II Timote 2:26 - O Mikanda Ikola

²⁶ Mbe a tambule kilunji kia kusukunuka mu mubhetu ua Diabhu, mukua ku a kuika ni ku a bhangesa kutumaka o vondadi iê.

II Timote 2:26 ပူးပေါင်းရင်းမြစ်များ

Jobe 1:12

Ngana anga uambela Satana, uixi: Tala, ima ioso iala na-iu, iala bhu maku mé; inda kua muene ku te-ku lukuaku lué. Satana anga u tunda bhu pholo ia Ngana.

Jobe 2:6

Jihova anga uambela Satana, uixi: Tala, muene uala bhu maku mé; mu lange ngoho o muenhu uê.

Jisálamu 124:7

Tua bhulaka mukuâ ni kanjila ka sukunuka bhu mubhetu ua dinhanga; ngoji ia mubhetu ia batuka, etu étu tua tuka.

Izaía 28:13

Uila kikiphe, o kizuelu kia Jihova kua ene, kia kà kala ngonge mu ngonge, ngonge ku thandu dia ngonge; phangu ku phangu, phangu ku thandu dia phangu; kama bhabha, kama bhaná; nda aie, a dibhale ni dima, o kia-nda kuila a zoza, a fue bhu mubhetu, nda a a bhange jipelezo.

Izaía 53:12

Mukonda dia kiki, nga-nda ku mu katuila dikânda diê ku athu a vulu, sumbala muene ua-nda kuuana o madibhundila kumoxi ni mazonda; mbata ua lundulula o muenhu uê muʼalunga, a mu bundile kumoxi ni ifumbe; maji muene ua di tuika o ituxi ia athu avulu; iú uala kudiondela akua-ituxi.

Izaía 8:15

Muʼaxaxi ka mundu, avulu muene a-nda ku di-bhukana, a-nda ku di-bhala anga a bukujuka, afua mu uanda, a-nda ku a loua ni mikolo anga a a kuika.

Luka 11:21

Kindanda-phe se kiala ni uta, hé ki langidila o dibhata diê, jimbongo jê jòlunde kiambote.

Luka 15:17

Kia zubha kusunga kilunji-phe, uixi: Akalakadi oso ianá ku bhata dia tatʼetu, ala ni kúdia kuâ kua soko, kua subhuka, eme-phe kunu, eme ngi-fua ni nzala!

Luka 5:10

Kiene kimoxi ue ni Tiiaku ni Nzuá, anʼ a Zebedeu, akua kisangela ni Ximá, a diuana uê. Jezú anga uambela Ximá, uixi: Ku kale ni uôma, tunde lelu ku pholo ua-ndu kala u mutona ua athu.

Nzuá 13:2

Jezú ni maxibulu mê, kia kala mù seiala, o Diabhu ua ki te kiá ku muẋima ua Juda, mukua Kadiota, monʼ a Ximá, o ku mu sumbisa.

Nzuá 13:27

Kia zubha Juda kutambula o kambolo, Satana u mu bokona moxi diê. Jezú anga u mu ambela, uixi: Kioso ki u bhanga, bhanga-kiu lusolo.

Jipoxolo 26:18

Phala ua kà a tonese mesu, a xie mua vundu, a biluke ku mukengeji, a tunde mu ubhika kua Satana, eze kua Nzambi. O mu ku ngi xikana eme, a tambule muloloko ua ituxi iâ, mbé a kale kiá muʼ axaxe ka kibuka kia athu a Nzambi òsole.

Jipoxolo 5:3

Kuala Phetele-phe: Eie Ananiia, Satana ua ku funhisa kiebhi o muẋima, phala ute makutu kua Nzumbi Ikôla? Eie ihi ia ku bhakesa o mbandu ia mukuá, ku kitadi kia tundu mu kusumbisa oxi?

I Kolindo 15:34

Phaphumukenu, mu kuate kilunji ni muenhu uaiuka kala kia fuama, kana dingi kuta ituxi. Kiki nga ki ambela o ku mi kuatesa jisonhi, kuma amoxi-moxi mudienu Nzambi ka mu ijiia.

II Kolindo 2:11

Eme ngi loloka, mbebhu Satana ka tu bhite bhu mbandu, kuma jindunge jê ki tu kamba ku jʼijiia.

Efezo 5:14

Mukonda kioso ki di tukulula mua zele, ki di bhanga mukengeji. Kiene kia ki ambela, exi: Phaphumuka eie uaii ku kilu, u fukunuke mu ʼalunga, kristu nda a ku bhake mua zele.

Kolose 1:13

Muene ua tu kula mu ubhika ua usuku, iú ua tu bheka mu Utuminu ua Monʼ ê ua kazola.

I Timote 1:20

O mua enhá muene muala Himenu ni Xandele, u nga bhakuila Satana, phala a di longe kueha o kuxinga Nzambi.

I Timote 3:7

Ki bhinga ue athu ku kanga a mu bhela umbangi uambote, mbebhu ku pholo ku aia ka di bhale mu malebhu, ni mu mubhetu ua Diabhu.

Dijingunuinu 12:9

Kimudikixi kia dikota anga a mu takuila ku kanga! A mu kaia, na Kinhoka Kiokulu, a mu ila Diabhu, a mu ila Satana, mukua kunganala o mundu uoso. A mu lundumuina mu ngongo, ni ji-anju jê a ji lundumuina-nê kumoxi.