II Tesalonika 3:8 - O Mikanda Ikola

⁸ Kana ue muthu tua mu dila ngó o kudia kuê, etu tua kambe ku mu futa. Maji, bhu kididi kia kukamba kukalakala, etu tua fubuka ni kututumba katé tua bhuila. Mu kukalakala, ki tu zumbuka usuku mba muanha, phala kana muthu tu mu nemena.

II Tesalonika 3:8 ပူးပေါင်းရင်းမြစ်များ

II Jisobha 6:2

Tua-nda kuia-phe katé bhu honga ia Njolodá ni tuiza-ku ni másoko a thungu, kala muthu mu dietu uiza-ku ni dísoko dimoxi, phala ni tu tungu o kididi ki tu tena o kukala. Kuala muene, uixi: Ndenu.

Nehemiia 5:18

Anga kietu kia kúdia ku kizuua ni kizuua a kala mu kujibha ngombe imoxi ni mbudi jisamanu jòsole; a teleka ue ni jinjila jami eme kúdia; ni vinhu ianzungule ia idifua idifua ioso mu kuinhi ni kuinhi dia izuua; né kiki, ki nga bhinjika ni kubhinga kúdia kua unguvulu, mukonda ngixi athu iá o ubhika ua a vudila kiá kiavulu, a a bokuesa ue mu uadiama ua tundu kinéne.

Jisabhu 31:27

U tongesa kiambote kioso kia mu kuenda o dibhata diê; ka xikina kúdia kudia ku tunda ku usonde.

Matesu 6:11

Kúdia kuetu kua nzala ia kizuua ni kizuua, tu bhane-ku lelu.

Jipoxolo 18:3

Phaulu anga u a kana ene, mukonda ufunu uâ uene umoxi, anga u xala-nâ, hé a kala mu kalakala, kuma o ufunu uâ kutunga jibalaka.

Jipoxolo 20:34

Enʼuenu mua kʼijiia kuma o maku ami iá, ene a ngi bhandulula mu ioso i tua bhindamene na-iu, ni eme ni akuetu u nga di nhengene-nâ.

I Kolindo 4:12

Tu tala hadi mu kukalakala ni maku phale kumona kia kudia. Ela a tu xinga, etu tu benzela. Ela a tu zukutisa, etu tu kolokota ni kinhenge.

I Kolindo 9:4

Kifua eme ki ngala ni ukota ua kuẋikina kuila a ngi bhane kia kudia ni kunua ku kikalakalu kiami?

II Kolindo 11:27

Mu kukalakala kuavulu, ni mu kuiokojoka. Nga bhiti ma usuku mavulu sé kuzeka. Ngene kutala hadi luavulu ni nzala, mu kuenda ni mbambi, ni tuẋi.

II Kolindo 11:9

O tembu ioso i nga kexile ni enu ki nga bhindamene kitadi, kana muthu mudienu nga mu nemenene. Mukonda o jiphange ja tundile ku Masedonia, a ngi bhekelele ioso ia ngi kambele. Mu ima ioso tunde ku dimatekenu nga lengesa o ku mi nemena, ni kiki ue ki ngi xikina ku mi nemena.

Efezo 4:28

Uoso ua nhanéne, ka nhane dingi; inda a mateke kukalakala, mbé a kale ni muenhu uambote ua ujitu, nʼ a tene kukuatekesa mukuâ uoso ua bhindama.

I Tesalonika 2:9

Mu xinganeka, jiphange, o kukalakala kuetu ni hadi i tua tale! Kioso ki tua mi tudila o Njimbu Iambote ia Nzambi, tua kalakala muanha ni usuku phala kana muthu mudienu tu mu nemena.

I Tesalonika 4:11

Kolokotenu ni kusota o kutululuka, mu suue imbamba ienu-enu ia mi tokala, mu kalakale ni maku, uila ki tua mi tendelela kiá.

II Tesalonika 3:12

Kienhiki, oso akua kubhanga kiki, tua a tumu, etu tua jijila ku a ambela kuma, a kalakale ni kubatâma, a die kudia mu konda ia ene.