi.

Nzuá 16:33

Nga mi ambela imʼiíi phala enu ki mu kala kumoxi ni eme, mu kale ni kutululuka ko kuami. Mu ngongʼumu mua-ndu kala ni hadi, maji kuatenu-phe muanu, ngongo iíi eme nga i tolola kiá.

Nzuá 17:14

Nga a bhana o maka mé. O mundu-phe ua a zembe, mukonda ene ka tokala mu mundu, mukuâ ni eme ki ngi tokala-mu.

Jipoxolo 14:22

Ene anga a kala mu kukolesa o miẋima ia jixibulu ni ku a longesa kujijila o kuxikana. A kala ue mu longa kuma tu bhinga tu bokona mu Utuminu ua Diulu mu kubhita ni malebhu mavulu.

I Kolindo 15:19

Se o Krsitu tua mu dielela ngó kunu ku muenhu iú, ku athu oso mu ngongʼumu, etu ene tuala kota mu kuxixima!

II Kolindo 1:12

Kuma etu o thathe ietu ieniii, o kitongoluelu kietu kia tu bhela umbangi muʼaxaxi kenu, kuma tuende mu ngongʼumu mu kuzela ni kidi kia tu bhana Nzambi. Tuende ue, kana mu jindunge ja xitu maji mu kiadi kia Nzambi.

II Kolindo 4:9

Nguma ji tu vula, maji ki tu kambe dikamba. Sai ni bhabha a tu kuama, maji ki tu jimi o mbutu.

I Timote 2:2

Kua tokala kubhingila jisobha, ni oso ala ni kijingo kia kutumina, phala tu tene kutunga ni muẋima ua batama, sè kavuanza, sè jimvunda, mu ujitu ni uendelu uaiuka.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

I Timote 6:3

Se bhu kala muthu u kuata kulonga ulongelu uengi, ka xikana o maka madisanze, maka ma Jezú Kristu, Ngana ietu, ni ulongelu uetu ua kuxila Nzambi,

Tito 1:1

Eme Phaulu, ngunza ia Nzambi, Poxolo ia Jezú Kristu, nga soneka o mukanda iú. A ngi tungula ia a ngi tumikisa mu kukuatekesa ni kusuinisa o kuxikanʼoko kuene na-ku athu a Nzambi, phala ku a endesa mu kidi kiene kulonga o ubhezelu uetu.

Tito 2:12

O kiadi kienhiki ki tu longa kuma, tu ehe o kubhuma ni jihânji jaiibha ja mundu, phala tuende mu ngongo muenhumu ni kilunji, ni kuiuka, ni kuxila Nzambi.

Josuué 17:14

Bhenhobho anʼa Zuze ambela Josuué, exi: Kia bhiti kiebhi-phe o ku ngi bhana ngó mu ubhinganu hasa imoxi ni dikânda dimoxi, eme ngi muthu nga di bhange kifuẋi kionène kiki; oko o Jihova ue uala ku ngi zediuisa muene?

I Phetele 3:14

Se enu mua tale hadi-phe mukonda dia kuiuka, mua zediua! Ki mu kale ni uôma ua muthu, ki mu tandanganhe.

II Phetele 3:11

O ki tua monuʼ iki, kuma ima ioso iii ia kà buila, tua fuama etu tu kala tu athu a kidifua kiahi? Mu kuuabha uendelu, mienhu ienu ia fuama mu i bhakula mu kuzela, ni uôma ua Nzambi.

Dijingunuinu 12:4

Ni mbônde iê, anga u koka mbandu ia katatu ia jithéthembua ku diulu, hé u ji lauila mu ngongo. Mudikixi anga uimana bhu pholo ia muhatu ua-nda kudisanza, phala kia zubha kudisanza, monʼê a mu die.

Dijingunuinu 7:14

Nga mu ambela, ngixi: Eʼmuène, ngana, ua ejiia. Kuala muène: Enhá ene a tundu mu hadi ia dikota. Ene a sukula izuatu iâ, ia a i zelesa mu manhinga ma Kambudi.