II Timote 2:18 - O Mikanda Ikola

¹⁸ Athu o kidi a ki lueza, exi difukunukinu dia bhiti kiá, hé a diangula o kuxikana kuala na-ku akuá amoxi-mu.

II Timote 2:18 ပူးပေါင်းရင်းမြစ်များ

Matesu 15:13

Jezú-phe ua vutuila, uixi: Kidima kioso kia bhingi Tata iami mu diulu ki muène ua ki phaphe, ki bhinga ku ki vuza.

Matesu 22:29

Jezú-phe ua a vutuila, uixi: Enu mua tondala, mukonda Madivulu Makôla ki mua mejiia, ni kutena kua Nzambi ki mua kuijiia.

Luka 8:13

Oso ala ku thanduʼ a matadi, ene, ki évua o maka, a ma tambulula kiambote; ene-phe kuma a kambe jindanji, a xikana ngó kathangana, o bhu kumbi dia phaxi, a lémbua-ku kiá.

Jipoxolo 5:39

Maji se kua tundu kua Nzambi-phe, mu a lémbua ku a tolola, kuma mu kubhanga kiki, muanda kusota kubhanga ni Nzambi! Muene anga a mu xikana. Kionge kioso anga kʼ ivua kia zuela Ngamadiiele.

I Kolindo 11:19

Kana-bhu-phe phata, kuila kua bhingi mudienu mu kala kudiuana ku ibuka, phala ió oso ala mu kidi a di monekene.

I Kolindo 15:12

Kiki-phe, etu se tua mu kola kuma Kristu ua fukunuka mu ʼalunga, enu amoxi mudienu muala kuila kiebhi kuma ki kuene kufukunuka mu ʼalunga?

Kolose 3:1

Enu mua fukunukina kumoxi ni Kristu, mua tundu muʼalunga enu mueza ku muenhu. O ki kala-phe mua fukunukina kumoxi ni Kristu, ndokuenu mu sote ima iala bhulu bhu aii Kristu, bhua xikama ku madilu ma Nzambi.

I Timote 1:19

Uila ni kubhaka o kuxikana kué, uixi ni kukala ni muẋima uazele. Kuma amoxi-moxi-mu, mukonda dia kueha o kuívua kiala ku a tangela o muẋima uâ, a jimbidisa o kuxikana kuâ.

I Timote 6:10

Kuma o luimbi lua kitadi, luene lundanji lu bhana o ima ioso iaiibha. Amoxi-moxi-phe, mukonda dia kudisunga mu ku ki kuata, a jimbila o kuxikana, ia a di toma mu mavuua mavulu mukuâ ni jisongo.

I Timote 6:21

Mbata amoxi-moxi a di ximana kuila o unjimu uenhú ala na-u, maji kienhiki kiene kia a bhekesa kuila o njila ia kuxikana a i lueza. O kiadi kia Nzambi ki kale ni enu oso ku mualʼoko.

II Timote 2:14

Athu oso u ua kexila ku pholo, ima ienhii enda ni ku a tendelela-iu! U a tendelele ku mesu na Ngana, kuma ka di kuatele maka ma ngoho. Mbata ki ki bhandulula kima, maji ki juualesa ngó athu oso évua, mukonda o kudikuata ki kia fuama.

Tito 1:11

Enhá-phe a bhingi ku a xita makanu, mukonda akua kujuualesa mabhata ma muvimba, ni kulonga ima ki ia tokala, mukonda ngoho dia kubhindamena nganhu iaxidi ia kitadi.

Jihebeleu 3:10

Kia ngi bhekela kufutuluka ni muiji uenʼ ió, ngixi: O kulueza mu ixinganeku iâ iaiibha ka ku eha, jinjila jami a tokoka ku jʼ ijiia.

Tiiaku 5:19

Phange jami, se muthu mudienu u jimbila o kidi, anga bhu kala muthu u mu bheka dingi mu njila,

I Nzuá 2:19

Ni kidi, athu enhó a di katula mudietu, mukonda ene ka tu tokala. Mbata ene se a tu tokalele, hinu a xala mudietu. Maji ene-phe a tu xisa, a katuka mu kudimonekena kuma ka tu tokala nè umoxi ngó mudiâ.