II Timote 1:7 - O Mikanda Ikola

⁷ Kuma o Nzumbi ia Nzambi ka tu bhana muẋima ua kuteketa. Maji o Nzumbi ua tu izalesa ni undanda, ni henda, ni muẋima ua kusunga kilunji.

II Timote 1:7 ပူးပေါင်းရင်းမြစ်များ

Jisálamu 119:80

Eme-phe muẋima uami u iukile mu mixinda ia jingonge jé, phala ku pholo ki ku ngʼize kukakuka, sonhi ni ji ngi kuata. Kaf

Jisabhu 2:7

O unjimu ua kidi muene ua u lundila oso emana mixima nzanza; Nzambi iene o ngubu i xitila oso enda mu kuiuka.

Jisabhu 8:14

O phangu ni ndongo, ni unjimu ua kidi, u i sanga kokuami; eme ngi kilunji, ni undanda eme ngene na-u.

Izaía 11:2

Anga o nzumbi ia Jihova ia kà mu tula ku thandu diê, iene o nzumbi ia unjimu ni kutetuluka, nzumbi ia phangu ni ndongo, ifikidila muthu, iene nzumbi i bhekela muthu o kuijiia ni kukala ni uoma ua Jihova.

Mikeia 3:8

Maji eme-phe, ni kidi kiene, ngi kala mu kuizala ni nguzu ia Nzumbi ia Ngana; ngezala ni kutetuluka mu kubatula milonga, ngezala ni kusuína kua kutangela Jakobo o kutondala kuê, ni Izalaiele o kituxi kiê.

Zakadiia 4:6

Muene anga u kuata kuzuela, uixi: O kiki, kiene o kizuelu kia Jihova kua Zolobabele, kuila: Ki mu nguzu mba mu undanda, maji mu Nzumbi Iami, kiene kia tange Jihova dia Ilombo Ieta.

Luka 10:19

Talenu, eme nga mi bhana kutena kua kudiota jinhoka ni jinginga, ni ku tolola nguzu ioso ia nguma. Kana kima ki tena ku mi kuama.

Luka 15:17

Kia zubha kusunga kilunji-phe, uixi: Akalakadi oso ianá ku bhata dia tatʼetu, ala ni kúdia kuâ kua soko, kua subhuka, eme-phe kunu, eme ngi-fua ni nzala!

Luka 24:49

Talenu, nga-nda ku mi tumikisa o kikanenu kia Tata. Xikamenu-phe mu mbanza mumu, katé kia mi zuika ni nguzu i tunda bhulu.

Luka 8:35

Athu avulu anga a tunda mù tala kioso kia bhiti. Eza kua Jezú, anga a sanga o diiala, madimonho ma mu tundu kiá moxi diê, ua xikama bhu inama ia Jezú, ua zuata, ua tambula kilunji. Anga a kala ni uôma.

Nzuá 14:27

Enu nga mi xila o kutululuka kuami; o kutululuka kuami ku nga mi bhana. O kuami eme ki ngi ku bhana kala ki ku bhana o mundu. Mixima ki i mi kenane, ki mu kale ni uôma.

Jipoxolo 1:8

Maji enu-phe muandu tambula kutena, ki anda kuiza Nzumbi Ikôla ku thandu dienu. Mua kà ngi kalela jimbangi, ni mu Jeluzaleme, ni mu Judeia ioso, ni mu Samádia, katé ni ku maẋokololo ma jixi.

Jipoxolo 10:38

Muejiia ue o maka ma Jezú dia Nazalé, kioso Nzambi kia mu undu ni Nzumbi Ikôla, iú ua mu bhana ni kutena. Muène anga u nhunga ku mbandu joso ni kubhanga o mbote, ni kusaka oso a a tatesa kuala Diabhu, kuma Nzambi uala-nê.

Jipoxolo 20:24

Ki nga suu-phe kima. Né o muenhu uami ki ngʼ u jijila, kabasa ngi zubha o njila ia ngi xindi, ni ukunji ua ngi bhana Ngana Jezú. O ukunji uenʼ iú: O kubhana umbangi ua Njimbu Iambote ia kiadi kia Nzambi.

Jipoxolo 21:13

Kieniokio Phaulu ua kumbulula, uixi: Mu didila-hi kiki, anga mu ngi bhekela lamba diavulu ku muẋima? Kuma eme ngala polondo, ki ku ngi kuta ngó, maji katé ni ku ngi jibha mu Jeluzaleme mukonda dia dijina dia Ngana Jezú.

Jipoxolo 26:11

Ngi kala luavulu mu ku a bhana kaxtiku mu jinzu joso ja mabhezelu a Nzambi, ngi bhindamena ku a xingisa Jezú ni kudituna o kuxikana. Mukonda ue njinda ia ngi kuatele kinene, nga a salukila kiavulu, katé nga a zukutisa ni ku madiembu a makanga.

Jipoxolo 26:25

Phaulu-phe ua mu vutuila, uixi: Eme ki ngi saluka, eselênsia dié na Festu. Nga tange maka ma kidi ni kilunji.

Jipoxolo 6:8

Xitevá anga u kala muthu a mu zediuisa kua Nzambi, hé uizala ni kutena. Muene hé u kala mu bhanga madiuanu ni isumua ia makota mu ʼaxaxe ka mundu.

Jipoxolo 9:22

Saúlu-phe u suina dingi kiavulu mu kuzuela ni kutena. O Jijudé ja akua Damásku anga u ji belesa ku maka, mukonda muène ua edikiza ima iavulu kama Jezú muène Kristu kidi, katé Jijudé a lémbua kuzuela.

Loma 5:5

O kudielela kuku-phe ki ku tu kuatesa jisonhi, mukonda o henda ia Nzambi ia tu nokena mu miẋima mu nguzu ia Nzumbi Ikôla a tu bhana-nê.

Loma 8:15

Mbata enu ki mu tambula Nzumbi ia ubhika, kuila mu kala dingi ni uôma. Maji mua tambula Nzumbi ia uana i mi bhangesa kukala mu anʼ a Nzambi, o mu nguzu ia tu bhana o Nzumbi, ki tu bhana kudikola kua Nzambi: Abha, Tata!

I Kolindo 2:4

O kuzuela mu kulonga kuami-phe, ni njimbu iami i nga boka jinga, ki kua kexile kua maka ma kaiela mu unjimu ua uzuelelu ua athu, maji kua kexile kua maka ma kaiela mu unjimu ua uzuelelu mu uijidisu ni nguzu ia Nzumbi ia Nzambi.

Ngalásia 5:22

Maji o ibundu iima o Nzumbi-phe, henda, ngalasa, kutululuka, kuxididika, kulenduka, kubhanga mbote, kukala fiiele,

Kolose 1:8

Muene ue ua tu jimbuila o henda ienu i mua tambula kua Nzumbi ia Nzambi.

Jihebeleu 2:15

Phala a kudile ió oso tunde kia a vuala, hanji a xikama mu ubhika ua hele ia kalunga.

I Phetele 1:22

O ki mualʼ iki, kuma mua di zelesa kiá o mienhu ienu mu kutumaka o kidi, o henda ienu ue ia jiphange ki i moneka kádia, di zodienu-phe mudienu ni muẋima ua fulujuka.

I Nzuá 4:18

Henda ki i moneka uôma. O henda ia tenena kiasoko, i kaiesa uôma. Kala kiki, uoso uala ni uôma, kiluua a kala ni henda iasoko, ia tenena, mukonda o uôma u talesa hadi.