II Tesalonika 2:2 - O Mikanda Ikola

² Ki mu kuate kulungujuka mu ixinganeku ienu, mba mu sasumuka se bhu kala muthu u mi ambela kuila o Kizuua kia Ngana kieza-bhu kiá. Sumba ima ienʼ iii a mi tangela-iu ku muthu uoso-uoso uene mù kola o Njimbu Iambote, mba a i tange kuala musésedi, mba a mi ambela kuila etu tua i soneka mu mukanda uosouoso.

II Tesalonika 2:2 ပူးပေါင်းရင်းမြစ်များ

Izaía 26:3

Eie, Jihova, uoso ua te muẋima ua tenena kokué, eie ua kà mu bhaka ni kutululuka kua kidi, mukonda muene ua ku dielela eie.

Izaía 7:2

Anga a dimuna dibhata dia Davide, exi: O Sídia ua te kikutu ni Ifalaími. Bheneʼobho muẋima uê u di-vunza kumoxi ni muẋima ua mundu uê, kala ki di bhuka o mixi mu tutu, kʼiza o kitembu.

Mikeia 2:11

Se bhu kala muthu u kaiela o nzumbi iê i bhomba, i tanga o makutu, uixi: Eme ngi ku tangela maka ma upolofeta, kuma ni vinhu ni uhólua u kodiuisa, ia fuama muene ku i nua; muenhó-phe muene kiá u kala polofeta ia akua muiji uenhú.

Matesu 24:24

Mbata kua ká tukuluka Jikristu javulu ja makutu, ni jipolofeta ja makutu. Ene à kedikiza isuma ni madiuanu mavulu, katé se kuila ki xikina, ni athu a Nzambi ene ósole, eji ku a jimbidisa.

Marku 13:7

O ki mu ívua ita ni minumango ia ita, ki mu ki tukumuke, mukonda imʼiíi i bhinga i dianga kubhita, o dizubhilu-phe kiluua.

Luka 21:19

Mu kukolokota kuenu, muene mu mua-ndu muena o mienhu ienu.

Luka 21:9

O ki mu ívua ita ni jimvunda ja ifuẋi, ki mu kale ni kimbuua! Mukonda imíʼii i bhinga i bhita hanji, o dizubhilu-phe ki dizʼê luua.

Nzuá 14:1

Muẋima Ki u mi titile, anga mu tandanganha ni malamba. Dielelenu Nzambi; eme uami ngi dielelienu.

Nzuá 14:27

Enu nga mi xila o kutululuka kuami; o kutululuka kuami ku nga mi bhana. O kuami eme ki ngi ku bhana kala ki ku bhana o mundu. Mixima ki i mi kenane, ki mu kale ni uôma.

I Kolindo 1:8

Muene uanda ku mi imika katé bhu bhuilu, phala ki mu kale ni kisemu mu kizuua kia Ngana ietu Jezú Kristu.

I Kolindo 14:32

Uoso-phe u zuela, ua fuama u di langa kiambote ni uhete uê ua kutula o Njimbu ia Nzambi.

I Kolindo 7:26

Eme nga fika-phe kuma ki uabha, o diiala kuxala kioso ki ala, mukonda dia ibhidi mu izuʼ umu, i tua mu bhita.

Efezo 5:6

Ki bhu kale muthu u mi nganala ni maka ma usemenhi; kuma ima ienʼ íii iene i bheka o njinda ia Nzambi ku thandu dia oso abhukumuka.

I Tesalonika 3:3

mbé ki bhu kale muthu mudienu u bhuila nʼa vutuke ku dima mukonda dia jihadi ni izudidiku. Kuma enʼuenu mua kʼ ijiia kuila a tu xindila-ju kuala Nzambi, mukonda iene ue o vondadi iê phala etu.

I Tesalonika 4:15

Tua mi ambela kala kia longa jinga muene Ngana, kuma etu oso tuala ku muenhu, oso tua xala-ku katé bhu kizuua bhua kejiia Ngana, ki tu di fike kuila tua kà tuamenena akuetu aia ku kilu.

I Tesalonika 5:2

Mukonda enʼuenu mua kijiia kiambote, kuma o Kizuua kia Ngana, hinu kʼiza kala kiza o muiii mu usuku.

II Tesalonika 2:15

Uila kiki, jiphange, kolokotenu, mu kuate o kidi kia malunda u tua mi longo, kixi ma dikanu, kixi ma mikanda i tua mi sonekena.

II Tesalonika 3:17

Umenekenu uami eme ngi Phaulu, nga u soneka ni lukuaku luami muene, kiene o kijimbuete mu mikanda iami ioso. Kiene ki nga mu di sonekʼokio.

Dijingunuinu 19:20

O kiama anga a mu bhanga pelezu, ni polofeta ia makutu kumoxi, ió ua bhanga jinga iphata bhu mesu mê. (Kuma o iphata ienhoio iene ia bhombele na-iu oso a tambuile o kidimbu kia kiama, ni ió a bhezele o kitèka kiê). O kiama ni polofeta ia makutu, ene kiiadi kiâ, anga a a takula ni muenhu uâ mu kizanga kia túbhia kia uama ni xofidi.