II Timote 3:11 - O Mikanda Ikola

¹¹ Eie uejiia kiambote ioso ia ngi bhitile mu Andiokia, ni mu Ikonio, ni ku Listra; jihadi jahi ngó ji nga talele! Maji mu ima ioso-phe Ngana ua ngi kudila-mu.

II Timote 3:11 ပူးပေါင်းရင်းမြစ်များ

Dimatekenu 48:16

ni Anjo ió ua ngi kala dilemba mu ku ngi bhangela mu mavuua moso, a bhane kuzediua ku tumbongʼutu; dijina diami a di luke jinge kua ene, ni dia jitata jetu Mbalahamu ni Izake; a di vuale a di vualulule, a di bhange kifuẋi mu ngongo.

II Samuuele 22:1

Davidi anga u tela Jihova maka moso ma muimbu iú, kizuua kia mu kudila Jihova bhu lukuaku lua jinguma jê joso, ni bhu lukuaku lua Saúlo, uixi:

II Samuuele 22:49

Muene ua ngi katula muʼaxaxi ka jinguma jami, iu ua ngi bhake ditala, enhó ka ngi tena oso a ngi kala ni luma, muene ua ngi tambula ku kiiala kiasuina.

Jisálamu 34:19

Uaiuka u mona jiphaxi javulu; maji o Jihova-phe u mu kudila mu jiphaxi jê jene joso.

Jisálamu 37:40

Jihova u a kuatekesa, u a kudila; u a kudila ku isuéia, hé u a bhulula, mukonda a lengela kua muene.

Jisálamu 91:14

Mukonda ua ngi naminina ni henda, eme-phe, ngi mu kudila; ngi mu tudika ditala, ka mu tena, mukonda ua ngʼijiia o dijina.

Izaía 41:10

Kana kukala ni uoma, kuma eme ngala bhuamoxi nʼeie; kana kubhuuama, mbata eme ngala ngi Nzambi ié; eme ngi ku suinisa, hé ngi ku kuatekesa, anga ngi ku fikidila ni lukuaku luami lua kadilu, lua kuiuka kuami.

Izaía 41:14

Ku kale-phe ni uoma, eie u kabamba ka Jakobo, eie u kakifuẋi ka Izalaiele; eme Jihova, ngi ku banda, kuma Mukudi ué, muene Suke-ku, Dilemba dia Izalaiele.

Izaía 43:2

Kioso ki ua kà bhita mu menha mua zongo, tuà kala kiiadi; kioso ki uà bhita mu jingiji, kua-nda ku boba; ki uà kà bhita mu túbhia, kua-nda kujikata; o mulengo ki ua kà tena ku kuata kokué.

Jelemiia 1:19

Ene-phe a-nda ku bhangela ku ku lua, maji katena ku ku tolola eie; mbata eme ngala ni eie bhuamoxi, phala ku ku kudila, Eme ngi Jihova.

Daniiele 6:27

Muene ukudila, u bhulula! u bhanga isunji ni madiuanu ni bhulu ni bhoxi! Muene ngó, ua kudila Daniiele ku uhamenu ua nguzu ia jihoje.

Jipoxolo 13:14

Ene-phe a bhitakena mu Peleje, hé a bhixila ku Andiioka mu Pizidia. Mu kizuua kia sabhalu anga a bokona mu dilombe dia Jijudé, anga a xikama.

Jipoxolo 13:45

Jijudé-phe kia mono o mundu uavu-lu kiki, a kala ni dixinga dionène. Ima iala kutanga Phaulu, a mu kuatesa makutu, a mu xinga.

Jipoxolo 14:8

Ku Listra anga ku kala muthu ua xikama jinga mu nzunga, kuma ua nemana inama. Muene uala huhiʼ a lenge tunde mu divumu dia mamʼ â, nuka a tena kuenda.

Jipoxolo 20:19

Nga sedivila Ngana ni kubatâma kuoso, ni masoxi. O kieniokio, sumbala ni iluezu i nga bhiti na-iu mukonda dia Jijudé ku ngi ta ikutu.

Jipoxolo 23:10

Mvunda anga i vula, katé Komanande, mukonda dia hele ia Phaulu ku mu sanujuna kua ene, u tuma o masoladi kutuluka, ni ku mu katula ni kusuina mu ʼaxaxe kâ, phala ku mu bheka dingi mu mbonge.

Jipoxolo 26:17

Ngi ku kudila ku mundu uenu ua Jijudé, ni ku matumbu, kuoso ku ngi ku tuma.

Jipoxolo 26:22

Kia ngi kudila Nzambi-phe, nga kolokota katé mu kizuua kia lelu, ni kubhana umbangi uê ku makota ni ku jindenge. Ki ngene mu zuela kima-phe kia kambele Mozé ni jipolofeta ku ki zuela kuila hinu kʼ iza.

Jipoxolo 9:16

Eme-muène ngi mu longesa o jiphaxi javulu ja bhingi kuila muène u ji bhita mukonda dia dijina diami.

Loma 15:31

Sambenu phala eme ngi bhulake kua ió a kambe kuxikana ala mu Judeia, ni mukungu u ngala kuia na-u a u tambule ni ujitu kuala akua Ngana momo.

II Kolindo 1:5

Uila ki tua tambula mbandu ku jiphaxi ja Kristu, kiene ue, mua Muène, ki tua tambula mbandu ku dikuatekesu diê dia dikota.

II Kolindo 1:7

Mu kienʼ iki, ni kudielela kuetu ku tua mi kala na-ku, kua di fikidila kiambote. Kuma tua kʼ ijiia kuila o ki mua nomona ku jiphaxi jetu, mua nomona ue ku dikuatekesu dioso di bhana Nzambi.

II Kolindo 12:10

Uila kiki, nga sanguluka muene mu kubhuila ni kulebhuka, ni kubhindama ni ku ngi zukutisa, ni kukala mu ibhidi mukonda dia Kristu. Kuma kithangana ki nga mu bhuila, kiene kia mu ngʼ iza o nguzu.

II Timote 4:7

Ngalu ita iambote, dikanga dia ngi xindile nga di zubha, o kuxikana ki nga ku eha.

II Phetele 2:9

Kienhiki Nzambi uejiia kukudila akua uôma uê muʼ axaxi ka kudianguka, o akua ikuma u a bhaka katé bhu Kizuua kia Kufundisa, kuma a xikamena kaxtiku.