II Samuuele 8:14 - O Mikanda Ikola

¹⁴ Anga u ta jipoxto mu Edomo, akua Edomo oso anga a kala mu bhikila Davidi.

II Samuuele 8:14 ပူးပေါင်းရင်းမြစ်များ

Dimatekenu 25:23

Jihova anga u mu vutuuila, uixi: Ifuẋi iiadi ia ku kala moxi diê, miiji iiadi ia kà di uanununa tunde mu vumu, muiji umoxi ua kà tunda mukuâ mu nguzu, o dikota dia kà bhikila o ndenge.

Dimatekenu 27:29

Athu engi a ku bhikile, Miiji ia kanga i ku bheza; Kala u ngana u tumina phange jê, Anʼa mamʼenu ende ni ku ku diundila. A kale mukua mázui uoso u ku ta eie o mázui A kale ni dibesá uoso u ku bha dibesá.

II Samuuele 5:10

Ukota ua Davidi anga uia ni ku di bandekeza ni kukula; kuma o Jihova, Nzambi ia ifuẋi, uala-nê.

II Samuuele 7:9

Eme ngende ni eie kuoso-kuoso ku ua di tela jinga, jinguma jé nga ji buikisa bhu pholo ié; nga ku jîngisa o dijina, kala o majina ma athu ónene a fumana mu ngongo.

II Samuuele 8:15

Davidi anga u kala mu tumina Izalaiele ioso; Davidi u batula milonga, u kumbidisa o kidi muʼaxaxi ka mundu uê uoso.

II Samuuele 8:6

Davidi anga u ta jipoxto mu Sídia ia Damasku, akua Sídia anga a kala mu bhikila Davidi, enda ni ku mu bhakuila madijimu. Jihova anga u bhana uzonda kua Davidi, kuoso-kuoso kuambe kulunga ni kúlua, u kala mu tolola.

I Jisobha 11:15

Mukonda kia bhiti kuma, kia kexile Davidi mu Edomo, anga Jouabe, mutumini ua kifuxi, u banda mu kufunda imbi, muene u jibha mala oso mu Edomo,

I Jisobha 22:47

Ua balakala ue o minzangala ia mala, ioio ia di longele o udianzunga iii ia subhukile-ku mu izuua ia tatʼâ Aza.

I Jisobha 22:48

Mu izuuʼomo, mu Edomo ki mua kexile sobha, mua kexile-phe ngó nguvulu, isengele ia sobha, muene uakexi mu tumina-mu.

II Jisobha 14:7

Muenʼiú ua jibha kuinhi dia midi ia akua Idomo, mu Dikôlo dia Môngua, o mu ita anga u tambula Sela, hé u muʼixana uixi Jokotele, katé mu kizuua kia lelu.

II Jisobha 18:7

Kienʼiki ue o Jihova iú ua kexile jinge ni muene; o kuoso-kuoso kuʼaia, o uendelu uê ua ku di-langa kinéne; muene anga u bilukila sobha ia Asídia, u di-tuna ku mu bhikila.

I Malunda 18:13

Anga Davidi u-ta kibuka kia masoladi ki kala mu kulangidila mu Idomo, o akua Idomo ene oso anga a kala abhika angene a Davidi; o Jihova anga ukala mu kulanga Davidi, kuoso kuoso kuaia.

Jisálamu 60:1

Ngana Nzambi, eie ua tu ambudisa, ua tu muange; eie ua tu luualela, tua diondo tu kudile!