II Timote 2:20 - O Mikanda Ikola

²⁰ Mʼonzo ia dikota-phe ki mu kala ngó itutu ia ulu ni phalata, mu kala ue ni ia mixi ni ia mavu. O ii ia ujitu phala ngó ku i katula bhu ithangana ia tokala, o iamukua-phe iene ia izuua ioso.

II Timote 2:20 ပူးပေါင်းရင်းမြစ်များ

Ejidala 1:6

Ene oso a tungile mu jimbandu, a a kuatekesa ni imbamba ia phalata, ni ulu, ni jimbongo, ni ibhaku ni ima dingi ia te muene kiavulu; ima ia mukuá ia bhana ene ku vondadi iâ, ioio ki iala-mu.

Ejidala 6:5

Kua di te dingi: itutu ioso ia ulu ni phalata ia inzu ia Nzambi, iambatele Nabokodonozolo mu tembulu ia kexile mu Jeluzaleme, anga uia na-iu ku Babilónia, a-nda ku i vutula, phala iie ku tembulu iala mu Jeluzaleme, na i tule muene kitutu bhu kididi kiê, kitutu bhu kididi kiê; ni i kala dingi lua mukuá mʼonzo ia Nzambi.

Makatukilu 27:3

U iudika ue ni jímbia jê ja kuambatela o utókua, ni jipá jê ni jimbasinha, ni jingalufu, ni iomuenu ia kuambatela o makala a túbhia; iselengenhe iê ioso iii, i kala ia ngôndo.

Kuditenda 4:2

Anʼa Ziione, a kôla ku kijingu mukuâ ni ulu uafina, o kiki asokʼuâ kiá ni itutu ia utuma, a di bhange kala kikalakalu kia mumbi-a-jímbia, tata!

Daniiele 5:2

Kioso kia kodiua kiá ni vinhu, Belxazale utuma kutakana itutu ioso ia ulu ni ia phalata, iabhundile tatʼâ Nabukodonozolo mu tembulu ku Jeluzaleme, phala sobha, ni ilâmba iê, ni akajiʼê, ni akamʼê, muene mu a nuina.

Nzuá 8:49

Jezú uixi: Eme ki ngala ni dimonho. Eme nga xila Tata iami, enu-phe mua ngi sombola.

Loma 9:20

Maji eie nanhi, kamba diami, eie u muthu u kuata phata ni Nzambi? Manhi o imbia ia utuma ibhula ió ua i bhange, kuila: Eie ua ngi bhangela-hi kiki?

I Kolindo 3:9

Kuma etu tuala tu jingunza, tu kalakala kumoxi phala Nzambi, o enuʼ enu muala mu dibhia di bhanga Nzambi o kikalakalu kiê. Enu muala ue mu inzu i tunga Nzambi.

II Kolindo 4:7

O umvama uenhú-phe etu tuala na-u tuedi kala tu itutu ia mavu a hatu, phala kulondekeza kuila o nguzu i lenda ioso itunda kua Nzambi, ki ietu etu, kana.

Efezo 2:22

Mu kieniiki, enu oso ue mua tunguia mua Kristu kumoxi ni akuenu oso mu kukala dibhata dia Nzambi, mua tena kubhanga kibuta kiê mu Nzumbi.

I Timote 3:15

O ki kala-phe ngi bhanga hanji izuua, mukanda iú u ku idikiza kioso kia tokala kukala athu mʼonzo ia Nzambi, kuma o inzo iê iene o ngeleja ia Nzambi ia muenhu, o philadi ni disesa kua tula o kidi.

I Phetele 2:5

Enu uenu kala mu matadi ma muenhu, ehelenu-phe Nzambi phala a mi Uzale mu kutunga o Tembulu ia nzumbi, ni ku mi bhanga kibuka kia jinganga jolumbile Nzambi, ji bhana o jisata ja nzumbi, ji uabhela Nzambi, mukonda dia Jezú Kristu.