II Timote 1:10 - O Mikanda Ikola

¹⁰ Maji o kiki, o kiadi kia moneka mu kindala, mu kuiza kua Mubhuludiʼetu Kristu Jezú. Muène iú ua bhuisa-ku o nguzu ia kalunga, ua bheka ku mesu o muenhu ni kudisanza kuakambe kubola, mu Njimbu iê Iambote.

II Timote 1:10 ပူးပေါင်းရင်းမြစ်များ

Izaía 43:3

Mbata eme-muene Jihova Nzambi ié, Dilemba Dikola dia Izalaiele, Mubhuludi uê; nga bhana Ijitu mu ku kukula, ni Itiiópia ni Seba, bhu kididi kiê.

Izaía 45:15

Kia kidi kiene, eie-muène u Nzambi, ua di sueka, u Nzambi ia Izalaiele, u Kibhamuenhu.

Izaía 45:21

Kundenu-kiu, Zukamenu, tenu kaiula mudienu, mukuahi ua tenene kuivisa kiki tundé mu xiahulu? Nanhi ua ki ambe tundé ku xiahulu? Abha ki eme-muène Jihova? Ki bhuala ue Nzambi iengi, eme-muène ngó; Nzambi u kala ni muanu ua ku kumbidila, u di-bhanga kibhamuenhu, ka moneka, kale eme ngó.

Hozeia 13:14

Hinu eme ngʼa kula ku uzonda ua mbila, hádia eme ngʼa tambula dingi kua kalunga-a-ngombe. Eie kalunga, o hadi i ua talesa jinga athu iii kuebhi? Eie mbila, o kusengulula kué kuebhi? O kudiela kua-nda kusuama, ki kua kà moneka dingi ku mesuʼami.

Luka 11:36

Mukonda o mukutu uenu uoso se ua di muika, sé ngó bhuma bhua vundu, u kala-phe ua zele uoso, kala kandeia ki ka ku zelesa ni kumuika kuê.

Luka 13:7

Anga uambela o kidimakaji kiê, uixi: Tala, mivu itatu kiá i ngene mu kuiza mu sota ibundu ku mufiku iú, maji ki nga i mono. Koka-u bhoxi! Ua xitila-hi ngó o kididi, se o uene ki ua mu kuima ibundu?

Luka 2:11

Mbata lelu, mu sanzala ia Davidi, a mi vualela-mu Kibhamuenhu, muène Kristu, muène Ngana.

Nzuá 1:9

Iú uene mukengeji ua kidi, ueza mu ngongo mu ku muikina athu oso.

Nzuá 14:6

Jezú uixi: Eme ngi njila, ngi kidi, ngi muenhu. Kana muthu u bhixila kua Tata, ua kambe kuijiia ko kuami.

Nzuá 20:31

Maji imʼiíi-phe iòsoneke, phala enu ni mu xikane, kuma Jezú muène Kristu, Monʼ a Nzambi. Mbé o ki mu mu xikana, mu kale ni muenhu ki uábhua.

Nzuá 4:42

Anga ambela o muhatu, exi: Etu ki tu xikana dingi mukonda ngó dia kizuelu kié. Mbata etuʼene muene tua mu ivu kuzuela kiá. Tua mu ijiia ni kidi kiene, kuma iú muene Mubhuludi a mundu.

Nzuá 5:40

Enu-phe nguenu kuiza ko-kuami, ni mu tambule o muenhu.

Jipoxolo 13:23

Ku mbutu ia Davidi, Nzambi uila kia bhele kizuelu, ua bheka-ku o Kibhamuenhu kia Izalaiele, muène Jezú.

Jipoxolo 5:31

Maji o muenʼiú Nzambi ua mu zangeleka, iú ua mu tula ku lúkuaku luê lua dilu, mu kukala Musonguedi ni Mubhuludi. Muène ua ki bhange phala kubhana Izalaiele o kithangana kia kudiela, ni kutambula o muloloko ua ituxi iê.

Loma 16:26

Maji mu kindalʼ iki, o kijinganuʼ okio kiòtukulule mu Mikanda ia soneka o Jipolofeta. O Nzambi ua kaiela-ku, iú ua tumu kuila a kʼijidise mu miji ioso, phala athu oso a xikane, nʼ a ki tumake.

Loma 2:7

Ua kà bhana muenhu ki uabhua kua oso a kuata kinhenge mu kubhanga o mbote, a bhindamena o fuma ni ujitu ni muenhu ua kamba dizubhilu.

Loma 3:31

O ki tua zuelʼ iki, manhi o Kitumu tua ki tumbulula mukonda dia kuxikana? Kana, ki ki xikina! Inda o Kitumu tua ki bhana dingi nguzu.

Loma 6:6

Kuma tua kʼ ijiia kuamba o muthu Uòkulu a mu batelele kiá ku dikulusu kumoxi ni Kristu, phala o mukutu uetu ua ituxi u jime, mbé ki tu kale dingi mú bhikila o ituxi.

I Kolindo 15:26

O nguma i sukidila ku i bhuisa-ku, o kalunga.

I Kolindo 4:5

Uila kiki, kana kuêlesa muthu kiluua a bhixila bhu thembu iê. Kingenu o kufundisa kua kà suka-ku kia kéza Ngana. Muène uà kʼela iosueke mua vundu u i bheka bhua zele, ni ixinganeku iala mu miẋima ia athu u i tukulula. Kiene muthu ni muthu kia ka tambula kua Nzambi o diximanu diê dioso dia mu tokala.

II Kolindo 5:4

Kuma kidi kiene, etu kioso ki tuala mu fundʼumu ia mukutu uetu, tu kema mukonda dia kinemenu kia tu xina. Ki mukonda tu andala a tu zula o mukutu uetu iú ua bhoxi, mbata tua mu kuinda ku tu zuika ni mukutu ua diulu, phala o muenhu u jikinise kiki kia xikamena o kufua.

Ngalásia 5:4

Mua batuka kua Kristu, enu oso mua mu mesena kuila mu lungila mú kualuka o Kitumu. Ku kiadi kia Nzambi mua tokoka-ku.

Efezo 1:18

Nga mu bhinga phala a jikule o ilunji ienu, a mi tonese o mesu ni mu mone o mukengeji, nda mu ijiie ioso ia tu dielelesa Nzambi mu kixanu kiê. Mbé ni mu ijiie ue kioso kiavulu o jimbongo ja mabesá mê ma tange kubhana o mundu uê,

Efezo 1:9

ua kumbidila kia solele kubhanga, iú ua tu ijidisa o kikanenu kiê kia kasuèkele ki andalele kubhangela mua Kristu.

II Tesalonika 2:8

O kia kà zubha ku mu katula-ku, kiene kia kà tukuluka o Kisueiʼokio, u bhinga Ngana Jezú kià kèza ua kà mu jibha ni muha ua dikanu diê, ua kà mu bhuisa-ku ni kisuma kia kutukuluka kuê-muène.

II Timote 1:1

Eme Phaulu, poxolo ia Kristu Jezú mu vondadi ia Nzambi, a ngi tumu kuboka o njimbu ia kikanenu kia muenhu u tuene na-u mu kudibunda kuetu ni Kristu Jezú.

II Timote 1:8

Uila kiki, ku kale ni sonhi ia kubhana umbangi ua Ngana ietu, mba sonhi iami eme ngi pelezu iê, a ngi kutu mukonda diê-Muène. Kolokota-phe mu kutala hadi ni Njimbu Iambote, kala kia ku bhana Nzambi o kutena.

II Timote 4:1

Nga ku tendelela ku mesu ma Nzambi ni ma Kristu Jezú ua kà fundisa athu a muenhu ni madifundu, mu kuiza kué ni mu Utuminu uê, kuila:

II Timote 4:8

Tundé kiki, kua ngi xikamena kiá kitundu kia kuiuka, Ngana, o Mufundixi uaiuka, ua kà ngi bhana-kiu bhu kizuua kiná; ki eme ngó a ngi bhana, maji ni ene oso kiá a zola o ku di mona mi Muène kià kèza.

Tito 2:11

Kuma Nzambi ua tukulula kiadi kiê mu kubhana kubhuluka ku athu oso.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.

Tito 3:4

Maji kioso-phe kia tukuluka kiadi kia Nzambi, Mubhuludi uetu, ni henda iê ia kuatela muthu, ua tu bhulula.

Jihebeleu 10:32

Lembalalenu-phe kia bhitile mʼ ukulu: Mu izuua ienioio, kioso o mukengeji ua Nzambi ki ua muikina ku thandu dienu, enu mua talele hadi iavulu, maji mua kolokota, a lembua ku mi tolola mu mvunda.

II Phetele 1:1

Eme Ximá Phetele, ngi mubhika, ngi Poxolo ia ngene ia Jezú Kristu. Nga sonekena akuetu, a mono ue kuxikana kua sokela ni kuetu mu ujitu, a ku muena mu kuiuka kua Nzambi ietu, ni Mubhuludi Jezú Kristu.

II Phetele 1:11

Maji mu kubhanga kiki, a kà mi bhana ungana ua kubokona mu Mbanza ixalela, ia ngene ia Ngana ietu. Mubhuludi Jezú Kristu.

II Phetele 1:3

Kuma o kutena kua Nzambi kua tu bhana o ima ioso i tua bhindamena, phala tu kale ni muenhu, ni uendelu uambote; a tu bhana-iu mu ku dʼijiia ni muène, ió ua tu ixana phala tu kale ni mbandu ku fuma iê ni mbote iê.

II Phetele 2:20

Kuma athu, se a bhulukile kiá ku maufusa ma mundu iú, mu kuijiia Ngana ietu, Mubhuludi Jezú Kristu, maji o ku pholo ku eza kunu afu dingi mu mibhetu ia ima iene ku mundu, a toloka, eza ditala dia kuxixima kuengi, inda hanji kia diangele kukala.

II Phetele 3:18

Endenu-phe ni kukula mu kiadi dia Ngana ietu, Mubhuludi, Jezú Kristu, ni mu kuijiia kuê. O fuma i kale iê-muene, ni kiki, ni ku hádia ni hádia! Amén.

II Phetele 3:2

Mbé ki mi bhekele kulembalala jinga maka ma tangele jipolofeta jangene mʼokulu, ni kitumu kia Ngana, o Mubhuludi, kiejila ku jipoxolo jê.

I Nzuá 1:2

O muenhu uenhú kioso ki ua tukuluka, etu tua u mona. Kiene kia tu bhekela o ku u bhela umbangi, etu tua mi tudila o Njimbu iê kuila o Muenhu ki Uàbhua, ua kexile kua Tata, kiki ua tu tukulukila.

I Nzuá 4:14

Etu tua ki mono, tua ki kundila ue akuetu kuila, Nzambi ua tumikisa Monʼê mu kukala Kibhamuenhu kia mundu.

Dijingunuinu 18:1

Kia bhiti imʼíii, nga mono anju iamukuá iala mu tuluka ku diulu. Muenhú u kala ni kijîngu kiavulu, mu ngongo ioso anga mu di muika ni kubenha kuê.

Dijingunuinu 2:7

Kala kiki, uoso uala ni dítui, évue kioso Nzumbi ia Nzambi kia jimbuila o Jingeleja! Uoso u tolola, muenhó ngi mu bhana kùdia ku muxi ua muenhu uene mu Palaizu ia Nzambi.

Dijingunuinu 20:14

O kùfua, ni kalungʼa-ngombe, anga a a takula mu kizanga kia túbhia. (O kizanga kia tubhʼiki, kuene o kùfua kua kaiadi).

Dijingunuinu 22:14

Azediua oso a sukula izuatu iâ, phala a mone disesa dia kubhiẋila ni kúdia ku kibundu kia muxi ua muenhu, ni kutena kubokuena bhu mielu iê katé mu mbanza.

Dijingunuinu 22:17

Ni Nzumbi ni Dibhanga, edi: Izá! Uoso ue uívua imʼíii, ele: Izá! Uoso dinhota dia mu kuata, eze. Uoso uandala, a tambule o menha ma muenhu mu ngoho.