II Tesalonika 2:5 - O Mikanda Ikola

⁵ Manhi enu ki mu lembalala? Ki nga kexile hanji kuenhoko, imʼ iii nga mi tangela-iu.

II Tesalonika 2:5 ပူးပေါင်းရင်းမြစ်များ

Matesu 16:9

Kífua kiluua mu mona, ki mu lembalala o mbolo jitanu ku midi jitanu ja mala ni jingalu ji mua nonene-ku?

Marku 8:18

Mesu sai, ki mu mono? Matui sai, ki muʼivu? Ki mu lembalala?

Nzuá 16:4

Maji eme nga mi ambela-phe imʼiíi phala kʼ iza o kumbi diê, mu ki lembalale kuma eme nga mi ambela-kiu kiá. Ki ngi mi ambelele na-iu tunde ku dimatekenu, mukonda eme nga kexile hanji ni enu.

Jipoxolo 20:31

Uila kiki di langienu, mu xinganeke kuma, mivu itatu iosuʼiii, ni mu muanha ni mu usuku, ki nga fulu dingi o ku mi dimuna, muthu ni muthu mudienu, ni masoxi.

Ngalásia 5:21

Akua dixinga, ijibhanganga, jihôlua, o muenhu uâ ua ku di ta ngó mu izomba iaiibha, ni ima iamukuá ia di fu kiki. Ienʼ iii, nga mi dimuna, kala ki nga tuamene ku mi dimuna, kuma oso akua kubhanga ima kala iii, kà tena kubhingana mu Utuminu ua Nzambi.

I Tesalonika 2:11

Enʼuenu mua kʼ ijiia kioso ki tua di tumine ni enu oso, kala tata kia di tuma ni anʼê. Tuenda jinga ni ku mi longesa, ni ku mi suinisa, ni ku mi dimuna.

I Tesalonika 3:4

Kia kidi kiene, kuma ni ki nga kexile ku mualʼ oko, nga mi tangelele-kiu kuila tuanda kutala hadi! O ku pholo kunu-phe mua ki mono muene kuila kiene kia bhiti!

II Tesalonika 2:6

O kiki sai-ku kioso kia fudisa kuila imʼ iii i bhita kindala, enuʼ enu mua kʼ ijiia. Maji hinu-phe o Muthu ua Kisueia u tukuluka bhu thembu iê.

II Tesalonika 3:10

Mukonda ni ki tua kexile hanji kuenhoko, tua mi tendelela, tuexi: Muthu se nguê kukalakala, kana ku mu bhana kudia.

II Phetele 1:15

Uila kiki, ngi kuata muanu, ua kubhanga ioso i nga tena, phala kia kà bhita o kukatuka kuami, enu thembu joso mu tene kulembalala imʼiii.