II Timote 2:2 - O Mikanda Ikola

² Ima i uévua jinga ko-kuami bhu pholo ia jimbangi javulu, lûndisa-iu ku athu ala jifiiele, a tena ue kulonga akuâ.

II Timote 2:2 ပူးပေါင်းရင်းမြစ်များ

Ejidala 7:10

Kuma Ejidala ua di iudikile muẋima uê, phala ku kuata kitumu kia Jihova ni ku kiʼaluka, mbé o ku longa jinga jingonge ni mabatuilu ma Nzambi iê, mua Izalaiele.

Ejidala 7:25

Eie-phe kiá, Ejidala, mu kuijiia ku uala na-ku, kua Nzambi ié, kuala bhu lukuaku lué, u sola atumini ni afundixi, aia ni kufundisa athu oso ala ku sámbua diodio dia honga ia Ufalate, oso kiá ejiia itumu ia Nzambi ié-eie; o ió uoso ua kambe ku ijiia, mu muʼijidisa na-iu.

Nehemiia 7:2

eme anga ngi xinda, phangʼiami Hanane, ni Hananiia, dikota dia mbonge, ngixi a kale ku pholo mu Jeluzaleme, mukonda dia muene kukala diiala dia uthu ni ujitu, mukua uoma ua Nzambi, akuá avulu dingi ndenge.

Jisálamu 101:6

Mesu ami a kala jinga mu sota o jifiiele mu ngongo, ene u ngi kala-nâ; uoso uenda ni muẋima ua ujitu ió muene u ngi sedivila jinga.

Jisabhu 13:17

Kisuéia kia phunga, mua bhita u xisa divuua; maji o kilolo-phe kia fiiele, o kua bhita, u bheka kudisanza.

Jelemiia 23:28

Uoso polofeta uala ni nzoji, a tange o nzoji iene. O ió uoso uala ni maka mami momué, a zuele maka mami ni kidi. Kuma Jihova uixi: Ibhiate iala ni kima kiahi ni tiliku?

Ijila 14:42

Kienhókio kuize kiá matadi mengi a ma sokeke-bhu bhuoso bhua tundu o matadi ma diangʼomo, a tophole mavu engi a bebe na-u o inzu.

Malakiia 2:7

Mbata o mizumbu ia jinganga iene i bhaka o unjimu, o ngonge ia kidi athu a i sotela mu kanu diê; mukonda o nganga muene o mukunji ua Jihova dia Ilombo Ieta.

Dialuilu 12:7

Ki kiene-phe ki ngi bhanga ni mubhikʼami Mozé; muene muthu uaiuka mu dibhata diami dioso.

Matesu 13:52

Kuala muène: Uila kiki, mesene ioso u longa o Kitumu, hé u di bhanga xibulu ia Utuminu ua Diulu, u difangana ni tata ua tambula konda ia dibhata, u katula mu dilundilu diê ima ióbhe ni iókulu.

Matesu 24:25

Talenu, eme nga kalanga ku mi dimuna.

Luka 12:42

Ngana Jezú, uixi: Nanhi-phe o kimbadi kia mukua kidi, mukua kilunji? Muenhó, ngana iê ua mu bhake ku pholo ia abhikʼê, ni a a bhane kúdia kuâ mu ji-ola ja tokala.

I Kolindo 4:2

Kunu-phe uoso a mu tuika o kikalakalu kiki, u bhinga u kala fiiele.

II Kolindo 2:14

Maji Ngana Nzambi, a tane-ku! Mokonda, mu kudiongeka kuetu ni Kristu, Nzambi uene mu ku tu endesa jinga mukuâ ni athu a a kutila ku mukalatata mu kubhana o kikoue kia Kristu. Mukuâ ni ki muanganena mu ididi ioso o dizumba dia maji a mbote, kiene ue Nzambi kia mu bhanga ni etu mbé Kristu a tene ku mu ijiia kuala oso.

II Kolindo 3:5

Ku ubheka uetu, momuetu etuène kana-mu kima ki tu bhekesa kuzuela kuila tua tena kikalakaluʼiki. Mukonda o kutena ku tuala na-ku tunda kua Nzambi.

Kolose 1:7

O kienʼiki mua di longo-kiu kua mukuetu Epafala, kamba dietu tua mu zola, mukua ku tu kalakela mua Ngana ni kitongola kioso.

I Timote 1:12

Eme nga sakidila Kristu Jezú, Ngana ietu, ua ngi bhana o kutena kua kubhanga o kikalakalu kiami. Nga mu sakidila muène, kuma ua ngi mono kukala fiiele, iú ua ngi bokuesa mu ungunza uê phala ku mu bhikila.

I Timote 1:18

Timote, monʼami, o mutendelelu iú nga ku xila-u eie. Uene ua lungila mu kukumbidila o mizambu ia jipolofeta, ia ku tunguile na-iu eie tunde mʼukulu. Maka iá a di bhange iene o ibhakatu ié, ki uenda ni kùlua ita iambote.

I Timote 4:14

Uhete ió ua ku bhana mu uanji ua kuzuela kua Jipolofeta ja Ngaleja, kia ku tudile o maku ma adiakime ku thanduʼa mùtue ué, phala ku ku lumba mu kikalakalu kia Ngana, kana kukala na-u ni kaxixi.

I Timote 4:6

Ki u lembalesa ima ienhiʼii ku jiphange ja xikana, u kala u ngunza iambote ia Jezú Kristu, se u di sanza mu maka ma kuxikana mu ua kudila, ni mu ulongelu uambote u uene kukaiela.

I Timote 5:22

Ku bhange lusolo mu kutula maku ku thanduʼa muthu, phala ku mu lumbila mu kikalakalu kia Ngana. Ku bhange ue kisangela ni athu engi mu ituxi iâ. Di bhake eie-muène ni kuzela.

I Timote 6:12

ʼLua o ita iambote ia kuxikana, naminina o muenhu ki uabhue. Kuma kiene Nzambi kia kuixanena, kioso eie mu kuxikana kué ki ua fisalele bhu pholo ia jimbangi javulu.

II Timote 3:10

Eie-phe ua kaiela jinga ulongelu uami, ni uendelu, ni ukanenu ua muenhu uami. Uene mu kaiela ue ni kuxikana kuami ni kuxididika, ni henda, ni kinhenge, ni mu malebhu, ni mu jiphaxi.

II Timote 3:14

Eie-phe, xikama mu ima ioso i ua di longa jinga, i ua mono ia kidi. Kuma ene uâ, o jimesene jé mu kuxikana, a ku longoio, ua a tongolola.

Jihebeleu 2:17

Uila kiki, Jezú kia mu fuama mu ima ioso o kusokela ni jiphange jê, phala a tene kukala Nganga iâ ia Dikota, ia lenduka, ia fiiele, mu sedivisu iê kua Nzambi. Mu kienʼ iki nʼ a kale kiluuluilu kia ituxi ia mundu.

I Samuuele 2:35

Nga kà zangeleka nganga iami iengi ia fiiele, uà kala muthu ua kukumbidila ioso ia ngi kala ku muẋima ni mu kilunji kiami; muene nga ka mu tungila dibhata diakolo, uà kala mu kuenda jinga bhu pholo ia muthu uami nga mʼundu ni maji sé dizubhilu.