II Timote 2:9 - O Mikanda Ikola

⁹ O mu kutanga Njimbu Iambote kì kia bhinga ngi ki talela hadi, katé ku ngi kuika malubhambu kala ngi kisueia. Maji o maka ma Nzambi-phe kene ku ma kuika.

II Timote 2:9 ပူးပေါင်းရင်းမြစ်များ

Luka 23:32

Anga ambata ue kumoxi ni Jezú, kiiadi kiamukuá, akexile imbokoto, phala ku a jibhila kumoxi ni muène.

Jipoxolo 21:33

Komanande anga u bhixila, bhuala Phaulu, u mu kuata, u tuma ku mu kuta ni malubhambu maiadi. Anga uibhula kiua, uixi: Iala muenʼiú, mukua-hi? O muene ua bhange ihi?

Jipoxolo 28:31

Anga muène u boka o Njimbu ia Utuminu ua Nzambi, u longa ni kubhua o uôma ima ioso ia tokala kua Ngana Jezú Kristu, kana muthu ua mu fudisa.

Jipoxolo 9:16

Eme-muène ngi mu longesa o jiphaxi javulu ja bhingi kuila muène u ji bhita mukonda dia dijina diami.

Efezo 3:1

Mukonda dia kiki, eme Phaulu, ngi Pelezu ia Kristu Jezú, mu mulonga uenu mu akua matumbu.

Filipe 1:17

O iá-phe a tumbula Kristu, maji a ki bhagela ngó mukonda sai kia bhindamena, inda ngiia ala ni kàdia. Ene a fika kuila a ngi tatesa dingi kiavulu ku malubhambu ku ngalʼuku.

Filipe 1:7

Enu mua ngi kala ku muẋima izuua ioso! Nga fika kia ngi tokala muene ku mi xinganeka kieniiki enu oso, mukonda ni ku malubhambu, ni mu kuzokela o Njimbu Iambote, ni mu ku ijidisa kia fuama, enu oso mua nomona ni eme ku kiadi kia ujitu iú ua ngi bhana Nzambi.

Kolose 4:18

Umenekenu uami eme ngi Phaulu, iii letala ia lukuaku luami muene. Lembalalenu o malubhambu mami. O kiadi kia Ngana Nzambi ki kale ni enu ku mualʼ oko.

Kolose 4:3

Ki mu kambe ue ku tu sambela etu, phala Nzambi a tu jikuile dibhitu dia kutanga o maka mê, ni dia kutangela o mundu o kijinganu kia Kristu. Mukonda o kijinganu kia Kristu, kiene kia ngi bhekela o ku ngi kuika ni kukala ku malubhambu.

I Tesalonika 1:8

Kuma o maka ma Ngana ma tundu ko kuenu, ia a fumana, kana ngó ku Masedonia ni ku Akaia, maji katé ni ku ididi ioso, o kuxikana kuenu ku muala na-ku kua Nzambi, kua fumana; o kiki etu ki tu bhingi dingi kuzuela kima.

II Tesalonika 3:1

O kia xala-ku, enu jiphange, tu sambedienu, phala o maka ma Ngana ma sambuke lusolo, ma fumane, kala ki kia bhiti ku mualʼoko.

II Timote 1:12

Mukonda dia kiki, kiene ki nga mu talela o jihadi josuʼiji. Maji ki ngala-phe ni jisonhi, kuma nga dielela, mukonda ngejiia ió uoso nga mu xikana, phata ia ngi-bhu, kuma muène ua soko-bhu o kubhaka kioso ki nga mu bhana kulûnda, katé bhu kizuuʼokio.

II Timote 1:16

Ngana-phe à kuatele henda, akua bhata dia Onezifolo, kuma muéne ua ngi bhetula jinga muẋima luavulu. Muéne ka kexi ni jisonhi ja lubhambu lua upelezu uami.

II Timote 1:8

Uila kiki, ku kale ni sonhi ia kubhana umbangi ua Ngana ietu, mba sonhi iami eme ngi pelezu iê, a ngi kutu mukonda diê-Muène. Kolokota-phe mu kutala hadi ni Njimbu Iambote, kala kia ku bhana Nzambi o kutena.

II Timote 2:3

Kolokota o kutala hadi kumoxi ni eme-muène, kala u dikuenze diambote dia Kristu jezú.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.

I Phetele 2:12

Kalenu ni uendelu uenu uafuama, muʼaxaxi ka akua jixi jengi a kambe kuijiia Nzambi phala kioso kia a mi âmba, exi mua mu bhanga kiaiibha, mu kumona dingi o ikalakalu ienu iambote, hinu a kala mu ximana Nzambi, mu kizuua kiê kia ku a zungila.

I Phetele 2:14

mba jinguvulu, a ji tumu kuala muène mu kubhesa kaxtiku ati a ituxi, ni mu kusuinisa abhangi a mbote.

I Phetele 3:16

Maji mu ki bhanga jinga ni kubelesela, ni uôma. Mu kale ni kitongoluelu kiazele kia mbote. Phala o ima iene ku mi tatelʼ oio, jisonhi hinu ja a kuate oso a lebhula o uendelu uenu ua mbote mua Kristu.

I Phetele 4:15

Ki bhu kale muthu-phe mudienu u tala hadi mu kukala kijibhanganga, mba muii, mba muti a ituxi, mba kitoka mu imbamba ia akuâ.