II Samuuele 7:27 - O Mikanda Ikola

²⁷ Kuma eie, u Jihova dia Ifuẋi, u Nzambi ia Izalaiele, ua kʼivisa mu mátui ma mubhikʼé, uixi; Eme nganda ku ku tungila dibhata; kiene ki nga ki sangela mu muẋima, ngi mubhikʼé, o ku ku sambela musambu uenhú.

II Samuuele 7:27 ပူးပေါင်းရင်းမြစ်များ

II Samuuele 7:11

kala mu izuua i nga tumine afundixi kutambula konda ia mundu uami ua Izalaiele. Eie ngi ku bhana kunhoha-ku ku izudidiku ia jinguma jé joso. O Jihova ue, ua te-ku dingi o ku ku tangela, kuma, Jihova muene ua-nda ku ku tungila eie o inzo.

II Samuuele 7:13

Muenhú muene hinu u ngi tungila inzo ia dijina diami, o kiandu kia utuminu uê ngi ki kolesa bhu kididi, anga kia kà xalela.

I Jisobha 11:38

Anga kia kà kala-phe kuma, eie se uívua ioso i ngi ku tuma, ni uendela mu njila jami, nʼu bhange kia iukila ku mesu mami, mu kubhaka o itumu iami ni ijila iami, kala kia bhanga jinga ngunza iami Davidi, eme ue nga kà kala jinga nʼeie, anga nga kà ku tungila inzo ia kuatenena kiambote, kala i nga tungila Davidi, o Izalaiele nga kà ku bhana-nê.

Jisálamu 10:17

Eie-phe Jihova, uevu kioso kiala kuinda abelesela; eie muene ua a sungu muẋima, mu kuditenda kuâ eie u a evua.

Jisálamu 40:6

Kusata mienhu, ni kubhakula idima, eie ki kuene kua ku uabhela, kana; maji, bhenhobho ua ngi xitununa o mátui; sata ia kuoha, ni ia kuluulula, ki iene i ua ngi bhingi.

Makatukilu 1:21

Mu kukala-phe mukonda dia avuadixi kukala ni uoma ua Nzambi, muene ua a bhange mabhata.

Lute 4:4

Ngixi-phe ngi ku kunda-kiu, imoxi u a sumba bhu pholo ia adiakimi akua bhata iá a xikama bhabha, ni bhu pholo ia mundu uoso. Ki uila-phe u a kula, kula-u-phe kiá; o ki uila kana, zuela-kiu, phala ngi kʼijiie; kuma kana-ku dingi ua tokala o ku a kula, kala eie ngó, ni eme nga kaiela ku kunda dié.

I Samuuele 2:35

Nga kà zangeleka nganga iami iengi ia fiiele, uà kala muthu ua kukumbidila ioso ia ngi kala ku muẋima ni mu kilunji kiami; muene nga ka mu tungila dibhata diakolo, uà kala mu kuenda jinga bhu pholo ia muthu uami nga mʼundu ni maji sé dizubhilu.

I Samuuele 9:15

Jihova-phe ua diangele kulongesa Samuuele, kizuua kia kuila Saúlo mungu ua-nda kuiza, uixi: