II Timote 1:16 - O Mikanda Ikola

¹⁶ Ngana-phe à kuatele henda, akua bhata dia Onezifolo, kuma muéne ua ngi bhetula jinga muẋima luavulu. Muéne ka kexi ni jisonhi ja lubhambu lua upelezu uami.

II Timote 1:16 ပူးပေါင်းရင်းမြစ်များ

II Samuuele 2:6

Kiki-phe Jihova a mi sakidile o henda ienu, a mi bhange kidi; eme uami ngi mi sakidila o henda ienu, ki mua tena kubhanga kienhiki.

Nehemiia 13:14

Mukonda dia kiki eie u Nzambi iami, ku ngi jimbe; o mbote jami joso ji nga bhange ku inzo ia Nzambi iami, ni ku kikalakalu kiê, kana ku ji jimuna.

Nehemiia 13:22

Akua Leví ue nga a tangela ngixi mu di zelesa, anga muiza, mu langidile bhu mielu, nda mu kôlese o sabhalu. (Mu kiki ue eie, u Nzambi, iami, ngi te muẋima; anga u ngi loloka kala kiavulu o henda ié.)

Nehemiia 13:31

kiene ue kimoxi ki nga bhange ni akua maujitu ma jihuinhi mu ithangana ia tokala, ni maujitu ma ima ioso ia kutomona. Eie-phe, Nzambi iami, ngi te jinge o muẋima, mbé ku ngi kale ue o mbote iami.

Nehemiia 5:19

Ngi te-phe muẋima, eie u Nzambi iami, tata, u ngi bhange o mbote, ku ima ioso i nga bhange athu iá.

Jisálamu 18:25

Mukua henda, eie ue u mu idikiza henda; ua tetuluka, eie u ku mona kutetuluka.

Jisálamu 37:26

Kumbi dioso u kuatela henda, u bindumuna akuâ atate, o mbutu iê i zediua kiengi.

Jelemiia 39:17

Eie-phe, mu kizuuʼokio, nga-nda ku ku bhululʼé muene, eme ngi Jihova, bhu maku ma iá a ku kuata uoma ku a tala ngó pholo, ka-nda ku ku bhakula-bhu.

Matesu 25:17

A mu bhana jiiadi, kiene kimoxi, u nganhala-ku jiiadi jamukuá.

Matesu 5:7

A zediua akua henda, ene ue Nzambi u a kuatela henda.

Jipoxolo 21:33

Komanande anga u bhixila, bhuala Phaulu, u mu kuata, u tuma ku mu kuta ni malubhambu maiadi. Anga uibhula kiua, uixi: Iala muenʼiú, mukua-hi? O muene ua bhange ihi?

Jipoxolo 28:20

Kiene ki nga mʼixanena ku di mona, ni ku di kunda ni enu. Mukonda o kidielelu kia Izalaiele kiene kia ngi kuikisa lubhambu lulu.

I Kolindo 16:18

Kuma ene a ngi suinisa kiavulu o muẋima. Eme ngejiia kuma ni enu ue a mi bhetula o miẋima. Athu oso a kala kiki, a fuama ku a ximana.

Efezo 6:20

Kiene kia ngi bhekela o kukala ngi mukunji ua Njimbu ienʼíii, sumbala kindalʼiki ngala bhu lubhambu. Kala kiki, ngi sambedienu, phala kuene ku lubhambu ngibhue uôma ni kutula o Njimbu íii kala kioso ki nga tokala kuzuela.

II Timote 1:12

Mukonda dia kiki, kiene ki nga mu talela o jihadi josuʼiji. Maji ki ngala-phe ni jisonhi, kuma nga dielela, mukonda ngejiia ió uoso nga mu xikana, phata ia ngi-bhu, kuma muène ua soko-bhu o kubhaka kioso ki nga mu bhana kulûnda, katé bhu kizuuʼokio.

II Timote 1:17

Maji ki ejiie mu Loma-phe, ua ngi sotele ni muanu, katé kia ngi bongo.

II Timote 1:18

Ngana a mu bhese o ku mu kuatela henda mu kizuua kiná. O ima ioso ue ia bhangele mu ku ngi kuatekesa mu Efezo, eiemuène uaʼijiia kiambote.

II Timote 1:8

Uila kiki, ku kale ni sonhi ia kubhana umbangi ua Ngana ietu, mba sonhi iami eme ngi pelezu iê, a ngi kutu mukonda diê-Muène. Kolokota-phe mu kutala hadi ni Njimbu Iambote, kala kia ku bhana Nzambi o kutena.

II Timote 4:19

Menekena Pidisila ni Akuila, ni akua bhata dia Onezifolo.

Filemone 1:20

Kala kiki, phangʼiami, ndoko kia mukuetu, u ngi bhange o mbote mua Ngana, mbé u ngi nhohese o muẋima kuma ngala ngi phangʼié mua Kristu.

Filemone 1:7

Kuma eme ngala ni ngalasa iavulu ni kutululuka mukonda dia henda ié, mukuetu, kuma iene ku ngi suinisa. Mukonda eie uene mu kubhetula o miẋima ia mundu ua akua-Ngana oso.

Jihebeleu 10:34

Enu mua tale o hadi kumoxi ni ene oso a kexile ku malubhambu mu jikaleia. O kia mi bhundu o imbamba ioso i mua kexile na-iu, mua xididika ni ngalasa mu ima ioso íii, mukonda mu ejiia kuma mu avu jimbongo ja beta ujitu, ja kà xalela-ku, ku diulu.

Jihebeleu 6:10

Kuma Nzambi ki mukua kaxixi. Muene ka landuka uila sedivisu i mua bhange i mu jimba, mba o henda i mu edikisa o dijina dîê mu kubhindumuna jinga anʼê a ngene, ni kiki hanji enu mu bhindumuna o jikidistá.

Lute 1:8

Mu njila kioso kia muia ni kuenda, Nouemi anga u ambela akaji a anʼê, uixi; Ndokuenu kiá, mu vutuke kala muthu ku bhata dia manhʼâ; o Jihova a mi bhange o mbote, kala enu ki mua i bhange o madifundu, kala ue ki mua ngi bhange-iu eme.