II Tesalonika 3:2 - O Mikanda Ikola

² Sambenu ue phala etu Nzambi a tu kudile ku athu a thathamana, akua phulu, kuma ene oso ka sokela-ku mu kuxikana.

II Tesalonika 3:2 ပူးပေါင်းရင်းမြစ်များ

Matesu 17:17

Jezú anga u kumbulula, uixi: Muiji ua kambe o kuxikana, ua thathamana! Ngi kala ni enu katé bhebhi? Katé bhebhi ngi kala ni ku mi xididikila? Monʼé ngi bhekele-nê bhabha!

Matesu 23:23

Lamba dienu mu jimesene ja kulonga o Kitumu ni enu mu jifalizeu, mu akua mangonha! Kuma mu bhana kua Nzambi o dijimu katé ni dia olatelá, ni tu máfue dingi tua kutoua ni tua kominhu; maji ima-phe ia kidi, ia kate, ku Kitumu, o kufundisa mu kidi, o kukuatela henda, o kukumbidila, mu kamba ku i bhanga; hinu o iíi mua i bhange, o ioio ue ki i kambe.

Luka 18:8

Ngi mi ambela-phe kuma u a fundisa lusolo, ni kubatula kiambote o milonga ku mbandu iâ. Hinu-phe kʼ iza Monʼ a Muthu, o kuila u sanga kuxikana mu ngongo?

Jipoxolo 13:45

Jijudé-phe kia mono o mundu uavu-lu kiki, a kala ni dixinga dionène. Ima iala kutanga Phaulu, a mu kuatesa makutu, a mu xinga.

Jipoxolo 13:50

Jijudé-phe ji funhisa ahatu a jingana, ene kubhezanâ, ni adiakime a makota mu mbonge, hé a kuata kuzukutisa Phaulu ni Barnabé, anga a a kaiesa mu mbambe jâ.

Jipoxolo 14:2

Maji o Jijudé-phe, joso ja xibhaka, a vunza o miẋima ia akua ʼxi, anga jiphange a ji zembesa.

Jipoxolo 17:5

Jijudé-phe kia a kuata dixinga. Anga a kasa athu ku jihabhu mu nzunga, a bhongolola mundu, mbonge ioso hé a i ta mu kavanza. Anga a balukila inzu ia Jasono, a sota ku katula Phaulu ni Sila bhu kanga bhuala o mundu.

Jipoxolo 25:27

Kuma nga ki mono uoua, o kutumikisa pelezo, nʼ u kambe kujimbula kiambote o muiônga uê.

Jipoxolo 28:24

Amoxi anga a xikana ima ia tange Phaulu, amoxi-phe a xibhaka.

Loma 10:16

Maji ene oso-phe kà sokela-ku mu kutambulula o Jingolokela Jambote. Kuma ni Izaia, uixi: Ngana, nanhi ua xikana o hundu ietu?

Loma 15:31

Sambenu phala eme ngi bhulake kua ió a kambe kuxikana ala mu Judeia, ni mukungu u ngala kuia na-u a u tambule ni ujitu kuala akua Ngana momo.

I Kolindo 15:32

Mukonda eme kunu ku Efezu nga bhange mvunda, mukuá ni muthu ulua ni iama ia mukau. O kiki-phe se nga ki bhange ngó mukonda dia ima ia xitu, ngiia-phe kima kiahi ki nga nganhala-ku? Se ni kidi kiene o madifundu ka fukunuka, tu bhangienu kala ki ambe o Sabhu, kuila: Tu dienu-tu, tu nuenu-tu, o mungu tu kane kufua.

Matendelelu 32:20

Uixi-phe; Ngʼa suekela pholo, ngi mone hanji o zubhilu diâ; mbata a di bhange muiji ua lusébu, ana kamoneka ufiiele moxi diâ.

I Tesalonika 2:18

Mukonda dia kubhindamena ku mi sanga koko, mbé tu di mone dingi, eme Phaulu nga sotele kuia, maji ngi sota ngi tona, Satana-phe ua tu fudisa.

II Timote 4:17

Bhenhobho-phe Ngana ua ngʼimanena, ua ngi bhana nguzu, phala ngi tene kuzubha kubhana o Ngolokela, akua jixi joso, ka tokala ue mu muiji ua Jijudé, nʼévue. Iu ua ngi kudila mu kanu dia hoji.