II Tesalonika 1:8 - O Mikanda Ikola

⁸ Muène uà kèjiia mu tubhia tu bhana milengu, mu ku a bhesa kaxtiku, oso kejiia Nzambi, ni ió nguauâ kutumaka o Njimbu Iambote ia Ngana ietu Jezú Kristu.

II Tesalonika 1:8 ပူးပေါင်းရင်းမြစ်များ

Dimatekenu 3:24

O muthu kia zubha o ku mu kaia, Nzambi u ta jixelube ku mutundila-kumbi ua kadíbhia ka Edene, ni xibhata ia mulengu u lunga kuku, u lunga koko, mu kuxita o njila iia ku muẋi ua muenhu.

II Samuuele 23:7

Muthu u i bhixila, ki bhinga u i kuata ni felu, mba u kala ni muẋi ualebha kala mubhinhi ua sosa; hinu-phe i bhita, i buila mu túbhia, a i ohela bhu kididi kia tokala.

Jisálamu 18:44

A ngʼivu ngó fuma, iá eza kiá ku ngi belesela; akua makanga eza ku ngi diundila.

Jisálamu 79:6

O kutema kué, Ngana, lunduiula-ku ku thandu dia jixi ja kambe ku ku ijiia, ku thandu dia ifuẋi i fula o kudikola ko kué.

Jisálamu 9:10

Oso a ku ijiia o dijina, eie muene u Jihova a ku dielela; kuma, eie Jihova, ku muthu ua kukakula oso a ku kana.

Jisálamu 94:1

U Jihova ua tokala o kubhesa o kaxtiku, u Nzambi u tokala kuzôkéla, tukuluka ni kubenha kué.

Makatukilu 5:2

Kuala Falaó-phe: Jihova nanhi muene, phala eme ngi mu ivue dízui, ni ngehe Izalaiele? Eme, Jihova ki nga mu ijiia; kia mukuâ dingi, Nga ditunu kueha Izalaiele.

Izaía 1:19

Se muandala, anga mu ngiʼvua, o mbote-phe iaʼxi iii mua-nda ku i dia muene.

Izaía 1:28

Maji atondadi, ni akua-ituxi-phe, a kà a buikisa kumoxi; ni ió oso a xisa Jihova, a kà jima mbutu.

Izaía 27:11

O kioso jithangu jê joso ki ja-nda ku kukuta, a kà ji bukujula; o kiza ahatu, a ji ta mu túbhia; mukonda o mundu iú ki mundu ua kilunji; kienhiki-phe, ió uoso ua u bhanga ka kà u kuatela henda, ió uoso ua umbu ka tena ku uidika ujitu ua kima.

Izaía 61:2

Ni kukola o muvu ua Ngana ua kubhanduluka, ni kizuua kia phonza i tunda kua Nzambi ietu, ni kukonda o malamba kua enhoso a tate;

Jelemiia 10:25

Njinda iêʼoio lunduluila-iu ku ifuẋi ia kambe ku kuijiia ni miji ioso ia kambe ku tonda mu dijina dié; kuma a habula Jakobo, a mu habula, ia a mu jikinisa, o dibhata diê a mu senguluila-diu.

Jelemiia 9:6

Eie-phe ua tungu muʼaxaxi ka mangonha; o mu mangonha mâ a di tunuʼâ muene ku ngʼijiia, Jihova ua ki tange.

Daniiele 7:10

Bhu pholo iê bhu kunguluka ngiji ia túbhia. Jimidi ja jimidi ja kuata ku mu xibhidila, jifuku ni jifuku jemana bhu pholo iê. Kufundisa kueza-bhu, madivulu a ma jikula.

Sofoniia 1:6

ni iá a xisa kuendela mu njila ia Nzambi, ni iá aditunu kusota Nzambi mba kuibhula dingi kua muene.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Matesu 25:46

Iá-phe a kàia ku phaxi ki iabhua, o iá aiuka, ku kuenhu ki uàbhua.

Nzuá 3:19

O kuêla kuenhuku: O mukengeji ueza mu ngongo, maji athu-phe a beta kuzola o kitombe, mukengeji ua a kala ndenge, mukonda ima iâ ia bhanga iaiibha.

Nzuá 8:19

Ene exi: Tatʼ enu uala kuebhi? Jezú uixi: Eme-muène ki mu ngʼijiia, ni Tata iami ue ki mu mu ijiia. Mukonda se mua ngʼijidile eme, mueji kuijiia ue Tata iami.

Jipoxolo 6:7

Kienʼiki maka ma Nzambi anga ma kuata ku sambuka. O mundu ua jixibulu hé u sokoloka kiavulu mu Jeluzaleme. Ku kala ue ni kibuka kia dikota kia jinganga a xikana kutumaka kixikanuʼiki.

Loma 1:28

Kienʼiki kuma a di tunu kusuua Nzambi mu kuijiia kuâ, Nzambi ua ehelela ni kilunji kiasekala, phala ende ni kubhanga ima ki i fuama.

Loma 1:5

O kua Muène kuene Nzambi kua ngi bhela o ujitu ua kukala Poxolo mu kikalakalu kia Kristu mbé kutumakesa o kixikanu ku mundu ua akua jixi joso, mukonda dia dijina diê.

Loma 10:16

Maji ene oso-phe kà sokela-ku mu kutambulula o Jingolokela Jambote. Kuma ni Izaia, uixi: Ngana, nanhi ua xikana o hundu ietu?

Loma 15:18

Kuma ki ngi di metena ima iengi, maji ngi tanga ngó ioso ia kalakala Kristu ni eme mu kubhangesa akua jixi jengi kutumaka Nzambi. Kieniiki ngene ku ki bhanga jinga ni ku maka ni ku ikalakalu,

Loma 16:26

Maji mu kindalʼ iki, o kijinganuʼ okio kiòtukulule mu Mikanda ia soneka o Jipolofeta. O Nzambi ua kaiela-ku, iú ua tumu kuila a kʼijidise mu miji ioso, phala athu oso a xikane, nʼ a ki tumake.

Loma 6:16

Mukonda mua kʼijiia kuma kuoso ku mua di bhakula mu kubhika, muala mu abhika a muthu muenʼió uoso mua mu belesela. Kiene enu ue, kikale ituxi mua i bhikila ni mu fu, mba kikale o kutumaka Nzambi, ni a mi xikine ni mu kale mu athu mua iuka.

I Kolindo 15:34

Phaphumukenu, mu kuate kilunji ni muenhu uaiuka kala kia fuama, kana dingi kuta ituxi. Kiki nga ki ambela o ku mi kuatesa jisonhi, kuma amoxi-moxi mudienu Nzambi ka mu ijiia.

II Kolindo 10:5

ni ima ioso ia ukumbu ua xitu ki i ehela athu kuʼijiia Nzambi. Tu tolola ixinganeku ioso ia athu phala nʼa tumaka Kristu.

Ngalásia 3:1

Mu akua Ngalásia, tata, o kutobha! Nanhi ua mi bhuiika? Mu athu a mʼidikisile Kristu ni kulomboloka kuoso kala ku mesu enu muene kua mu tela ku dikulusu!

Ngalásia 4:8

Mu thembu iabhiti mʼ ukulu, mukonda dia kukamba o kuijiia Nzambi, mua kexi kubhikila jinzambiʼ ojo ki jinzambi ngó ja kidi.

Matendelelu 32:35

Phonzo ia ngi tokala eme, eme-muène ngi futa bhu kizuua kiê; sai bhuoso mungu bhua kà ẋangumukina o dikanda diâ; mbata o kizuua kiâ kia kusenguluka kiazukama. O ima-phe ia-nda kubhita-na-iu kindala ia-nda kuiza muene, ki i kokoloka.

Matendelelu 4:11

Kienhókio enu anga mu bhongoloka, muiza hé mu imana mu betekete ia mulundu; o mulundu-phe iu ufuáfua túbhia tua-lu di leka katé mu kaẋi ka maúlu; ni kuma kuexi bui, ni kitombe ni matuta kua di bhange usuku-ua-nzumba.

Matendelelu 4:30

O mu kaẋi ka dilamba dié, mu kuila uíndua ua kutula kiá, ima ioso iii ia kuiza, ku ua kà sukʼoko ua kà lungulukila kiá kua Jihova Nzambi ié, anga ua kà mu tumaka dingi o dízui diê.

Matendelelu 5:5

Thembu ienhoio eme ngemanene bhuʼaxaxi kenu o kuku Jihova, o koko enu, mbé o kuenda ni ku mi tudila izuelu ia Jihova; mukonda túbhia tua mi kuatele uoma, enu mua lembuele kubanda ku mulundu; o muene-phe, uexi:

I Tesalonika 4:5

Kana ni huinga ia hânji iaiibha ia ufusa, kala ki bhanga ió ka xikana, a kambe kuijiia Nzambi.

Jihebeleu 10:27

Ku tu iza ngó jihele ni uôma ua ku xikamena kioso ki anda kuiza-ku: o Kufundisa, ni tubhia tua muzukuta tua kà buidisa oso a ditunu Nzambi!

Jihebeleu 10:30

Kuma tua mu ijiia uoso ua ki zuela uixi: O kubhana o kaxtiku kua ngi tokala eme, eme-muène nga kà bhanga-nê o jikonda. Mukuâ ue uambe uixi: Ngana ua kà fundisa o mundu uê.

Jihebeleu 11:8

Kiejila mu kuxikana, Mbalahamu kia mu ixana kuala Nzambi, muène anga u itaia, u xikina kuia mu kusota o ixi ia polomesa, iʼ ambe Nzambi o ku mu bhana. Hé u xia oxi iê-muène, u katuka, sé kuijiia kuoso kuanda kuia.

Jihebeleu 12:29

Kuma kidi muene, Nzambi ietu tubhia tua uama, tu buikisa.

Jihebeleu 2:3

Etu-phe tua kà lengela bhebhi, se o kubhuluka kuosʼ-uku kua tu kuata usudi? Ngana Jezú muène o kubhuluka kuku ua diànga kiá ku ku tanga, etu anga a tu kunda na-ku kuala ió a ku ivu, kuila kubhuluka kua kidi.

Jihebeleu 5:9

O kia zubha ku di longʼ iki, ua di bhange Kibhamuenhu u tena o kubhulula oso a mu tumaka, katé kia zubha.

I Phetele 1:2

Enu oso a mi sola kuala Nzambi Tata mu kuijiia kuê kua ima ia kèza-ku, a mi bhana o kuzela kua muẋima kua kalakala o Nzumbi iê, phala ku mi longa o kutumaka Jezú Kristu, ni ku mi sangela o manhinga mê. O kiadi ki di xale dingi kiavulu mudienu, kumoxi ni kutululuka kua Nzambi.

I Phetele 3:6

Kala Sala ki a di tumine ni Mbalahamu, iú ua mu ixana jinga muadi. Enu-phe mu kala mu anʼê se mu enda ni kubhanga kiambote, anga mu bhua uôma mu ima ioso.

I Phetele 4:17

Kuma o tembu ieza kiá ia kufundisa, kua-nda kumatekena kua ió oso a tokala mu dibhata dia Nzambi. O kufundisa-phe se kua matekena ko kuetu, kua kà kala kiebhi mu kuzumbukila kua ió oso a xibhaka o Jingolokela Jambote ja Nzambi?

II Phetele 3:7

O maulu kiki ala-ku, ni oxi-phe, mu kizuelu kiene kimoxi kia Nzambi, ia xikamena tubhia. A i bhake katé bhu Kizuua kia Kufundisa, kia kubuikisa athu abhumu.

Juda 1:7

Lembalalenu ue akua Sodoma ni Ngomola, ni jimbanza ja zukamene na-ju, kioso kia bhange uila kia bhangele o ji-anjuʼ ojo, a kala mù di ehelela ku undumbu, a kala mù balukila ʼxitu jengi. Enʼ iá a a tubhula kuma a kale kijimbuete, ni kuxixima mu tubhia ki tu xikina kujima.

Dijingunuinu 20:10

Bhenhobho, o Diabhu ua a bhombo, a mu takuila ue mu kizanga kia túbhia ni xofidi, mu ala kiá o kiama a mu takuila momo kumoxi ni polofeta ia makutu. Enhá à kala muenhomo, mu ku a tatesa usuku ni muanha, mu mivu ni mivu sè dizubhilu.

Dijingunuinu 21:8

Maji oso-phe akua uôma, akua phulu, a bhanga isunji, ijibhanganga, jindumbu, ni aloji ni abhezi a itèka, ni akua makutu oso, o mbandu iâ ià kala mu kizanga kia uama túbhia ni xofidi; kuène o kùfua kua kaiadi.

Dijingunuinu 6:10

Anga ene a di kola ni dízui dia dikota, exi: Katé bhebhi, Muadi tata! Eie Muteni-a-Ioso, u kôla, u mukua kidi! Kumbi kuẋi ki u fundisa athu mu ngongo? Kizuua kiebhi ki ua kà bhana kastiku kua ió a tu jibhile?

I Samuuele 2:12

Anʼa Eli-phe, a mala, anga a sekala kiavulu kuma a kexile anʼa kadiaphemba; a lembua kuijiia ngó Jihova.