II Samuuele 8:2 - O Mikanda Ikola

² Anga u beta akua Mouabhe ni ku a zonga ni mukolo; u a zekesa bhoxi, anga u zonga mikolo iiadi ia ku jibha, mukolo umoxi ua ku a xisa ni muenhu. Akua Mouabhe anga a kala mu bhikila Davidi, enda ni ku mu bhakuila madijimu.

II Samuuele 8:2 ပူးပေါင်းရင်းမြစ်များ

II Samuuele 12:31

Hé a kuata o mundu uoso ua xalamu, anga a u balakala; o kuaiiʼoko, iá a a te mu kuselala ni Sela ia felu, o iá ku pikeleta, o iá mu kukoka ni makuua a felu, o iá ku fólono ia kuiudika matijolo. Kienhiki Davidi kiene kia bhange ku jimbonge joso ja anʼa Amone. Kia zubha kubhanga kiki, Davidi ni mundu uê uoso ua masoladi a vutuka kiua mu Jeluzaleme.

II Samuuele 8:6

Davidi anga u ta jipoxto mu Sídia ia Damasku, akua Sídia anga a kala mu bhikila Davidi, enda ni ku mu bhakuila madijimu. Jihova anga u bhana uzonda kua Davidi, kuoso-kuoso kuambe kulunga ni kúlua, u kala mu tolola.

I Jisobha 4:21

Solomá anga utumina o jisobha joso tunde ku Honga ia Ufalate katé ku ixi ia akua Fidíxia, katé ku mbámbe ni Ijito; ene oso a bheka jinga lubhaku kua muene, a bhikila jinga Solomá izuua ioso ia muenhu uê.

II Jisobha 1:1

Kioso Akabe kia zubha o kúfua, Mouabhi ua di vunza mu kuzoka ni izalaiele.

II Jisobha 17:3

O Salamanazale, sobha ia Asídia, hé u banda mu kulua-nê; Ozeia hé a mu kitula mubhika ua Salamanazale anga uenda ni ku mu bhana lubhaku.

I Malunda 18:2

Ua tolola ue akua Mouabhe, enhá anga a kala jiselevende ja Davidi, hé aia ni ku mu bhekela o lubhaku.

II Malunda 26:8

Akua Amone anga a bhana maujitu kua Uziia; o fuma iê anga iia katé mu ku bokona mu Ijitu, kuma ua di jingisa kinéne.

Jisálamu 108:9

Muabhe kitutu kiami kia kudisukuila; mua Edomo muene mu nga tula o sabhatu iami; Fidíxia nga mu tolola, ngi mu kola kikóue.

Jisálamu 18:45

Enhó akua makanga, kia ngi mona, a lela kala iangu; eza ni kuteketa a fomoka mu jimbonge jâ.

Jisálamu 60:10

Kifua kʼeie muène, ua tu ambudisa, Ngana Nzambi? Kʼeie-muène Ngana Nzambi, ua mu fula kiá kubheka o ifuẋi ietu ku ita?

Jisálamu 60:8

Mouabhe kitutu kiami kia kusukuila inama; Edomo nga mu takuila o sabhatu iami; Fidíxia nga mu tolola, ngi kola kikóue.

Jisálamu 83:6

Ni akua jibalaka ja Edomo, ni akua Ijimaiele; ni Mouabhe ni akua Hangale,

Izaía 36:16

Ezekiia ki mu mu bhane mátui; kuma sobha ia Asídia uambe kiki: Bhangenu paze ni eme, mu ngi bhekele mibhaku, mu ize kokuami, nda mu tene kúdia, kala muthu, ku muvide uê, ni ku mufiku uê, mu tene kúnua ue kala muthu ku kixima kiê.

Dialuilu 24:17

nga mu mono, maji ki lelu; bhu nga mu muena, ki bhabha; kua kà tunda théthembua mua Jakobo ku kala mbasá muʼaxaxi ka Izalaiele, Mouabhe a ka mu beta mbandu ni mbandu, akua jimvunda a kà a xinina bhoxi, ana oso a Sete a kà a jikinisa

I Samuuele 10:27

Bhu kala-phe ue ni anʼa Kadiaphemba, exi: Iú ue muthu uahi? Manhi utena ku bhulula? Anga a mu tènda, a fula ku mu bhekela maujitu. Muene-phe ua di xibhʼê kala ka kʼivu.

I Samuuele 14:47

Kienhiki Saúlo kia zubha kutambula ungana ua Izalaiele, u lua ni jinguma jê ku mbandu joso. U lua ni Mouabhe, u lua ni anʼa Amone, u lua ni Edomo, u lua ni jisobha ja Zoba, u lua ni akua Fidíxia; kuoso-phe kua lungu ni ita jinguma jê u ji kaia.

I Samuuele 22:3

Davidi anga u katuka bhenhobho, uia ku Mixipa ku Mouabhe. Anga u ambela sobha ia Mouabhe, uixi: Nga ku diondo, ehela tatʼetu ni mamʼetu eze a kale bhu kinama kié, katé ki ngʼijiia kioso kia-nda ku ngi bhanga Nzambi.

I Samuuele 22:4

Anga u a bheka bhu pholo ia sobha ia Mouabhe, anga a tunga-nê kumoxi thembu ioso iala Davidi mu mutôlo.