II Samuuele 9:11 - O Mikanda Ikola

¹¹ Nziba anga u ambela muenexi, uixi: Kùku, kioso ki ua tange, ngi ki bhanga muene, ngi mubhikʼé. Muenexi-phe, uixi: Eie u Mefibozete, udia jinga ku meza mami, kala kiene kúdia anʼa sobha.

II Samuuele 9:11 ပူးပေါင်းရင်းမြစ်များ

II Samuuele 15:15

Akua mbèle ia muenexi anga a mu ambela, exi: Etʼú, tu abhikʼé, tuala polondo phala kubhanga kioso ki tuma muadiʼetu, muenexi.

II Samuuele 19:17

Anga bhu kala midi ia akua Bejamí ela-nê kumoxi, ni Ziba mukua mbèle ia Saúlo, ni kuinhi dia monʼê ni kitanu, ni makuinhi aiadi a abhika ela-nê kumoxi; anga a zaúka Njolodá mu mesu a muenexi.

II Samuuele 19:24

Mefi-bozete ue, monʼa Saúlo, u kulumuka mu batuila Davidi. Muenephe ka di seke inama, ka di bhutu muezu, ka sukula izuatu, tunde kizuua kia katuka muenexi, katé kia bhongoloka ku bhata ni paze.

II Samuuele 19:26

Muene u mu vutuila, uixi: Kùku, ngana iami, mubhikʼami muene ua ngi nganala. Kuma, eme ngi mubhikʼé, nga mu edile ngi zuikile bûlu, ngi mondale ngendele kumoxi ni muenexi, mukonda nga nemana.

II Samuuele 9:10

Eie u mu dimina jinga mábhia ê, ni eie, ni anʼé, ni abhikʼé; u mu bhekela jinga ku idima, phala monʼa muadiʼé a kale ni kúdia; maji Mefibozete muene-phe, monʼa muadiʼé, u dia jinga ku meza mami. Nziba muenhú anga u kala ni kuinhi dia mona ni kitanu, ni makuinhi aiadi a abhika.

II Samuuele 9:12

Mefibozete anga u kala ni monʼê muene, hanji mona-ndenge, dijina diê Mika. Ene oso-phe mu dibhata dia Nziba a kala mu bhikila Mefibozete.

II Samuuele 9:13

Mefibozete anga u tunga kienhiki mu Jeluzaleme; u kala mu kúdia jinga ku meza a muenexi. Muene-phe ua nemana inama iê iiadi ioso.