II Tesalonika 2:7 - O Mikanda Ikola

⁷ Kuma o Usueia ua Kasuekele ua kuata kiá kukalakala, maji sai-ku hanji uala kufudisa, katé kia kà mu katula mu njila.

II Tesalonika 2:7 ပူးပေါင်းရင်းမြစ်များ

Jipoxolo 20:29

Mukonda ngejiia kuma, ki nganda kutunda-bhuʼ iki, kuanda kuiza jimbinji ji kaka mu ʼaxaxe kenu, ki ji kala ni henda ia kilunga.

II Tesalonika 2:6

O kiki sai-ku kioso kia fudisa kuila imʼ iii i bhita kindala, enuʼ enu mua kʼ ijiia. Maji hinu-phe o Muthu ua Kisueia u tukuluka bhu thembu iê.

I Timote 3:16

Kia kidi kiene, kana muthu u tena kudituna-kiu kuila o kijingano kia ubhezelu uetu mua Nzambi kia dikota muene: Muène ua tukulukila mu kidifuanganu kia athu, o Nzumbi ia Nzambi ua mu tange kuila ualungu, o muène a mu mono kuala o ji-anju. A mu kola muʼaxaxe ka akua jixi, o mundu mu ngongo ua mu xikana, ia a mu tambula ku diulu ku ungana.

I Nzuá 2:18

Enu tuana tuami, kumbʼidi diene dia sukidila-ku. O ki muevuʼokio, kuila hinu kuiza Kristu ia makutu, kiene kiabhuʼiki. Kuma kiki kueza kiá jikristu javulu ja makutu, kiene ki tua kʼijidila kuila o kumbʼidi diene kiá dia sukidilaku, o dizubhilu dia zukama.

I Nzuá 4:3

Maji o uoso u kamba kutanga kiki kua Jezú, kala ni Nzumbi ia tundu kua Nzambi. Ioio iene o Nzumbi ia tundu kua Nguma ia Kristu. Enu muevu kuila O iene hadia iza, kindala ieza-phe kiá mu ngongo.

Dijingunuinu 17:5

O bhu dibhomo diê bhuòsoneke dijina, o dijimbuluilu diê dia kasuèkele, exi: Babilónia ia dikota, mama u vuala idianzunga ioso ni oso a bhanga isunji mu ngongo.

Dijingunuinu 17:7

Bhenhobho kuala anju, uixi: Ua di uanena-hi kiosuʼiki? Eme nga-nda ku ku tangela o dijimbuluilu dia kisuma kia muhatu iú, ni kiama kia mu ambata, kiala ni sambuadi dia mútue, ni kuinhi dia lumbinga.