II Tesalonika 2:8 - O Mikanda Ikola

⁸ O kia kà zubha ku mu katula-ku, kiene kia kà tukuluka o Kisueiʼokio, u bhinga Ngana Jezú kià kèza ua kà mu jibha ni muha ua dikanu diê, ua kà mu bhuisa-ku ni kisuma kia kutukuluka kuê-muène.

II Tesalonika 2:8 ပူးပေါင်းရင်းမြစ်များ

II Samuuele 23:7

Muthu u i bhixila, ki bhinga u i kuata ni felu, mba u kala ni muẋi ualebha kala mubhinhi ua sosa; hinu-phe i bhita, i buila mu túbhia, a i ohela bhu kididi kia tokala.

Jobe 4:9

Ku muha ua dikanu dia Nzambi a jikinina; a buika ni mulenge ua njinda iê.

Jisálamu 18:15

Koxi a menha anga ku moneka ni kioso ki enda jihonga jê, kibumu kia xala mu kanga katé ku disesa diê, mukonda dia kubazela kué, u Jihova, mukonda dia muha u fuafua mu mazuluʼé.

Izaía 11:4

Maji ua kà fundisa jingadiama ni kidi kioso; oso a belesela bhoxiʼabha ua kà a bazela sé ngó katungu. Maji oxi ua kà i nemeka ni mbangala ia dikanu diê, mukua-phulu ua kà mu jibha ni muha ua dikanu diê.

Izaía 30:28

O muha ua kubhuima kuê kala ngiji ia xamujuka ni menha, a bhixila katé mu xingu, phala kusàla o miji ni musalu ua kibuika; o ngoji ia ku a tondalesa, u i kuikila mu jingandelu ja ifuẋi ia mundu.

Daniiele 11:36

O sobha-phe ienhiʼii ua kà bhanga kioso ki mu tuma o vondadi iê; ua kà balumuka, anga u di kudisa ku thanduʼa nzambi joso; o Nzambi ia jinzambi joso ua kà âmba muene ue ima ia isunji ni madiuanu, ki kuiza kima! Inda muene-ku uia ni kubhanduluka dingi, katé kia kʼèla njinda ia Nzambi ia tenena ia suku; kuma, kioso kia tanga Nzambi, ki bhita muene.

Daniiele 7:25

Muene-phe ua kà tanga isunji, mu kulebhula Suke-ku, ua kà buikisa athuʼê angene akôla a Suke-ku, mu kubhindamena kulungulula o jithembu ni kitumu; o athuʼê angene a Jihova a kà a bhakula bhu lukualu luê katé ki tenena o thembu, ni jithembu, ni kaxaxi ka thembu.

Daniiele 7:26

Maji o kufundisa-phe bhene bhu ku kala, anga ene a mu tambula o ungana uenhó phala ku u jikinisa ni ku u jima o mbutu katé bhu disukilu.

Daniiele 8:25

Mukonda-phe dia kudimuka kuê, ua kà bhangesa kuila o mangonha bhu lukuaku luê ma bheka kubhanduluka; hé ku muẋima uê ua kà di kudisa; o mukonda dia kutululuka kuê kuala na-ku, ka mono kima ki mu zukutisa, ua kà jibha athu avulu a di tunu ku di bhakula kokuê; ua kà balukila ue Ngana ia Jingana, maji a kà mu sasujula sé lukuaku lua muthu.

Hozeia 6:5

Kiene-phe ki nga a tozela ni nguzu iavulu mu kanu dia jipolofeta, eme nga a jibha muene ni hundu ia tundu mu kanu diami; o mabatuilu mami kokué, a-nda kutunda muene mukuâ ni mukengeji.

Matesu 13:19

kʼivua muthu uoso o maka ma Utuminu ua Nzambi, anga u tokoka ku a ejiia, bhenhobho Dimonho diza di sumbununa ioso ia kuuile mu muẋima uê. Muenhú a mu kuua bhu mbanduʼ a njila.

Matesu 13:38

O díbhia mu ngongo ioso; jimbutu jambote, o anʼa Utuminu ua Nzambi; jimbundu ja iangu, o anʼa Dimonho.

Matesu 16:27

Mbata Monʼa Muthu ua kèza mu kijingu kia Tata iê, kumoxi ni ji-anju jê; Thembuʼoio, kala muthu, ua kà mu vutuila kioso kia tokala mu ikalakalu iê.

Matesu 16:28

Ngi mi ambela kidi, emana bhabha, sai-bhu ni iá ka kà lola kalunga, katé kia kà mona o Monʼa Muthu uala kuiza mu ungana uê.

I Kolindo 1:28

Nzambi ua soluʼê ima ia mu tobhesa o mundu mu ngongo mumu ni kuila exi, ia sebuluka, ki i te kima, phala a jikinise na-iu ioio ia mu kuila o mundu kuma iene ia beta o ujitu.

II Tesalonika 2:3

Ki bhu kale muthu u mi nganala kioso-kioso. Mukonda kizuuʼ okio ki kiza luua, kikale ku dianga hanji kubhita o thembu ia athu kubaluka, a balukila Nzambi, o muthu ua Kisueia nʼa kà tukuluke, o monʼ a kibuika ió a mu elesela kuia mu inferno.

I Timote 6:14

Aiuka o kijila kioso kia ku tumu, sè ngó kisemu, sè bhuma bhua tena ku ku éla, katé bhua kà tukulukila Ngana ietu Jezú Kristu.

II Timote 1:10

Maji o kiki, o kiadi kia moneka mu kindala, mu kuiza kua Mubhuludiʼetu Kristu Jezú. Muène iú ua bhuisa-ku o nguzu ia kalunga, ua bheka ku mesu o muenhu ni kudisanza kuakambe kubola, mu Njimbu iê Iambote.

II Timote 4:1

Nga ku tendelela ku mesu ma Nzambi ni ma Kristu Jezú ua kà fundisa athu a muenhu ni madifundu, mu kuiza kué ni mu Utuminu uê, kuila:

II Timote 4:8

Tundé kiki, kua ngi xikamena kiá kitundu kia kuiuka, Ngana, o Mufundixi uaiuka, ua kà ngi bhana-kiu bhu kizuua kiná; ki eme ngó a ngi bhana, maji ni ene oso kiá a zola o ku di mona mi Muène kià kèza.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.

Jihebeleu 10:27

Ku tu iza ngó jihele ni uôma ua ku xikamena kioso ki anda kuiza-ku: o Kufundisa, ni tubhia tua muzukuta tua kà buidisa oso a ditunu Nzambi!

I Nzuá 2:13

Enu jitata, nga mi sonekena, mukonda mua mu ijiia Ió ua kalèla-ku tunde ku dimatekenu dia mundu. Enu minzangala, nga mi sonekena, kuma o Diabhu ió mukua kutondalesa, enu mua mu tolola.

I Nzuá 3:12

Ki tu sokele ni Kaini ua tokalele kua Diabhu mukua kutondalesa, anga u jibha phangʼiê. Mukonda diahi kia mu jibha? Mukonda o Kaini imbamba iê ia bhangele iaiibha, o ia phangʼiê Abele iaiuka.

I Nzuá 5:18

Tua kʼijiia kuma muthuu uoso uala monʼa Nzambi, ka xikina kuta ituxi, mukonda muthu uoso a mu vuala kua Nzambi, Monʼa Nzambi u mu langa, o Diabhu ió mukua kutondalesa ka tena ku mu kuata.

Dijingunuinu 1:16

Bhu lúkuaku luê lua dilu ua kuata sambuadi dia théthembua, o mu dikanu diê mu fomoka xibhata iatu, ia mazu aiadi. O pholo iê i benha mukuâ ni dikumbi ki di kala mu nguzu iê ia kumuika mu mediia.

Dijingunuinu 13:5

Kiama anga a mu bhana dikanu di zuela ima ia mu tundu, ni isunji iaiibha mu kuxinga Nzambi. Hé a mu bhana kijingo kia kubhanga imbamba iê mu makuinhi auana a mbeji ni jiiadi.

Dijingunuinu 19:15

Mu kanu diê anga mu fuomoka xibhata iatu, iene ia tolola na-iu akua jixi. Muène u a tumina ni mbasá ia felu. Muène u titidila mu ditangi dia kukamena o vinhu ia njinda iatemanana ia Nzambi, Kutènde.

Dijingunuinu 2:16

Dielenu-phe kiá! O ki mu kamba ku ki bhanga, hinu ngi mi sanga kindala, anga enhó ngi lua-nâ ni xibhata i tunda mu kanu diami.

Dijingunuinu 20:10

Bhenhobho, o Diabhu ua a bhombo, a mu takuila ue mu kizanga kia túbhia ni xofidi, mu ala kiá o kiama a mu takuila momo kumoxi ni polofeta ia makutu. Enhá à kala muenhomo, mu ku a tatesa usuku ni muanha, mu mivu ni mivu sè dizubhilu.