II Samuuele 7:9 - O Mikanda Ikola

⁹ Eme ngende ni eie kuoso-kuoso ku ua di tela jinga, jinguma jé nga ji buikisa bhu pholo ié; nga ku jîngisa o dijina, kala o majina ma athu ónene a fumana mu ngongo.

II Samuuele 7:9 ပူးပေါင်းရင်းမြစ်များ

Dimatekenu 12:2

eme-phe nga-nda ku ku sokolola, nʼukala u muiji ua dikota; ngi ku zediuisa, ngi jingisa o dijina dié; eie ua kala u dibesá.

II Samuuele 22:1

Davidi anga u tela Jihova maka moso ma muimbu iú, kizuua kia mu kudila Jihova bhu lukuaku lua jinguma jê joso, ni bhu lukuaku lua Saúlo, uixi:

II Samuuele 22:30

Mukonda mu nguzu iê ngi kaia ilômbo, mu kudielela Nzambi ngi tuka imbaka.

II Samuuele 22:43

Bhenhobho-phe eme ngʼa beta katé a fufuka kala mavu a bhoxi, ngʼa titidila muene kala malôua mu nzunga; a phephuluka aii ni kitembu.

II Samuuele 23:1

Enhá ene o maka ma sukidila-ku ma Davidi. Davidi monʼa Jese uambe kiki; muthu ió a mu zangeleka ditala dia dikota, a mu undu ni maji kuala Nzambi ia Jakobo, uixi:

II Samuuele 5:10

Ukota ua Davidi anga uia ni ku di bandekeza ni kukula; kuma o Jihova, Nzambi ia ifuẋi, uala-nê.

II Samuuele 8:13

Davidi anga u fumana dingi o dijina kiavulu, kuma o kia vutuka mu beta akua Sídia, mu Kibota kia honga ia Môngua, ua beta-mu ue dingi kuinhi dia midi ni nake dia midi ia muthu akua Edomo.

II Samuuele 8:14

Anga u ta jipoxto mu Edomo, akua Edomo oso anga a kala mu bhikila Davidi.

II Samuuele 8:6

Davidi anga u ta jipoxto mu Sídia ia Damasku, akua Sídia anga a kala mu bhikila Davidi, enda ni ku mu bhakuila madijimu. Jihova anga u bhana uzonda kua Davidi, kuoso-kuoso kuambe kulunga ni kúlua, u kala mu tolola.

I Malunda 17:8

Eme nga kexile jinge ni eie ku mbandu joso kuoso ku ua ditela jinga, jinguma jé joso nga ji jikinisa muene ku mesuʼé a kutala, katé bhu pholo ié kia-bhu-bhu, eme nga ku bhana o dijina dia kulu kala o dijina dia ilamba mu ngongo.

Jisálamu 21:6

Mbata eie ua mu bhana kuzediua kunangenena; ua mu vudixila ngalasa iê mu kukala bhu pholo ié.

Jisálamu 89:23

Jinguma jê ngʼa beta muene bhu pholo iê, ngʼa muanga-muanga oso a mu zembe.

Luka 1:52

Anʼa jingana ua a tulula ku iandu, iú ua bandesa-ku a tolo o majina.

Josuué 6:27

Kienhókio, Jihova anga u kala kumoxi ni Josuué; anga o fuma iê iia mʼoxi ioso.

I Samuuele 18:14

Davidi anga u kumbidila ni kilunji mu jinjila jê joso; Jihova anga u kala-nê.

I Samuuele 18:30

Jisobha ja akua Fidíxia anga ji kala mu tunda ku izuua-izuua phala kúlua-nâ; maji kioso-phe kia tunda, Davidi u beta kukala ni kilunji kia kulenda o kutolola jisobha ja akua Fidíxia, makuenze oso a Saúlo ndenge; dijina diê anga di fumana dingi kiavulu.

I Samuuele 2:8

U zangumuna o ngadiama mu mavu, u katula phulungu bhu dixita nʼa mu xikamesa ni anʼa jingana phala a lundule kiandu kia fuma; kuma o jiphiladi ja ixi, jangene ja Jihova, o Ngongo ua i xikika ku thandu diâ.

I Samuuele 31:6

Kala kiki ni Saúlo muene uafu, ni anʼê atatu, ni kibêse kiê, ni makuenze mê ene oso afu kizuua kiâ kimoxi.

I Samuuele 5:10

Kienhiki a tumikisa álaka ia Nzambi ku Ekolone. Mu kubhiẋila-phe ni álaka ia Nzambi ku Ekolone, akua Ekolone a dikola, exi: A tu bhekela kunu o álaka ia Nzambi ia Izalaiele, mu ku tu jibha etu ni mundu uetu uoso!