II Tesalonika 1:7 - O Mikanda Ikola

⁷ Hé enu-phe mua tale hadi, u mi bhana kunhoha, kumoxi ni etu, tua tale hadi, bhuoso bhua kà tukulukila Ngana Jezú ku diulu ni ji-anju jê ja nguzu.

II Tesalonika 1:7 ပူးပေါင်းရင်းမြစ်များ

Makatukilu 19:18

Mulundu uoso ua Sinai anga u kala mu tuka dixi, mukonda Jihova ua tulukila ku thandu diê muʼaxaxe ka túbhia, dixi diê anga di banda kala dixi dia kidijiku kionéne mulundu uoso anga u teketa, uia ni kutunguta kiavulu.

Makatukilu 3:2

Mukunji ua Jihova anga u mu tukulukila mu mulengu ua túbhia, ua uamena mu kaẋi ka kisasa; sui, kuala Mozé, o kisasa kia uama túbhia, maji o kisasa ki kia mu jokota.

Izaía 57:2

Nʼa bokona muene ku uembu; a-nda kunhohena bhu mianza iâ, oso enda ni kuiuka.

Izaía 66:15

Mbata, talesa-ze, Jihova ua-nda kuijiia mu túbhia; o makalu mê mu kuenda mukuâ ni kitembu kia kita-phe-phe nʼa kà bilula njinda iê anga i uama, o kibazu kiê milengo ia túbhia.

Izekiiele 1:13

O ku tala o iama ienhiʼii, o kidifua kiâ ela kala makala a túbhia a uama, a di fuangana makongolo a túbhia; o túbhia tuia ni kubhilajaka mu kaxi ka iama, anga o túbhia tuia ni kubenha, o mu túbhia mu tunda jinzaji.

Daniiele 7:9

Eme nga kexe-phe mu kukengelela, katé kia bheka iandu, a i tula, anga Mukulu-ua-Ndamba uxikama. O kizuatu kiê kizela kala neve, o kindemba ku mútue uê kala lâ iazele kiambote; kiandu kiê milengo ia túbhia, o malola mê túbhia tua muzukuta.

Matesu 16:27

Mbata Monʼa Muthu ua kèza mu kijingu kia Tata iê, kumoxi ni ji-anju jê; Thembuʼoio, kala muthu, ua kà mu vutuila kioso kia tokala mu ikalakalu iê.

Matesu 16:28

Ngi mi ambela kidi, emana bhabha, sai-bhu ni iá ka kà lola kalunga, katé kia kà mona o Monʼa Muthu uala kuiza mu ungana uê.

Matesu 25:31

Mu kuzubha maka Jezú uixi: Kià keza Monʼa Muthu-phe, ni ungana uê, kumoxi ni ji-anju joso, ua kà xikama ku kialu kiê kia ungana.

Matesu 25:41

Muène anga ua kʼàmbela iá ala ku kiasu: Tundenu bhu mbandu iami, enu a mi bhubhidila kuala Nzambi! Ndenu mu túbhia ki tuà jima, a tu iudikila Diabhu ni ji-anju jê!

Matesu 26:64

Jezú u mu ambela uixi: Eiemuène ua ki tange, kiene muene. Ngi mi ambela dingi-phe: Hinu mua kà mona Monʼa Muthu ua xikama ku madilu ma Nzambi ua Tena-ioso, iú tuluka mu kuiza ku matuta ma diulu!

Marku 14:62

Jezú uixi: Eme-muene. Enuʼenu oso hadia mua ka mona Monʼa Muthu ua xikama ku madilu ma Nzambi Uatena Ioso, ni kia kejiia ni kutuluka ku matuta ma diulu!

Marku 8:38

Uoso u kala ni jisonhi jami eme ni ja maka mami ku muiji iu ua jiphanda ni ituxi, o Monʼa Muthu ue ua ka kala ni jisonhi ja muene kia keza ni ungana ua Tatʼâ ni ji-anju je jangene.

Luka 16:25

Mbalahamu ua mu kumbulula-phe, uixi: Mona, lembalala kuma ku muenhu ué, eie ua tambuile ngó jimbote, mu jimbote. O Lázalu ue ua tambuile o jiphaxi. O kiki-phe muène kunu ua tululuka, kuma ua tambula ima iosuʼiii i ua di muena; eie-phe ua xixima.

Luka 17:30

Kiene kimoxi kia kà bhita mu kizuua ki tukuluka o Monʼa Muthu.

Nzuá 1:3

Ima ioso iòbhange, Nzambi ua i bhangela mua muène; kana kima kia bhange Nzambi sé muène.

Nzuá 1:51

Uixi: Eme ngi mi ambela kuila, hinu mu mona diulu dia jikuka, ni ji-anju ja Nzambi ji banda ji kulumuka ku thanduʼ a Monʼ a Muthu.

Jipoxolo 1:11

Exi: Enu mu akua Ngalieleia, mu emanena-hi ni kutala bhulu? Jezú imoxi iíi, ua kexile ni enu, ia a mi tambula-nê ku diulu, hinu uà kèza dingi uila ki mua mu mono kuia ku diuluʼ iki.

Jipoxolo 3:19

Enu-phe dielenu, muenhu uenu u biluke, mu vutuke kua Nzambi, o muène ituxi ienu phala a mi jimune-iu.

Loma 8:17

O ki tu kala tu ana, tuala tu alundudi a mabesá oso a bhakela o mundu uê. Kristu mulundudi ni mukuetu, etu uê tua kà lundula-nê kumoxi mu ima ioso ia mu bhakela Nzambi. Kabasa tu bhita-nê kumoxi mu hadi, tua kà kala-nê kumoxi mu fuma iê.

I Kolindo 3:13

Kala muthu, o utungilu uê ua kà di monekena mu kizuua kia Kristu. Mukonda o tubhia tua kizuuʼ ikio, tuene tuà kedikiza o ukalakelu ua muthu ni muthu; kuma o tubhia tuene tu lola o utungilu uê, mba ua kidifua kiahi.

II Kolindo 4:17

Kuma o hadi ietu iii i tua mu bhita na-iu iabhebhuluka, ia kithangana ngó, hinu i tu bhekela kuzediua kuavulu kinéne, kua beta ukota o hadi iii ndenge, kuxalela-ku ndú ku hadia ni hadia.

Efezo 1:2

Ku kale kiadi ku mualʼoko, ni kutululuka ku tunda kua Nzambi, Tata ietu, ni kua Ngana Jezú Kristu. Tu ximane Nzambi, Tata ia Ngana ietu Jezú Kristu!

Kolose 1:16

Mukonda ima ioso Nzambi ua i bhangela mua muène, ni ku diulu, ni mu ngongo, ni iii ia moneka ku mesu, ni ioio ki iene kumoneka ku mesu, kixi o jinguzu joso ja nzumbi, kixi makusuina, kixi maungana, kixi atumini. Ima ioso Nzambi ua i bhangela mua muène, kuma ioso ia mu tokala muène.

I Tesalonika 3:13

Phala o muène a mi kuatese miẋima mu kuzela ku kamba kuêla, bhu pholo ia Nzambi ietu, Tatʼetu, katé bhuoso bhua kà tukulukila Ngana ietu Jezú kumoxi ni akua Ngana oso.

II Timote 2:12

Se tua jiji ni kukolokota mu hadi, tua kà hinga-nê kumoxi o ungana. Se etu tua mu ditunu, Muene ue ua kà tu dituna.

Tito 2:13

O kiadi kienhiki ki tu longa ue kukala mù kingila o kizuua kietu kia kuzediua, kioso kia kà tukuluka ni fuma Nzambi ia dikota, Mubhuludi uetu, Jezú Kristu.

Jihebeleu 10:27

Ku tu iza ngó jihele ni uôma ua ku xikamena kioso ki anda kuiza-ku: o Kufundisa, ni tubhia tua muzukuta tua kà buidisa oso a ditunu Nzambi!

Jihebeleu 12:29

Kuma kidi muene, Nzambi ietu tubhia tua uama, tu buikisa.

Jihebeleu 4:1

Nzambi ua tu bhana polomesa kuila tu tena kubokona mu kunhoha ni muène. Tu kalienu-phe ni uôma, sumba mba kia xie o kizueluʼ iki kia kubokona mu dinhohenu diê, bhu kala muthu mudienu u ki tokoka.

Jihebeleu 4:11

Uila kiki, tu kuatienu-phe muanu mu kubhanga ioso phala tu tene kubokona ni Nzambi mu dinhohenu diê. Ki bhu kale muthu mudietu u di bhala mu kuxibhaka Nzambi, kala ene kia xibhakele ia a tokokele kobokona.

Jihebeleu 4:9

Uila kiki-phe, hanji kua xala dinhohenu dia ngene dia athu a Nzambi, kala o dinhohenu dia Nzambi mu kizuua kia kasambuadi.

Jihebeleu 9:28

Kiene ue, Kristu kia di lumba lumoxʼ iki kala sata, mu kukatula o ituxi ia mundu. Hádia ua kà tukuluka lua kaiadi, kana dingi mu kufuila ituxi, maji phala kubhulula ió oso ala ku mu kinga muène.

I Phetele 3:22

ió uaii ku diulu, iú uala ku madilu ma Nzambi. O kuenhoko ni ji-anju, ni makota ma ji-anju, ni mazonda ma mu belesela muène.

II Phetele 3:7

O maulu kiki ala-ku, ni oxi-phe, mu kizuelu kiene kimoxi kia Nzambi, ia xikamena tubhia. A i bhake katé bhu Kizuua kia Kufundisa, kia kubuikisa athu abhumu.

Juda 1:7

Lembalalenu ue akua Sodoma ni Ngomola, ni jimbanza ja zukamene na-ju, kioso kia bhange uila kia bhangele o ji-anjuʼ ojo, a kala mù di ehelela ku undumbu, a kala mù balukila ʼxitu jengi. Enʼ iá a a tubhula kuma a kale kijimbuete, ni kuxixima mu tubhia ki tu xikina kujima.

Dijingunuinu 1:7

Talesenu, muène hinu uiza ku matuta! Ene oso a ka mu mona mesu, katé ni ió oso a mu kubuile. Miji ioso mu ngongo ia kà dila jingololo mukonda diê. Kiene muene. Amén!

Dijingunuinu 14:10

muenhó hinu u nua ku vinhu ia Nzambi, o vinhu ia njinda iê, a i lundulula ia hatu ni nguzu ioso mu kopho ia kutêma kuê! Kuma muthu uoso u bhanga kiki, a kà mu tatesa ni túbhia ni xofidi bhu pholo ia ji-anju jikôla, ni bhu pholo ia Kambudi.

Dijingunuinu 14:13

Anga bhenhobho ngʼívua dízui di tunda mu diulu, dixi: Kiki soneka-kiu; Azediua o madifundu tundé kiki a fuila mu kikalakalu kia Ngana! O Nzumbi ia Nzambi anga uitaia, uixi: Eua! Kiokio kidi muene! Mukonda ene a kà nhohaku kiá ku ikalakalu iâ, ia hadi, mbata o mbote i tunda mu kukalakala kuâ, a kàia na-iu.

Dijingunuinu 20:11

Kia bhiti imʼíii, nga mono kiandu kia dikota kizela, ni muène ua xikama-bhu. O mu kulenga pholo iê, oxi ni diulu ia jimuka, ki ia moneka dingi ku mesu.

Dijingunuinu 21:4

Muène u a kondona o masoxi moso ku mesu mâ! Ki ku kala dingi kùfua, nè ngó mukondo, mba kudila, mba kukata. Mukonda ima ia diangèle-ku, ia bhiti.

Dijingunuinu 22:16

Eme, ngi Jezú, nga tumu anju iami ku mi bhana umbangi ua imʼiii mu jingeleja. Eme ngi lundânji, nga tokala ku luvualu lua Davidi. Eme ngi théthembua ia kubenha, i muika mu kimene.

Dijingunuinu 22:6

Anju anga u ngʼambela, uixi: Maka iá a kidi, a tokala ku a dielela. O Ngana Nzambi, uene mu bhana o Nzumbi iê ku jipolofeta, muène ua tumu anju iê kuidikiza selevende jê o ima i bhinga i bhita kindala.

Dijingunuinu 22:9

Muène-phe, uixi: Aiuka, kana kubhanga kiki! Eme uami ngi selevende ni mukuenu, nga sokela ni phange jé, o jipolofeta, ni ene oso kiá aiuka o maka ma divulu didi. Bheza Nzambi!

Dijingunuinu 6:11

Anga a a bhana izuatu izela, ene oso a sokelà-ku. Hé a ambela kuma a nhohe-ku hanji kathangana, katé ki tenena o konda ia jiselevende ni akuá o jiphange jâ, oso a-nda ku a jibha ue uila kia a jibhile ene.