II Samuuele 8:15 - O Mikanda Ikola

¹⁵ Davidi anga u kala mu tumina Izalaiele ioso; Davidi u batula milonga, u kumbidisa o kidi muʼaxaxi ka mundu uê uoso.

II Samuuele 8:15 ပူးပေါင်းရင်းမြစ်များ

II Samuuele 15:3

Abisalone anga u mu ambela, uixi: Talesa, makʼé auabha, a iuka muene, maji ki bhuala muthu a mu tumu kuala muenexi phala ku ku ivua.

II Samuuele 20:23

Kienhiki Jouabe u kala muene o kumanande u tumina kifuxi kioso kia Izalaiele; Benaia, monʼa Jehoiada muene u tumina o Makeleti ni Mapelete;

II Samuuele 3:12

Abinele anga u tuma jiphunga kua Davidi mu dijina diê muene, uixi: Ixi iangene ia nanhi? Uixi dingi; Ndoko, u te kikutu kia ukamba ni eme, phala eme uami ngi kale kumoxi ni eie, nda ngi bheke Izalaiele ioso mu utuminu ué.

II Samuuele 5:5

Mu Hebolone ua bhange sambuadi dia mivu ni mbeji jisamanu ku ungana ua Juda; mu Jeluzaleme ua bhange makuinhi atatu a mivu ni itatu ku ungana ua Izalaiele ioso ni Juda kumoxi.

II Samuuele 8:14

Anga u ta jipoxto mu Edomo, akua Edomo oso anga a kala mu bhikila Davidi.

II Samuuele 8:16

O Jouabe, monʼa Zeluia, muene o komanande u tumina o kifuxi kioso kia makuenze a ita; Jozafate, monʼa Ahiludi, u kala musoneki a jindunda ja malunda;

I Jisobha 10:9

Jihova, Nzambi ié, ataneku! Ió ua ku uabhela eie, iu ua ku solo phala ku ku tula ku kiandu kia Izalaiele; mukonda Ngana ua zola Izalaiele ni ku hádia ni hádia, kiene kia mubhangesa ku ku bhanga sobha, nda u bhange kia mu uabhela muene ni kubatula milonga ni kuiuka.

I Jisobha 4:1

Kienhiki, Sobha Salomá anga u kala mú tumina Izalaiele ioso.

I Malunda 18:14

Davidi hé ukala mu tumina o Izalaiele ioso; ukala mu kufundisa ni kubhanga mbote ku mundu uê uoso.

Jisálamu 119:121

Eme nga kumbidila o kidi ni kuiuka; kana-phe ku ngʼehelela kua ió andala ku ngi bhanga usuéia.

Jisálamu 72:2

Phala muene a fundise o mundu ué ni utuminu ua kidi, a batule kiambote o milonga ia jingadiama.

Jisálamu 75:2

Eme kioso ki ngi bhixila bhu thembu iatokala, kiene ki ngi batula o milonga mu uiukilu uê.

Jisálamu 89:14

Ni kufundixa kua kidi ni kutetuluka kua ku fikidila o kiandu kié; ni kulenduka ni kidi a ku tuamenena kuoso-kuoso ku u di tela.

Izaía 9:7

O kukula kua ulamba uenhú, ki kuene mbambe; o kutululuka kuê ki kuene kúbhua; ua tulama bhu kiandu kia Davidi ni ku usobha uê, phala ku u kuatesa bhu kididi, ni ku u fikidila mu kutetuluka ni mu uiukilu, tunde kiki katé ku hádia ni hádia; o muanu ua Jihova dia Ilômbo Ieta uene ua-nda ku bhanga kienhiki.

Amoji 5:15

Kubhanga kia ibha ku mi ibhile, mu uabhele-ku kubhanga mbote; o kufundisa kia iuka ku mi kale muene bhu dibhitu. Sumba Jihova Nzambi ia Ilômbo Ieta u kuatela henda ku tumbalumbalu tua subhuka mua Zuze!

Amoji 5:24

Inda, o kufundisa kua kidi-phe, ku kunguluke kala menha; o ku batula milonga mu kidi, kuile kala kangiji ka mabhubha, ki kene dingi kukukuta.

Jihebeleu 11:33

Athu edile mu kuxikana kuâ, a tolola ilômbo ia muvimba. A iukisa milonga, hé a tambula o jipolomesa ja Nzambi. A xita o makanu ma jihoji.

I Samuuele 14:47

Kienhiki Saúlo kia zubha kutambula ungana ua Izalaiele, u lua ni jinguma jê ku mbandu joso. U lua ni Mouabhe, u lua ni anʼa Amone, u lua ni Edomo, u lua ni jisobha ja Zoba, u lua ni akua Fidíxia; kuoso-phe kua lungu ni ita jinguma jê u ji kaia.