II Timote 2:3 - O Mikanda Ikola

³ Kolokota o kutala hadi kumoxi ni eme-muène, kala u dikuenze diambote dia Kristu jezú.

II Timote 2:3 ပူးပေါင်းရင်းမြစ်များ

Jipoxolo 23:31

Masoladi anga a bhanga kioso kia a tumu. A katula Phaulu hé a mu bheka ni usuku katé ku mbonge ia Andipatile.

I Kolindo 13:7

O henda ki i zondo mu phaxi, maji i xididika mu ima ioso ni kuxikana, i dielela mu ima ioso, i bhalakata mu ima ioso.

I Kolindo 9:7

Dikuenze kuẋi ki aia ku ita, muene u sota o huta iê? Mba nanhi u phapha dibhia dia ji-uva nʼ a kambe kudia ku idima iê? Mba nanhi u bhila kilunga nʼ a kambe kutambula ku lete i bhana o kilunga?

II Kolindo 1:6

Se etu-phe tu tala hadi, enu tua mi talela-iu, mu ku mi konda malamba ni ku mi bhulula. O ki kala a tu bhandulula, ni enu uenu mu bnhanduluka phala ni mu tambule nguzu ia kubhalakata mu jiphaxiʼ ojo jene jimoxi ni jetu.

I Timote 1:18

Timote, monʼami, o mutendelelu iú nga ku xila-u eie. Uene ua lungila mu kukumbidila o mizambu ia jipolofeta, ia ku tunguile na-iu eie tunde mʼukulu. Maka iá a di bhange iene o ibhakatu ié, ki uenda ni kùlua ita iambote.

II Timote 1:1

Eme Phaulu, poxolo ia Kristu Jezú mu vondadi ia Nzambi, a ngi tumu kuboka o njimbu ia kikanenu kia muenhu u tuene na-u mu kudibunda kuetu ni Kristu Jezú.

II Timote 1:8

Uila kiki, ku kale ni sonhi ia kubhana umbangi ua Ngana ietu, mba sonhi iami eme ngi pelezu iê, a ngi kutu mukonda diê-Muène. Kolokota-phe mu kutala hadi ni Njimbu Iambote, kala kia ku bhana Nzambi o kutena.

II Timote 2:10

Uila kiki, ima ioso ngi kolokota na-iu, mukonda dia athu a ngene a Nzambi òsole. Ngi ki bhangela phala a tambule ubhulukilu uene mua Kristu Jezú, kumoxi ni kijîngo ki kié-kiene kutunuka dingi.

II Timote 2:9

O mu kutanga Njimbu Iambote kì kia bhinga ngi ki talela hadi, katé ku ngi kuika malubhambu kala ngi kisueia. Maji o maka ma Nzambi-phe kene ku ma kuika.

II Timote 3:11

Eie uejiia kiambote ioso ia ngi bhitile mu Andiokia, ni mu Ikonio, ni ku Listra; jihadi jahi ngó ji nga talele! Maji mu ima ioso-phe Ngana ua ngi kudila-mu.

II Timote 4:5

Eie-phe enda ni ku di langa mu ima ioso. Kolokota o kutala hadi, kalakala kia tokala o mukunji ua Njimbu Iambote, kumbidila kiambote o ungunza ué kua Nzambi.

Filemone 1:2

Mukanda iú uia ue ni kua phange ietu ia muhatu Afiia, ni Arkipo disoladi ni mukuetu mu ita i tuala kulua.

Jihebeleu 10:32

Lembalalenu-phe kia bhitile mʼ ukulu: Mu izuua ienioio, kioso o mukengeji ua Nzambi ki ua muikina ku thandu dienu, enu mua talele hadi iavulu, maji mua kolokota, a lembua ku mi tolola mu mvunda.

Jihebeleu 11:27

Kiejila mu kuxikana, Mozé kia tundu mu Ijitu, njinda ia sobha ka i lenge. Anga u kolokota ni ufiiele kala uala ku mona Nzambi, ió ka moneka ku mesu.

Jihebeleu 6:15

O Mbalahamu kia kolokota ni kinhenge, o polomesa ia mu bhana Nzambi ua i tambula.

Tiiaku 1:12

Ua zediua o muthu u kolokota mu lamba, anga u kala fiiele. Kuma kia zubha ku mu lola mu malamba enhó, ua kà tambula kitundu kia muenhu, kia tange Nagana kubhana oso a mu zola.

Afundixi 3:2

mbé miiji ia anʼa Izalaiele a kʼijiie, a di longe kúlua ita, oso mʼokulu kejidile luua kúlua;