II Samuuele 8:8 - O Mikanda Ikola

⁸ Ni ku Beta, ni ku Belotai, o jisanzala ja Hadadezele, sobha Davidi u tambula-ku ue ngôndo ia nzungule muene.

II Samuuele 8:8 ပူးပေါင်းရင်းမြစ်များ

II Samuuele 8:7

Davidi anga u tambula jingubu ja ulu, ja zakelele o makuenze a Hadadezele, anga u ji bheka mu Jeluzaleme.

I Jisobha 11:23

Solomá, Nzambi ua mu balumuina ue dingi nguma iamukuá, muene Lezone, monʼa Eliiada, ua lengele kua ngana iê Hadadezele, sobha ia Zoba.

I Malunda 18:1

Kia zubha kubhita imʼii-phe, Davidi ua kuama o akua Fidíxia iu ua a tolola; iu ua tambula o ixi ia Ngate, ni ididi ia utuminu uê, bhu maku ma akua Fidíxia.

I Malunda 18:8

Ku Tebate ue, ni ku Kune, jimbanza ja Hadale-Ezele, Davidi ua tambula-ku kobidi iavulu. Iene Solomá ia iudika na-iu o kizanga kia kobidi ni jiphiladi, ni itutu ia kobidi.

I Malunda 22:14

Talesa-ze, kuma mu hadi ni lamba di nga tale ni kukalakala kuami kuavulu, nga kuata hama ia midi ia jitalendu ja ulu, phala o inzo ia Jihova, ni luku imoxi ia jitalendu ja phalata, ni kobidi ni felu ja bhingi katena ku jʼijiia o kinemenu kiê ki ja neme, mukonda kana muthu utena ku ji pezala, mbé dia kuvula kinéne; ku tahndu diê nga lungu ue ni miẋi ni matadi, iene ioso nga i tenesa; eie-phe, hinu uta-bhu dingi kioso kia kambe-ku.

I Malunda 22:16

O ku ulu, ni phalata, ni kobidi ni felu, ni imʼii iala nzungule, kana-ku dialuilu diê; eie balumuka-phe u bhange o kikalakalu, o Ngana Nzambi akale ni eie.

I Malunda 29:7

Anga a bhana midi jitanu ja jitalendu ja ulu, phala o kikalakalu kia inzo ia Nzambi, ni kuinhi dia midi ia iphaka ia phalata, ni kuinhi dia midi ia jitalendu ja phalata, ni kuinhi dia midi ni nake ia jitalendu ja kobidi, ni hama ia midi ia jitalendu ja felu.

Izekiiele 47:16

Ni Hamate, ni Belota, ni Xibalaíme, ala bhuʼaxaxe ni mbambe ia Damasku, ni ia Hamate, katé Hazele-Hatikome, ua zukamena ku mbambe ia Haulane.